Sam 26:7 - Nobonob Baibel

⁷ Appa amu, da na ena hena meɗamenu ahi edettem. Ao, da nahip kobol danab hekkunu elele iitta laa kuɗum, da amunu danab ah amelagppa attem.

Sam 26:7 ပူးပေါင်းရင်းမြစ်များ

1 Stori 16:24

Ag nuhig binag amahlak oppiaawak elenu amu, ag wanppan wan ohnu danab ah amelagppa mehuqeg! Ao, ag nuhig hak enanagnu huu ohppa appeg doyeg!

Sam 105:2

Ag ahi ettanna, ag Yawe binag meig! Ge, ag onig humaknu ahi ettanna, ag Nug binag meig! Ao, ag nuhig hak ena ena ohnu, ag danab ah laa oh ag amu dooglagnu ag amelagppa aig!

Sam 118:19

Yawe, Nug genab tutukku hak kobolib hette, amu da nuhigppa gokkulnu na nuhig mettid lag od matulppe, da Yawe noobppa wain, da Nug amegppa, “Ena heme,” akkul.

Sam 118:27

Yawe Nug Kayak daatte. Nug ig nuhig amahlak mekkom. Ag oolag gamag ahebeb, mana mettak aon uɗin, qaɗabppa meig!

Sam 119:27

Da nahip kobol danab hekkunu elele iitta, da amunu dabmak unuqag awewe daakkulnu amu, na ehaniɗna heppe, da nahip oo yaak nai ɗo bia, da nai amunu meu dooppi ool maidkkunu oɗ medattem.

Sam 134:2

Genab, ag nuhig mettid lagppa ag eppelag humana, Yawe binag meig!

Sam 145:5

Na am king dagom onig ɠagattag okkai naɗi ele, amu da amunu dabmak unuqag awewe daakkul. Ao, da na uɗat okkai oh ena ena hemenu dabmak unuqag awewe daakkul.

Sam 72:18

Ig Yawe Kayak binag metu! Nug am Israel dilag Kayak. Nugib keeke okkai ena ena hette.

Sam 9:1

O Yawe, da meul ohppa ele, na amenppa, “Ena heme,” akkul. Da na kobol danab haknu elele iitta heme amu, da amunu madikkul.

Sam 9:14

⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Sam 9:2

Nahipnu amu, da ool gamag huanaknab ahakku. Ao, O Kayak Attannab Laa Oh Eɗattak, da geha na oninnu humittak ahi edakkul.

Sam 95:2

Ig Nug gumidta, Nug noobppa gota, amegppa, “Ena heme,” akkunig. Ao, ig musiknu keeke qaadtat, ig ahi ena ena ele Nug binag meta edatu!

1 Samuel 1:24

Aria, Hana nug huh aɗitta mala, nug Samuel omale, gamu ele Silo gopiɗ. Samuel nug nid okkai iitta, nug nid nakok, amge aa omalya goya, aa makau dawai, maɗ ewam ele, 10 kilogram plaua, amu wain doɗ gaɗappa inak, amu ele oh aoya gopiɗ. Aa omalya, Yawenu mettid haknu peh lag Silo aabppa dayom, appa gopiɗ.

1 Samuel 1:27

Haen amuppa amu, da nid imunu Yawe unuqidmi, amu Nug nid imu da meɗom