Sam 22:3 - Nobonob Baibel

³ O Kayak, na sia king nahip-ppa oppiaawak daattem. Na king dayeye, Israel danab ah ag na tuɗid ele binan metteb.

Sam 22:3 ပူးပေါင်းရင်းမြစ်များ

Job 19:7

Da, ‘Laa eheɗ heiɗtte,’ ettem, amge laa nug da ii ehaniɗtte. Ge, da laa nug ehaniɗkkunu ettem, amge laa nug amu doya, nai doya mala hettoɗia epeɗia elele mettak kobol dim ii lamidtte.

Job 30:20

O Kayak, da na ehaniɗkkutnu unuqidttem, amge na nob laa ii meɗattem. Ao, da na noomppa wain, hibaitten daattem, amge na amenppaib neekkiɗttem.

Sam 145:17

Yawe Nug keeke oh hette amu, Nug genab tutukkuib hette. Ao, Nug aɗi keeke hette ele amu, Nug oo bodoette enanag maɗoɗ ele kobolppa hette.

Sam 50:23

Danab laa nug ena heme anaknu ofa ha, da meɗakku dayeb amu, amuam ena. Amuppa nug da binal mette. Amu da nug ehanidppi, nug padal ii memanu ippu dahil ippunidkkulnu amu, nug ofa amuppa ib amu matultte.” Kayak Nug anam awa atte.

Sam 65:1

O Kayak, ig danab ah, ig Sion appa na binan humagnignu daattem. Ao, ig danab ah, ig na noomppa aɗi keeke genabnab hekkunignu nai atat qakkamut amu, ig am hepput, meu okku.

Sam 88:2

Na dahil unuqittak dookkutnu oɗ medattem. Ao, da na unuqidppippi, na daut human dookkutnu unuqidttem.

Sam 99:9

Ag Yawe, ihinig Kayak, ag Nug humidna, nuhig qauko, qauko amuam nuhignu tituanak daatte amu, ag amuppa Nug noobppa dup nona binag meig! Aɗinu? Yawe, ihinig Kayak, Nug am oppiaawak!

Aisaia 6:3

Amu engel-serep amu ag oh anen anen, ag laa anen anen ag agakka nug amegppa ag inam aon enana daappig. “Yawe Nukka Ɠagattag Oh Ele, Nug oppiaawak, Nug oppiaawak, Nug oppiaawak. Yawe Nukka Ɠagattag Oh Ele, Nug oppiaawak ele. Nuhig binag amahlak oppiaawak ele am wan oh elele mettom daatte,” aon enan daappig.

Habakuk 1:2

Habakuk nug Kayak amegppa inam unuqittom. “O Yawe, da na ehanigkkutnu haen elab unuqittette daami, gemu ele hettem, amge na da oɗelppa ii aottem; amu haen gane laa ele ukkeb, na da oɗelppa aokkut? Da na amenppa, ‘Laa ag laa dilagppa guittak nau mauhnoak mettak kobol dim lamidna, eheɗ heigtteb,’ attem, amge na ii ehanigttem; amu haen gane laa ele ukkeb, na ig ehanigkkut?

Duteronomi 10:21

Nug am ahilag Kayak, Nug ahilag binag mak aokkunu elelenab daatte. Nug aakkuib he, hak ɠagattag, danab hekkunu elele iitta, danab ah anidna, ebehilag oh bodoetta le mette ele amu, Nug aakkuib amu he, ag anidppig.

Revelesen 4:8

Hab daup waɗele Kayaknu bauklel aotteb ele, ag oh haulkad eblaih laippu ele, ag haulag qaɗeppa, waappa ele amelkad doɗo kuɗum ele. Ag tuqan amun ele Naɗi binag menana, inam atteb. “Naɗi Kayak Nukka Ɠagattag Oh Ele, Nug oppiaawak, Nug oppiaawak, Nug oppiaawak. Nug gemu daatte, anukka dayom, dimppa uɗikkunu ele daatte.” Amun, tuqan ele ag anam anana daatteb.