Sam 22:16 - Nobonob Baibel

¹⁶ Kekeɗ dahil ag qai ameg laa bia, ag da taliliɗppig daatteb. Yo, nau hak danab ameg laa, ag da taliliɗna daatteb. Laion danab beɗu emale nauhtte, amubia ag da eppel, bael ele heeg nauhppig.

Sam 22:16 ပူးပေါင်းရင်းမြစ်များ

Jon 19:37

Am Kayak naippa nai amunu laa ele daatte am inam. “Laa ag qetti banppa atulppig ele amu, ag Nug anidkkulag.”

Matyu 27:35

Aria, ag Nug ad emaitakppa atulona, ag nuhig lamen aoglagnu otina, ameg waɗele mewona, aun nug ameg atten aokku amu ag om yaakppa hena aoppig.

Sekaraia 12:10

Anam amu, da heppi, Dawit buɗub, aria Jerusalem danab ah ele, ag ehanittak okkai hamu mettaknu kobol, unuqittak kobol ele dim lamidkkulag. Ag anam henana, ag laa qetti banppa atulppig, amuam da, ag eɗun aniɗna, ag dahilnu oo doyak doon, mahiak okkai hekkulag. Laa nug nuhig nid laippuib, nid amu mauhe, nuhignu mahiak okkai hette, ag amubia dahilnu mahiglag. Ao, laa nug nid danab tatamnu mauhe, oo doyak okkai, guittak ele awa mahitte, amubia ag dahilnu mahiglag.

Jon 20:25

amunu, ippunittak awak danab laikkud laa ag Naɗi anidppignu amegppa aeg, nug aum. “Ag Nug eppeg tutuippa atulppignu duɗupa da amelppa anttena, da duɗupa amu eppelppa aɗen, Nug qetti duɗupa ele eppelppa aɗe doyena amu, da oolppa genab dookkul,” awa aum.

Jon 19:23

Aria, haen daup danab ag Jesus ad emaitakppa atulppig, haen amuppa ag nuhig lamen aoglagnu otina, ameg waɗele mewona, anen anen ameg laippu aoppig, amge lamen elab nuhig dayom. Lamen amuam koitak ele iitta; baagppa noa batakppa kunum anam heppig

Mak 15:24

Jesus Nug anam he, ag Nug ad emaitakppa atulona, ag nuhig lamen aoglagnu otina, ameg waɗele mewona, aun nug ameg atten aokku amu ag om yaakppa hena aoppig.

Jon 19:34

amge daup danab laippu nug Jesus ban hawaɗppa qetti atule, am pahanab tiig le ele neum.

Luk 23:33

Ag gona, aben laa onig Ikki Ebehinu Aben, appa tena, appa Jesus ad emaitakppa atulppig. Ɗo tippalak danab aɗit, aa ele oh atuladppig. Ag danab laa Jesus eppeg naɗiap-ppa atulona, laa amu eppeg nanehppa atulppig.

Pilipai 3:2

Amu ag danab laa ag qai bia daanna kobol nau hetteb, ag kobol eheɗ henan oitteb, ag gaɗa otaɗak kobol dim lamidna oin, laa ele hekkulagnu atteb, amge gaɗa otaɗak kobol ahilag am beɗu mauhnoak oppatak kobol bia, aakkuib.

Luk 23:23

Pailat nug anam aum, amge Juda ag wagainab mena, huanak ɠagattagnab enana, Pailat nug Jesus ad emaitakppa atulkkunu eppig. Ahilag ewak am Pailat nai aum, am amu eɗittom

Aisaia 53:5

Ig anam doomut, amge ihinig hipunin hak, diig amunu laa nug nug yom. Ao, ig anam doomut, amge ihinig eheɗ hak, diig amunu laa nug he, Yawenu maɗi nid nug guittak okkainab awa, mauhom. Ig maɗoɗ daagnignu amu, nug bu okkai awom. Ge, mataɗak naunab nau mettaeg, ihiud mettom, amuppa ig ena daattem.

Sam 22:20

Laa qep-ppa iweb mauhpanu, na da ehaniɗppe qagaiettakppa ii daapanu oɗ medattem. Yo, na da ehaniɗna heppe, dahil kekeɗ ag qai bia amu, ag da ii iumnanu unuqidttem.

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Jon 20:27

Nug anam awowa, Nug Tomas amegppa aum. “Na eppen doɗoppa da eppel nakok aɗan, amenppa ele da eppel antte! Na eppen bahin, da qettil ele nakok aɗe! Na ooppa genab ii doyak danab bia aib heme. Iitta! Na ootppa genab doye!” awa aum.

Sam 59:6

Ag da iuglagnu tuqan uɗitteb. Ag am qai, danab, o doɗ laa emalkkulagnu pahaettak hetteb bia hetteb. Ge, ag am qai ag aab okkainu ib manppa oinna liɗimtteb bia hetteb.

Revelesen 22:15

Amge baɗ mak danab, gappai danab, qe mauhak danab, kayak hambuppuak binag mak danab ele, amu laa oh ag hambuppuak kobol oolag mettan hetteb ele, ag Kayaknu aab okkai dimittim qai bia daaglag.

Sam 86:14

O Kayak, beɗuppa tak danab ag da banel uɗitteb. Ao, oo doyak ii doyaya nau hak danab ag da iuppeg mauhkkulnu hetteb. Danab amu ag nahipnu dab-ii-metteb.

Matyu 26:57

Aria, danab ag Jesus aɗappig ele amu ag Nug aon, mana mettak ikki danab Kaiapas, nug toppa goppig. Appa amu ɗo mehuqak danab, Juda dilag ikki danab ele qagmena daappig.

Matyu 7:6

Qai ag eɗun eheɗ emaladmananu amu, ag ahilag keeke oppiaawak ele aib madappig. Amu laa ele, bo ag baelagppa tappamnanu amu, ag ahilag kalele ena ena perlppa heppig amu aib madappig.

Jeremaia 12:6

Na ele tiig laippu, awanad, amapad, appinamad aɗi, ag ele na dimettan, eheɗ heidkkulag. Ag laa na eheɗ heidkkulagnu hekkulag amu, ag ag oolagppa daanna, ag ele anamib hekkulag amunu, ag nahipnu deɗ laala ena mattiglag dayeb amu, na ahilagnu ootppa genab aib doome.

Sam 59:14

⌊Am genab, dahil kekeɗ⌋ ag da iuglagnu tuqan uɗitteb. Ag am qai, danab, o doɗ laa emalkkulagnu pahaettak hetteb bia hetteb. Ge, ag am qai ag aab okkainu ib manppa oinna liɗimtteb bia hetteb.

Sam 38:11

Da lailad ag da oɗe aomi imunu aomnanu baɗatteb amunu, ag da gukkuiɗna uɗin ii daatteb. Da baeladppanab ag ele laih uma daatteb.