Sam 25:3 - Nobonob Baibel

³ Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Sam 25:3 ပူးပေါင်းရင်းမြစ်များ

Gayak Nai 3:25

Laa ag Yawe heeb, keeke ena bekkunu dabmak aɗan oitteb amu, Yawe Nug ahilagnu kobol ena hette. Ge, laa ag Yawe mattina, dim lamidkkulagnu Nug maditteb, Nug ahilagnu kobol ena hette.

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Aisaia 49:23

Ag Juda amu, king laala ag ag mamelkad daaglag. Kuin laala ag anig nid huh medatte, ag ahilagnu anambia daaglag. King aɗi amu, ag Juda ahilagnu okkai doon, ag ag noolagppa gatelag qaun ona, gomelna ag iɗulag wanppa mekkulag. Ag ag baelagppa dup nona binalag mekkulag. Ag amu hekkulag amunu, ag Juda, ag da am Yawe doon, laa ag da amel metteb ele, ag uɗa nak ii doomna ele dooglag.” Yawe Nug anam atte.

Maika 7:7

Amge da amu, da Yawe Nug da ehaniɗkkunu dabmak aɗe oittem. Da Kayak, Nug padal mepanu ehanittak dahil daatte, da Nug ameg mettem. Dahil Kayak Nug dahil unuqittak dookku.

Sam 62:5

Da Kayak Nug da ehaniɗeb, dahilppa ena bekkunu dabmak aɗe oittem amunu, da Nug noobppa dagom daattem.

Sam 27:14

⌊O danab ah,⌋ ag Yawe Nug ehanadkkunu ameg meig! Ao, ag oolag ɠagattag qena daanna, ag dabmak nau aib aoppig. Ge, ag Yawe ameg meig!

Rom 8:25

Amge ig keeke ena amu aognignu genab dabmettem dayeb amu, ig oonig maɗoɗ ele ameg meta daattem.

Sam 37:34

Ag genab tutukku hak danab ah ag Yawe aɗi heeb anidkkulagnu ameg meig! Ag hanhan Nug aɗi atte amu heig! Ag anam hekkulag dayeb amu, Nug ag ehanatteb, ag geha ag aulag wan imu aɗan daaglag. Ge, Nug nau hak danab hatteb nauhppeg anadkkulag.

Sam 33:20

Ig Yawe, Nugib heeb, keeke ena bekkunu dabmak aɗat daat, Nug ameg meta daattem. Ao, Nugib am ihinig ehanittak, ihinig guppiɗ ele daatte.

Sam 123:2

Begbeg maɗi nid ag ahilkad okkai eppelkadppanu, ag ee, keeke laala ele bau daaglagnu aoglagnu dabmetteb. Ao, maɗi nid ahin ag ahilkad ah okkai ag ee keeke madappeg, bau daaglagnu dabmetteb. Amubia ig Yawe, ihinig Kayak, Nug ihinignu oo gai-iitta doya oo mekka ehanigkkunu ameg mettem.

Aisaia 25:9

Haen keeke amu beppeg, danab ah ag inam akkulag. “Antte! Imuam ihinig Kayak. Ig nuhignu oonigppa genab doomut, Nug ig ehanikke, ig padal ii memut. Ao, imuam Yawe, ig nuhignu oonigppa genab doomut, Nug ig padal mematanu ehanikkom amunu, ig oonig gamag huan ahaɗ!” Ag anam akkulag.

Sam 69:6

O Naɗi, na Yawe Nakka Ɠagattag Oh Ele, da na heppe, danab ah ag nahipnu oolagppa genab dootteb ele, ag da beɗulppa, ag uɗa nak nau guittak ele doomananu oɗ medattem. Yo, O Kayak, na Israel dilag Kayak, na heppe, laa ag na anidna dim lamidkkulagnu na mattidtteb ele amu, ag da beɗulppa uɗa nak doomananu unuqidttem.

Jeremaia 20:11

Ag anam atteb, amge Yawe Nug da gukkuiɗak daatte. Nug ban danab ɠagattagnab laa bia daatte. Nug amubia daatte amunu, danab ah ag da heiɗppeg nauhkkulnu hetteb, ag geha nena qeppeg, ahilag dabmak am iitta mekku. Geha ag aɗi keeke hekkulagnu dabmetteb amu, ag ii hemana amunu, geha ag uɗa nak nau guittak ele dooglag. Geha danab ah ag uɗa nak ahilagnu iinab daulag atima.

Sam 35:26

Laa ag da uug nau doottemnu gamalag ahatte ele, ag uɗa nak nau dooglagnu oɗ medattem. Ao, danab ag da eɗilkkulagnu huana hetteb ele amu, ag uɗa nak aoglagnu, ge, ag uɗa nak nau guittak ele dooglagnu unuqidttem.

Sam 132:18

Da heppi, nuhig kekeɗ ag uɗa nak naunab aoglag. Ge, kekeɗ ag anam daaglag, amge king da tituankkul, nug binag okkainab ele daakku.” Yawe Nug anam aum.

Sam 71:13

Laa ag da naippa yaaiɗtteb ele, ag uɗalag nau neeb, padal mekkulagnu ool daatte. Yo, laa ag da guittak meɗaglagnu hetteb ele, laa ag ahilagnu, “Keeke hamunab,” dooppeg, ag uɗa nak nau guittak ele dooglagnu ool hette.

Sam 31:17

Da nahipnu unuqidmi amunu, O Yawe, na heppe, da uɗa nak ii doopanu da na oɗ medattem. Amge na heppe, nau hak danab ag uɗalag neeb, ag mauhna, moɗppa oɗelag qamutna niiglagnu unuqidttem.

Sam 62:1

Da Kayak, nuhignuib oolppa maɗoɗ doottem. Ao, Nugib am Padal ii maknu ehanittak dahil daatte.

Sam 6:10

Dahilad kekeɗ oh ag geha uɗalag neeb, dabmak huanak aoglag. Ge, dahil kekeɗ ag uɗa nak nau guittak ele doon, ag pahanab bittumttum gokkulag.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

Sam 119:78

Beɗuppa tak danab, ag dahilnu hambuppuak nai diig iittappa madippig amunu, ag uɗa nak nau aon oiglagnu oɗ medattem, amge da nahip oo yaak nai ɗo bia, da nai amunu dabmak unuqag awewe daakkul.

Sam 109:3

Ag da taliliɗna daanna, ag dahilnu nau ninig ele doon, ag nai nau atteb. Ag diig laa iitta, ag da hamu niɗaglagnu banel uɗitteb.

Sam 69:4

Danab ah kuɗum, ahilag ebqak amu da ikkil uɗug ikkilppanu eɗittak daatteb, ag oolagppa dahilnu diig iittappa nau ninig ele dootteb. Genab, da eheɗ heminu ag atteb ele amu, da ii hemi, amge kekeɗ dahilad ag hambuppuna, da eheɗ heminu atteb. Ag ɠagattag daana, da iuppeg mauhkkulnu hetteb. Da ahilag keeke laa yab ii aomi, amge ag da yab aomi anana, duttuniɗna, da keeke amu yab aolom bia nob mekkulnu hetteb.

Genesis 49:13

Seblon, nahipnu amu, na yu ihippa daakkut. Ao, na uub uɗia eeɗa daatte, na aben amu gumadkkut. Ge, nahip wannu tom am ukka, Saidon guguittak daakku.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

Sam 22:6

Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.