Sam 24:1 - Nobonob Baibel

¹ Wan, amu keeke oh wanppa daatteb ele am Yawenuib. Yo wan, amu wanppan danab ah oh amu nuhigib.

Sam 24:1 ပူးပေါင်းရင်းမြစ်များ

1 Stori 29:11

O Yawe, habppanu keeke oh, wanppan keeke oh ele am nahipadib daatteb amunu, na onin, ɠagattag ele. Na ebehin ele, na binag amahlak oppiaawak ele. Na dagom onig ɠagattag ele. Na ɠagattag okkai naɗi ele daattem. Gumak uɗat oh am nahipib, na laa oh eɗattak, oh ikkilag daattem.

1 Stori 29:16

O Yawe, ihinig Kayak, na keeke okkai imu ig nahip mettid lag, na onin oppiaawak aguppa daakkunu, ig lag amu hekkunignu iikku mettamut amu, keeke amu oh am na eppenppanu aomut. Am nahip keekeib.

2 Stori 25:9

Kayaknu danab amu nug anam a, Amasaia nug oɗ mettom. “Anam, amge da Israel dilag daup imu ag uɗin, da ehaniɗkkulagnu Israel dilag king silwa 3,400 kilogram metten malami. Silwa amuam hamu qettoɗmanu am da attem hekkul,” awa od mettom. Nug anam oɗ mette, Kayaknu danab amu nug nob ma aum. “Yawe Nug amu eɗittaknab eɗua medakkunu elele,” awa aum.

Job 34:13

Laa nug Kayak wan oh dilag okkai daakkunu ii tituanom. Ao, laa nug Kayak wan oh gumakkunu Nug ii meum. ⌊Nugib hanhan anamib dayom daatte.⌋

Job 41:11

Auntai laa nug da keeke meɗom amunu, da eɗue, amunu nob nug medakkulnu daatte? Laa iitta; keeke oh hab waappa daatte amu, keeke amu oh am dahilib.

Job 41:3

Lewiatan nug na nuhignu oot gai-iitta doon oot mettan ehanidkkutnu ii daye daye unuqidkkute? Ao, nug baag bodoettakppa na amenppa nai madikkute?

Sam 50:10

Aɗinu? Doɗ oh atuppa daatteb am dahilib. Ao, makau wan ohppa daatteb, amu ele am dahilib.

Sam 50:12

Wan, amu keeke oh amuppa daatteb ele am dahil amunu, da enug iutte elelob, da ag ee meɗaglagnu oɗ madakkulte?

Sam 89:11

Hab amu nahipib, wan ele am nahip. Ao, wan, keeke oh wanppa daatteb amu, amu nahip, na amu oh heme.

Sam 89:12

Na wan ukka yawalti uɗitteppanu, o wan ukka yau uɗitteppanu amu, na amu oh heme. Aam nodeppan wan, qauko Tabor am aam nodeppa daatte amu, aria aam bedeppan wan, qauko Hermon aam bedeppan daatte amu, appan danab ah ag na ɠagattag oh ele doon, ag na onin humatteb.

Sam 98:7

Heppeg, yu huana koɗkoɗ qeebeb, oqotti okkai oaɗ! Yuppan doɗ oh, ag Yawe binag meig! Wan amu wanppan keeke oh ele, ag anamib heig!

Eksodas 19:5

amunu, gemu ag dahil nug tituana nai qakkak ɠagattag aɗan, dahil nai tutukku dim lamidkkulag dayeb amu, ag geha dahiladnab danab ah daaglag. Aɗinu? Wan ohppan danab ah ag ele am dahilad daatteb, ⌊amunu da aun otikkul hein amu, da otikkul⌋.

Eksodas 9:29

Paro nug anam a amu, Moses nug oɗeppa awa aum. “Da aab okkai ooppanu eɗue, dimittim goppi, haen amuppa na wan oh am Yawe, nuhigib daatte dookkutnu, da eppel attan hume, Yawe unuqidppi, geha hakkaɗ qak uueb, ais doɗo nette amu, amu ele iitta mekku.

Daniel 4:25

Na ⌊dabmak nahip eɗua, kaaka dayeb,⌋ laa ag lamidppeg, na goppe, doɗ dakkuɗ ele daaglag. Daanna, na makau gikkiɗah latteb bia gikkiɗah lakkut. Baito habppanu na, na nidakku. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wannu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa na eɗun ena daakkut.

Maika 4:13

Amunu Yawe Nug atte. “O Juda danab ah, ag ahan, danab nug ee aeg mumuɗtte, amubia ag kekeɗ ahilkad mumuɗatteg! Aɗinu? Ag amu hekkulagnu amu, da heppi, ag makau dawai qeqeɗi aenppa hak, baeg brasppa hak ele bia daan, ag wanppan wan kuɗum dilag daup eɗadna heppeg, mumuɗak haenppa wit keeke gumu heeg, huppu huppu nette, amubia ahilag kekeɗ ag nauhna autna aoglag.” Yawe Nug anam atte. Ag amu hewona amu, ag wan amu dilag danab ah dilag keeke, ag keeke amu ib pehettak iittappa aoppig ele amu, ag keeke amu aon, Yawe eppegppa mekkulag. Ao, wan amu dilag en amu, ag aon, Yawe, Nug am Naɗi, wan atu oh gumadtte ele, ag en amu aon, Nug mettaglag.

Nahum 1:5

Yawe Nug oiyeye, qauko ag uɗaltteb. Ao, qauko nakok am keeke le ma, noa gotte bia hetteb. Nug dayeye, wan oh uɗaltteb. Ao, keeke oh amuppa daatteb ele hahaɗtteb.

1 Korint 10:26

Aɗinu? Wan, amu keeke oh wanppa daatteb ele am Naɗinuib.

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.