Sam 20:3 - Nobonob Baibel

³ Nug keeke oh na Nug medattem ele amu, Nug dabma, ⌊na ehanidkkunu⌋ oonig daatte. Yo, ig nahip manaknu ofa na hena medakkut amu, Nug ena doya aokkunu oonig daatte. Sila.

Sam 20:3 ပူးပေါင်းရင်းမြစ်များ

Genesis 4:4

amge Abel nug nuhig doɗ sipsip, meeme ele nalkad ⌊dawai⌋ tatamnu laala ittalkad awa uɗia mana, Yawe mettom. Aa anam heeh amu, Yawe nug Abelnu, nuhig mana mettak elenu ena anttom,

1 Stori 21:26

Dawit aben amu anam daden ma, nug qaɗab qewowa, nug manaknu ofa, laippu dayaknu ofa ele qaɗab amuppa manatta, Yawe mettom. Nug anam ha, nug Yawe unuqitte, Yawe doya he, aab aɗu habppannu manaknu ofa haknu qaɗabppa neum.

2 Stori 7:1

Solomon nug anam unuqitta male, aab aɗu habppanu na, manaknu ofanu doɗ, amu doɗ laala ele ag manadna, Kayak mettaknu qaɗabppa daappig ewatta malom. Anam he, Yawenu binag amahlak oppiaawak ele am Yawenu mettid lag, amuppa ambeum.

Sam 128:5

Yawe Nug Sion appa daatte, Nug appanu itittak ena na, na danab anam ele amu, Nug na medakkunu ool daatte. Am genab, ag wanppa daatteb, haen imuppa, ag Jerusalem ena ba dayebeb anidkkulagnu ool daatte.

Sam 134:3

Yawe Nug hab, wan ele haatom. Nug Sion daatte. Da Nug appa dayaya, itadkkunu Nug unuqidttem.

Sam 51:19

⌊Na anam hekkut amu⌋, ag mana mettak genab tutukku ele hekkulag. Ao, na enanagnab dookkutnu, ag manaknu ofa hekkulag. Ge, ag makau dawai manadna mettaglag.

Aisaia 60:7

Kedar danab ag ahilkad sipsip, meeme ele manan Yawe mettaknu aon uɗiglag. Ao, Nebaiot danab ag sipsip dawai amunu aon uɗiglag. Ag aon uɗiglag amu, Yawe Nug amunu atte. “Ag aon uɗippeg, ag main meɗappeg, da oolppa ena, elele dookkul. Ag amu heppeg, da heppi, danab amu ag dahil mettid lag binag amahlak oppiaawak ele, ag appan bala bia daaglag,” awa atte.

Lewitikas 9:24

Aakku, Yawe toppan aab aɗu na, manaknu ofa, amu ittag ele qaɗabppa dayom, am laippun ewa iitta meum. Haen danab ah ag amu oh anidna, ag maɗoɗppan gamag ahak doon ena, ag laippun gatelag qaun ona, gomelna, iɗulag wanppa meppig.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Epesus 5:2

Ag nug oo mauhakppa, Kristus Nug ihinignu oo mauhe, Nug nukka Nug bau dayak nuhig ig ehanigkkunu uua, ihinignu mauhom bia oiyeg! Kristus Nug danab ag doɗ main Kayak muttuɗig ena dookkunu medatteb bia, nukka nuhigppa anam heum.

1 Pita 2:5

Nug he, ag ele men bau daatte bia beegeg, Kayak Nug nuhig tamaniak, lag bia, ahilagppa hette. Amuppa ag mana mettak danab oppiaawak ele daanna, ag keeke Kayak oo niitte ele, Jesus Kristus onigppa mana mettak bia Kayak keeke amu mettaglag.