Sam 21:9 - Nobonob Baibel

⁹ Yawe, na nahip kekeɗ gukkualadna gona, na ag aab gakkaɗaknab laa ad he nauhtte bia hadappe nauhkkulag. Ao, Yawe, na ahilagnu oppoɗin beeb, na ad aab ewe nauhtte bia ag hadappe nauhkkulag.

Sam 21:9 ပူးပေါင်းရင်းမြစ်များ

Genesis 19:28

Ukka, nug neekke, Sodom, Gomora, amu atu uɗem amu ele ohppa ukke, nug aab kah huanak teete anttom.

Esra 6:12

Amu king laa nug, o huu laa ag dahil ɗo nakok laa eɗukkunu heppeg, o ag Kayaknu mettid lag Jerusalem daatte, Kayak Nug he, Nug onig appa daatte amu, ag lag amu heppeg nauhkunu heppeg, Kayak Nug heeb, ag nauhkkulagnu ool daatte. Da Darius, da ɗo imu iikku memi daatte. Danab oh ag yagbak doon, dim lamidna heppeg, meu oaɗ!” King Darius nug nai amu me, Tatenai, Setar Bosenai amu ahilti ehanittak ele, ahilagppa ukkom.

Job 6:3

Laa nug anam hekkunu elele daya helo amu, ig dahil guittak, da oolppa uug nau doottem ele amu, keeke amunu uug am yu ihippa ihinu uug eɗidkku anidlom; amu diig amunu da dabmak awen, nai ii mattimi. Iitta. Da mattiakib mattimi.

Sam 106:17

Danab ah ag anam heeg, wan oɗe aahe, Datan ooppa noum. Ao, wan oɗe aaha, Abiram, laikkud nug dim lamidppig ele oh boumattom.

Sam 18:38

Da ag huana oɗoɗadmi amunu, ag eɗun ahaglagnu elele iitta. Ao, ag nena qena, da bael waappa daappig.

Sam 18:8

Am genab, danab laa oppoɗi huana beeb, diig amunu kahug nug noobppa beebe, oɗeppa dittiak beebe, dittiak waappa ottag daalob amu, amubia Yawe Nug oppoɗi huananab beum.

Sam 2:12

Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 2:5

⌊Yawe Nug ahilag dabmak amunu, am keeke hamu doyaya,⌋ Nug oo nauhehe, ag nau hettebnu daulag batatte. Nug ahilag haknu ele oppoɗi huan beebe, Nug ag amelagppa ag eheɗ hettebnu mattieye, ag huan baɗatteb.

Sam 50:3

Ihinig Kayak Nug uɗitte. Nug ii toettama; oɗe ii qamutma. Nug uɗieye, aab ewak naɗinab Nug noobppa dayeye, ulah naɗi Nug talilitta daatte.

Aisaia 26:11

O Yawe, na nau hak danab ah ele nob nau madakkutnu na eppen humame daattem, amge ag amu ii dabmetteb. Anam amu, na nahipad danab ah ehanadkkutnu yag-nab-bak doottem ippunadppe, nau hak danab ag amu anidna, dabmak eheɗ aoppig dooppeg, uɗalag nekkunu ool daatte! Ge, na heppe, aab aɗu na nahipad kekeɗ dilagnu bappaidme amu, aab aɗu amuam hipunin danab ah ewadkkunu oɗ medattem.

Gayak Nai 2:2

Naɗi Nug oo gai-iitta doya oo metta ehanittak kobol ii dabmaama, Juda danab ah ii ehanattom; iitta, Nug he, kekeɗ ag uɗin, Juda danab ah, ahilkad keeke ele danab ee toppua ukke nauhtte bia hatteg nauhppig. Yawe Nug ⌊Juda dilag eheɗ haknu oppoɗi be⌋ he, kekeɗ ag Juda dilag ban haknu aben ɠagattag heeg nauhppig. Ao, Nug he, kekeɗ ag heeg, Juda uɗa nak aoeg, ahilag ɗo maɗoɗ am binag ele iinab daye, Juda dilag anuqak danab ele ag anamib, binalag ele iinab daatteb.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Malakai 4:1

Yawe Nukka Ɠagattag Oh Ele Nug atte. “Anam amunu, dahil deɗ naɗi aakku uɗitte. Deɗ amuam aab dittiak bia daakku. Deɗ amuppa aab amuam beɗuppa tak danab, amu eheɗ hak danab ele ag wit keeke gumu qaɗaiettak eotte bia ewadkku. Ge, ad laa, ebekkud oh, diɗi ele oh ewa mala nauhtte bia, ag nauhkkulag.

Matyu 13:42

ag akkan, agappeg aab aɗuppa tekkulag. Appa danab ag gaana, aelkad ele emalkkulag.

Matyu 13:50

agappeg aab aɗuppa tekkulag. Appa danab ag gaana, aelkad emalna daaglag,” awa aum.

Matyu 22:7

Am king nug nai anam doya, nug oppoɗi huanak be ameg ele kokoɗ eppe, nug he, nuhikkud ban danab ag gona, danab ag nuhikkud maɗi nid aqaeg mauhppig ele, ag ohnab aqappig; aab okkai ahilag ele manaeg ewa, iitta meum.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Matyu 3:10

Antteg! Epeɗiak haen am miag. Ad meu ii otte amu, nug mameg o qiie, aab aɗuppa mawe te eotte.

Matyu 3:12

Nug ee aeg mumuɗaknu abenppa ulah ee aeg dappunkkeg iwale ukkaknu uɗat hekkunu daatte. Nug uɗat amu ha, elelenab mewowa, Nug wit meu oh ee aeg mumuɗaknu abenppanu awa ukka, ee maknu lakka mekku. Mewowa, Nug ee aeg dappunkkeg aab aɗu ii qauhtte eleppa maneb eweb, ee aeg mumuɗaknu aben amuam keeke iitta, oppiaawak daakku,” awa aum.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

1 Tesalonaika 2:16

Danab amu ag Kayak Nug iitta aɗi eɗua diikkunu oolag ii daatte amunu ig Nai Ena, iitta aɗi amelagppa mehuqkkunignu ib oo nekkulagnu hetteb amunu amu, ag ahilag hipunin okkainab meegeg, Kayaknu oppoɗi bak miagnab ag qaɗelagppa daatte.

2 Tesalonaika 1:8

Naɗi Nug danab ag Kayak ii dootteb, amu ag ihinig Naɗi Jesusnu Nai Ena ele dim ii lamidtteb amu, Nug ag nob nau tutukku madakku.

Revelesen 19:15

Ahilag okkai amu qep elab aeg ele, Nug wanppan wan oh aqakkunu, Nug oɗeppanu doa ukkak daatte. Nug aen bu aɗa, bu amuppa Nug danab ah gumadkku. Nug geha grep meu tappa leppu awaknu abenppa grep meu tabakku. Amuam Kayak Nukka Ɠagattag Oh Elenu oppoɗi bak okkainab, amu ippunigtte.

Revelesen 20:14

Aakku ⌊Kayak Nug⌋ Hades, mauhak ele aab amegppa buɗialate nopiɗ. Aab ameg amuam mauhak ebqak 2.