Sam 22:6 - Nobonob Baibel

⁶ Amge da amu maɗuai laa bia. Da am danabnab daatte bia ii daattem. Danab ah laa oh ag dahilnu oolagppa ena iinab doonna, ag dahilnu, “Keeke hamunab” dootteb!

Sam 22:6 ပူးပေါင်းရင်းမြစ်များ

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

Job 25:6

Nuhig neekkakppa kalam, hoɗoppai ele ag enanag iitta anam daatteb amunu, ig danab ig gawat bia daattem amu, ig nuhig neekkakppa ena laa iinab daattem. Ao, ig danab, ig maɗwai bia daattem amu, ig nuhig neekkakppa ena laa iinab daattem.” Bildad nug anam Job amegppa aum.

Sam 25:3

Danab ag nahipnu oolagppa genab dootteb amu, kekeɗ ag ii eɗadtteb, amge danab ag doonna, laa naunab hambuppuidtteb amu, ag uɗa nak aotteb.

Sam 31:1

O Yawe, na am padal mak eɗitta ena dayaknu ehanittak dahil daattem; na heppe, da deɗ laa uɗa nak ii doopanu unuqidttem. Ao, na genab tutukkuib hettem amunu, na da ehaniɗppe, qagaiettakppa ii daapanu oɗ medattem.

Sam 31:11

Dahil kekeɗ oh ag dahilnu keeke hamunab dootteb. Ao, danab ah laa, ag da gukkuiɗna daatteb ele, ag dahilnu oolagppa uuaknab dootteb. Ge, da lailad ag da ele laippu dayaknu baɗak okkai doon, ag da ibppa aniɗna, ag dekkaɗna, laih gotteb.

Sam 41:5

Dahil kekeɗ ag dahilnu oo aeg bak doon, ag dahil mauhaknu tappaɗna atteb, “Nug ganeb mauhkku? Ao, Nug ganeb mauheb, laa oh ag nug wanppa dayom am daulag atikku?” aon atteb.

Sam 88:8

Na he, da lailad uuiɗppig. Ag da gukkuiɗna daaglagnu uun autna aotteb. Da pelem laappa daattem amunu, da ahe gokkulnu elele iitta.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 49:7

Yawe, Nug am Israel, ahilag qagaiettakppanu eɗua uhuqaknu ehanittak daatte, Nug Israel dilag Kayak Oppiaawak Ele amu, Nug nuhig maɗi nid, laa ag nuhig danab amunu oolagppa ena iinab dootteb, nuhig danab amu Nug wanppan okkai dilag maɗi nid daatte amu, Nug nug amegppa atte. “King ag na anidna, ag ahaglag. Danab okkai laa ag na anidna, ag dup nona, gomelna daaglag,” awa atte Ag amu hekkulagnu diig am, Yawe Nug nuhig diignu oo metta ii uuak kobol dim lamidtte; Nug aɗi hekkunu atte amu, Nug hette, ag amu anidkkulag. Ao, ag amu hekkulagnu diig am, ag Yawe, Nug Israel, ahilag Kayak Oppiaawak Ele, ag Nug na tituanittom amu, ag Nug anam heum anidkkulag.

Aisaia 53:3

Danab ah ag nuhignu ena iinab doon, ag nug guhuɗidppig. Nug bau dayaya, nug oo doyak huanaknab doyaya, guittak huanak ele doyom. Danab ah ag laa, ag nug nakok laa anidkkulagnu oolag iinab hette amu, ag Yawenu maɗi nidnu ena iinab dooppig. Ig nug binag nakok laa ii mettamut.

Gayak Nai 3:30

Laa ag nid bau amu hippeg okkulagnu hetteb amu, nug hippeg ag mataɗ! Ao, laa ag nug uɗa nak nau guittak ele dookkunu hekkulag dayeb amu, nug am aib uuom.

Matyu 11:19

Aria Danab Bekkalag da, da uɗien, ee, le ele lattem amunu, ag atteb. ‘Antteg, Nug ee huanak lanana, wain ele huanak latte. Nug laikkud am takis awak danab, amu danab laa ag ig Juda, ihinig ɗo oh ii dim lamidtteb ele,’ aon atteb. Amge doyak dabmak ena ele am keeke genab amu, ag nuhig hakppa genab anidkkulag,” awa aum.

Matyu 12:24

Amge haen ɗo gumak danab-Parasia ag amu doon, ag inam appig. “Umu Nug ouɗi nau ikkilag Belsebub, Nug nuhig ɠagattagppa aakkuib ouɗi nau lamadtte,” aon appig.

Jon 7:15

Nug anam nai mattieye amu, Juda ag dabmak kuɗum aonna, akka akka nug oɗ mettan appig. “Danab imuam Nug sul laa ii heum, amu Nug attem ha doyak okkainab awom?” aon appig.

Jon 7:20

Nug anam a amu, danab ah ag Nug amegppa appig. “Ouɗi nau laa na beɗunppa daatte. Aun nug na nitteb mauhkkutnu hette?” aon appig.

Jon 8:48

Awa a amu Juda ag Jesus oɗeppa aon appig. “Ig nahipnu genab attem. Na Samaria ted, ootppa hahail ele,” aon appig.

Hibru 13:12

Amunu amubia Jesus Nug ele am aab okkainu aɗ od dimittim, Nug danab dilag hipunin Nug tiigppa uhuqa matteb, oppiaawak daaglagnu uug mawa mauhom,

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.