Sam 27:1 - Nobonob Baibel1 Yawe Nug dahil amahlak, dahil Padal ii maknu ehanittak ele daatte amunu, da aun laa baɗidkkul? Ao, Yawe Nug ban haknu aben ɠagattag dahil bia daatte, da amuppa ukken daakkul amunu, da auntai laanu ii baɗapa. အခန်းကိုကြည့်ပါ။ |
Sam 27:1
45 ပူးပေါင်းရင်းမြစ်များ
Yawe Nug da padal mak eɗitteb ena dayaknu ehanittak daatte. Da nuhigppa ehanittak amu aottem. Anam amunu, aɗinu ag dahilnu inam atteb? “Antteg! Nau hak danab ag ahilkad lat omanadna, lat doɗo, lat oɗppa maadna pimaladnana, ag logoppanu lat doɗo eppeg, laa ag kobol tutukku hetteb ele dilagppa gokkunu daatteb. Laa amu, ena haknu diig oh na qeum daatte dayeb amu, genab tutukku hak aɗi ag aɗitai laa hekkulagnu elele iitta amunu, na bau ena daakkutnu, na oolna qaukoppa ukke!” ⌊Ag anam atteb amge aɗinu ag anam atteb?⌋
Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.
Da padal mepanu Yawe Nug ehaniɗom, amuam Nug lamen ena da beɗulppa melo, amubia daatte. Ge! Kayak he, da genab tutukku hak danab daattem, amuam Nug lamen elab enanag da beɗulppa melo, amubia daatte. Nug anam heum amunu, da nuhignu enanagnab doottem. Ge! Da nuhignu oo gamag ahak okkai doottem. Lamen Nug dahilppa meum amu, amuam danab nug ah aokkunu haaha, nug igippa lamen enanag, mana mettak danab mette bia mette amu, lamen dahilppa meum am amubia. Yo, ah nug danab aokkunu haaha, nug bala enanag beɗuppa mette amu, lamen dahilppa meum am amubia.
Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.
Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.
amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.
ကြော်ငြာတွေ