Sam 24:7 - Nobonob Baibel

⁷ Ag od anukkanu matulateg! Yo, ag od anukkanabnu matulateg! Ag King binag amahlak oppiaawak ele, ag Nug ooppa uɗikkunu ag od anam matulna, ib metteg!

Sam 24:7 ပူးပေါင်းရင်းမြစ်များ

2 Samuel 6:17

Aria, ag Kayaknu Tituanak Nainu Kunup anam aon uɗin, Jerusalem bena, peh lag Dawit nug amunu babaittom ele, ag amuppa Tituanak Nainu Kunup amu aguppa daakkunu aben dayom amu, ag appa meppig. Ag meeg, Dawit nug manaknu ofa, laippu dayaknu ofa ele Yawe noobppa Nug mettom.

1 King 8:11

Yawenu binag amahlak oppiaawak ele am bud amuppa naɗinab amahle, Yawenu mettid lag ooppa amu, amahlaknab dayom. Anam dayom amunu, mana mettak danab ag ahilag uɗat hekkulagnu elele iitta.

1 King 8:6

Ag anam henan uɗin, mana mettak danab ag Yawenu Tituanak Nainu Kunup kontrak inak ele maon, Yawenu mettid lag ooppa Oo Gunnab Eleppa, nuhig aben aguppa daakkunu babaittak dayom ele, ag amuppa nona, meeg dayom. Engel okkai-kerubim dottog aɗit haulah tikkaɗe daaeheh, haulah waappa meppig.

Sam 132:8

Am ig amut. “O Yawe, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut.

Sam 21:1

O Yawe, king nug nahip ɠagattagnu gamag ahak okkai dootte! Yo, na nug ehanidttem amunu, nug gamag ahak ele ette.

Sam 21:5

Na nug ehanitte, nug binag amahlak oppiaawak ele am okkai daatte. Yo, na hee, nug danab dagom onig ɠagattag okkai naɗi ele daatte.

Sam 97:6

Hab daup ag genab tutukku hak kobol nuhig ippunikkeg, danab ah oh ag binag amahlak oppiaawak nuhig anidtteb.

Aisaia 26:2

Genab tutukku hak danab ah, ag aab amu ooppa nokkulagnu amu, ag laa ag aab okkainu od okkai oh matulatteg! Ao, danab ah ag Yawenu oo metta ii uuak kobol dim lamidtteb ele amu, ag uɗin, aab amu ooppa nokkulagnu ag laa ag aab okkainu od okkai oh matulatteg!

Aisaia 62:10

Ag Juda danab ah ag danab ah ag uɗin, Yawe binag mekkulagnu, ag Jerusalemnu ahan, dimittim gona ehanatteg! Ao, ag Juda danab ah ag danab ah ag Yawe binag mekkulagnu ag ahilag ib babaitteg! Ag men oh agappeg ukkeb! Danab ah ag Jerusalem uɗiaknu ib anidkkulagnu, ag Juda, ag pilak laa, ag amu anidna uɗiglagnu humappeg taɗ!

Maika 4:8

Amu aab okkai Jerusalemnu amu, aab amuam lag attan ta ukkak menppa hak sipsip gumak danab nug aguppa ta, sipsip ena daaglagnu neegtte ele amubia daakku. Ao, Sion am ban haknu aben ɠagattag, Israel ag aguppa ena daaglagnu bia daakku. Aab am anambia daakku amu, Yawe Nug heeb, danab ah gumattaknu ehah Jerusalem appa king beɗuppa daakku. Ao, king Jerusalem appa ana daakku.

Hagai 2:7

Da heppi, wanppan wan oh uɗalkkulag. Ag uɗalppeg, appan danab ah ahilag en okkai aon uɗin, da laulppa meppeg, da heppi, dahil binag amahlak oppiaawak ele am lag imu ambekku.” Yawe Nukka Ɠagattag Oh Ele Nug anam awa atte.

Hagai 2:9

Gemun lag imunu binag amahlak oppiaawak ele am anukka lag dayomnu binag amahlak oppiaawak ele eɗidkku. Anam daakku amu, da heppi, aben imuppa maɗoɗ daakku.” Yawe Nukka Ɠagattag Oh Ele Nug anam atte.

Malakai 3:1

Yawe Nukka Ɠagattag Oh Ele Nug atte. “Antte! Da heppi, dahil nai awa ukkak danab laa nug ukka, dahil ib da nool awa bappaidkku. Nug anam heeb amu, da Naɗi, ag da aniɗkkulagnu mattiɗtteb amu, da pahanab da laulppa uɗikkul. Ao da, da am nug tituana nai qakkak nainu Okkai daattem, ag dahil uɗiaknu oolag huana hette ele amu, antteg! Da uɗikkul.” Yawe Nukka Ɠagattag Oh Ele Nug anam awa atte.

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

1 Korint 2:8

Wannu haen imuppan ikki danab oolagppanu laa nug doyak dabmak ena ele amunu diig pehettak ii doyom. Iitta. Ag doolob amu, ag Naɗi, Nug binag amahlak oppiaawak ele, ag Nug emaitakppa ii atullob.

Jems 2:1

O lailad, ag Naɗi ihinig Jesus Kristus, Nug binag amahlak oppiaawak ele amu, ag nuhignu oolagppa genab dootteb amunu, ag danab onilag okkai ele amuib atognoadna, danab onilag iitta ele am keeke hamu bia anadkkulagnu aib heppig.

1 Pita 3:22

Jesus Nug eɗua hibaitta, Nug hab aabppa teum. Nug Kayak eppeg naɗiap-ppa daatte. Engel oh, laa ag gumaknu ehah ele oh, aria ɠagattag digdig oh ele, ag oh Nug waappaib daatteb.

2 Pita 3:18

Amge ihinig Naɗi Jesus Kristus, Nug am ihinig Padal ii maknu ehanittak daatte, ag nuhig ehanittak okkai hamu mettak, amu nuhig doyak ena ele, amu waappa ena daanna, amuppa okkai mekkulagnu uɗat heig! Ig Nug binag naɗi gemu, haen oh ele metu! Genab.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.