Sam 20:7 - Nobonob Baibel

⁷ Aabaab laa ag ena ɠagattag daaglagnu ag ahilkad ban daup, amu bannu keeke elenu oolagppa genab dootteb, amge ig amu, ig Yawe, ihinig Kayak, ig nuhignu oonigppa genab doottem.

Sam 20:7 ပူးပေါင်းရင်းမြစ်များ

2 Samuel 10:18

Aram ag anam heppig amge Dawit, nuhikkud daup ele ag ban heeg, Aram dilag daup ag ooleg, Dawit aɗi ag Aram dilag daup bannu karis lamadppig amu 7,000 aqaeg mauheg, amu ban danab baelagppa oin, ban heppig ele 40,000 ag aqaeg mauhppig. Ag Aram dilag ban daup ikki Sobak ele qeeg mauhom.

2 Samuel 8:4

Nug eɗitta, nug Hadatesernu bannu karis 1,000, daup ag bannu karis attan daan, ban heppig ele 7,000, danab ag baelkadppa oinna, ban heppig ele 20,000 aɗalattom. Dawit nug anam ha, nug hos karis eeɗppig ele ⌊ag baula banppa gomananu⌋, nug hos amu baelag diɗi otaɗattom. Hos 100ib nug baelag diɗi ii otaɗattom.

2 Stori 13:16

Ag ooleg, Juda lamattegeg, Kayak Nug Israel dilag daup Juda dilag daup eppelagppa meum.

2 Stori 14:11

Ag bappaidna, Asa nug Yawe, nuhig Kayak, nug Nug unuqitta aum. “O Yawe, laa na bia laa iitta. Na laa ag gai-iitta daatteb ehanadppe, ag laa ɠagattag daatteb eɗadkkulagnu elele. O Yawe, ihinig Kayak, ig nahipnu dabmettata, na oninppa daup huanaknab imu ele ban hekkunignu uɗimut daattem amunu, na ig ehanigppe, ig daup imu eɗadkkunignu oɗ medattem. O Yawe, na ihinig Kayak daattem, na uuigppe, daup imu eɗigppeg, danab ah laa ag daup imu na eɗidppig amananu na unuqidttem,” awa unuqittom.

2 Stori 32:8

Asiria dilag kingnu ɠagattag am danabib, amge Yawe, ihinig Kayak, Nug ig ehanigkkunu, Nug heeb, banppa ig kekeɗ eɗadkkunignu, Nug ig ele daattem,” awa aum. Juda dilag king Hesekaia nug anam a, daup ag oolag ɠagattag qak dooppig.

Job 39:11

Makau okkai ebehi ele dakkuɗ am ɠagattag okkainab ele amunu, na ɠagattag okkai amuppa nahip uɗat heppe, ha malakkunu dabmekkutte? Ge, na nug uɗia hekkunu, na nahip uɗat uug ele uukkutte?

Sam 28:8

Yawe Nug danab ah nuhikkud ɠagattag madatte. Yo, Yawe danab king daakkunu goɗen gokkaɗakppa tituanom daatte amu, Nug nug ehanitteb padal ii memanu, Nug nuhig aab aɗ ɠagattagnab elenu ehanittak daatte.

Sam 45:17

Da heppi, danab ah ag hanhan na dabmettaglag. Da anam hekkul, diig amunu amu, wan ohppan danab ah ag na onin okkai hanhan mettaglag.

Prowerb 21:31

Danab ag hosppa daanna ban hetteb ele, ag hos banppa gokkulagnu bappaladtteb; amge ban eɗittaknu, amuam Yawe, nuhigppaib daatte.

Aisaia 30:16

Ag amu uuna, ag appig. ‘Iitta. Ig hos attan oolkkunig.’ Ag anam appig amunu genab, ag oolkkulag, ⌊amge kekeɗ ag ag lamadkkulag⌋. Ag, ‘Ig hos qaiettan gotteb ele attan daat oolkkunig,’ appig amunu genab, ag anam oolkkulag, amge ahilag kekeɗ ag hos qaiettan, huan gotteb ele amu, ag amuppa ag lamadna, ag eɗadkkulag.

Aisaia 31:1

Aun aɗi ag Isip appanu ehanittak aoglagnu dabmetteb amu, ahilagnu am gadonnab gadon. Ag bannu hosppa ⌊Isipnu⌋ ehanittak aoglagnu dabmetteb. Ag Isip dilag daup bannu karis kuɗum eleppa daan, ban hetteb doon amunu, bannu karis amuppa ehanittak aoglagnu oolagppa genab dootteb. Ao, ag Isipnu ban danab kuɗumnab hos attan daan oin, ban hetteb doon amunu, ahilagppa ehanittak aoglagnu oolagppa genab dootteb. Ag anam dabmetteb, amge ag Israel dilag Kayak Oppiaawak Ele, ag nuhig dabmak aoglagnu oɗ ii medatteb. Ao, ag Yawenu, ag ehanittak nuhigppanu aoglagnu ii dabmetteb. Ag anam hetteb amunu, ahilagnu gadonnab gadon.

Jeremaia 17:5

Yawe inam atte. “Laa nug danab dilag ooppa genab dootte, nug ɠagattag, danab dilagppa aokkunu dabmette, nug da, Yawe, nug da dimeɗa ii dim lamiɗtte amu, nug aakku eheɗ laa awaknu anak waappa daatte.

1 Samuel 13:5

Israel ag appa qagmeegeg, Pilistia ag Israel ele ban hekkulagnu ele aab onig Betawennu kaɗag uɗitteppanu Mikmas appa qagmeppig. Pilistia qagmeppig ele am inam: daup ag bannu karis attan daan, ban hetteb am, 3,000, daup ag hos attan daan, ban hetteb am, 6,000, amu daup ag baelagppa oinna, ban hetteb ele amu, ag am huanaknab, abuɗ yu daugppa daatte, amubia.

1 Samuel 2:10

Danab ag Yawe ele ban hak bia hetteb amu, Nug heeb, ag nauhna autna aoglag. Genab! Yawe Nug hab aabppa dayaya, nuhig ɠagattagppa heeb, danab amu ag uug aoglag. Yawe Nug wan imuppan danab ah oh epeɗiadkku. Yawe Nug heeb, nuhig king am ɠagattag ele daakku. Ao, Nug laa king daakkunu goɗen gokkaɗakppa tituanom ele, Nug ɠagattag onig okkai ele nug metteb daakku.” Hana nug anam unuqittom.