Sam 26:9 - Nobonob Baibel

⁹ Na hipunin danab eheɗ hadappe nauhppeppeg, na ag da ele oh hegappe, da ag ele oh nauhkkunignu ii hemananu oɗ medattem. Ao, na danab ag lailkad aqaeg mauhtteb ele eheɗ hadappe mauhppeppeg, na da ag ele oh hegappe, da ag ele oh mauhkkunignu ii hemananu unuqidttem.

Sam 26:9 ပူးပေါင်းရင်းမြစ်များ

2 Samuel 16:7

Simei nug nai nau amu mattiaya, ewa aum. “Na qe mauhak danab, na ahan ukke! Na danab hamu, nahip-ppa ena laa ii daatte.

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

Sam 139:19

O Kayak, na nau hak danab hadappe nauhkkulagnu ool hette! Ge, ag danab ag laa aqatteb ele, ag da uuiɗna, laih ukkeg!

Sam 51:14

O Kayak, da padal mepanu ehanittak am naib. Da am eheɗ nau hemi amunu, na heppe, da mauhkkulnu elele, amge O Kayak na heppe, da ii mauhpa, da bau daakkulnu unuqidttem. Na anam hekkut amu, da gamag ahak okkai doyen, da nahip genab tutukku hak kobolnu ahi edakkul.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Matyu 24:51

Uɗia amu, danab okkai nug maɗi nid amu eheɗnab hettowa, awa meeb, nug hambuppuak danab ele daaglag. Appa danab ag gaanna, aelkad emalna daaglag.

Matyu 25:32

Da anam daappi, danab ah oh da noolppa qagmekkulag. Qagmeppeg, da epeɗatten, ameg aɗit mekkul; sipsip gumak danab nug sipsip otia, ameg piɗe maama, amu meeme otia, ameg piɗe mette amubia.

Matyu 25:44

Da anam appi amu, ag akkulag. ‘Naɗi, na ganeb enug daame, o na le baat diiom, o na aab diig danab iitta daame, o na lamen iitta daame, o na oɗe daame, o iitta na maniguittakppa daame amu, ig na anidta ii ehanidmut?’ aon akkulag.

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

1 Samuel 25:29

Na am naɗi dahil, amu danab laa nug na gumitta doa, nug na nidakkunu hekkutai, amge Yawe, nahip Kayak, Nug geha na danab laa nug nuhig keeke ena ena atognotte bia atognoitteb, na ii mauhmana. Yawe Nug geha nahipnu anam hekku, amge geha Nug nahip kekeɗ amu aqeb, iitta mekkulag; danab nug men ketapolppa ma, e gotte bia, anamib Yawe Nug geha nahip kekeɗ geɗatteb, gona iitta mekkulag.