Sam 2:7 - Nobonob Baibel

⁷ Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Sam 2:7 ပူးပေါင်းရင်းမြစ်များ

2 Samuel 7:14

Da nug mameg daakkul; nug da bekkal daakku. Nug eheɗ heeb amu, da heppi, laa ag bu mettaglag. Da heppi, ag mataɗak nau nug mettaglag.

Job 23:13

Da anam hettem, amge Kayak Nug dahilnu aɗi hekkunu dabmeum ele amu, Nug hette. Aun Nug heeb, Nug dabmak eɗukku? Laal iitta! Kayak Nug aɗi hekkunu oo hette amu, Nug aakku hette.

Sam 148:6

Yawe Nug keeke oh ag abenlagppa, appa hanhan daaglagnu maattom. Ao, Nug ɗo ag amuppa daaglagnu aum amu, nai amuam ii eɗuma.

Sam 89:27

⌊Nid danab tatamnu ag nid anuqak daan binalag, aulag okkai ele aotteb, amubia⌋ nug nid ⌊danab⌋ naanaeg dahil daakkunu otikkul. Ao, nug wanppa king okkai naɗinab, king laa oh eɗattak daakku.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Matyu 8:29

Aa uɗiya, huanak eya apiɗ. “Kayak Bekka, na ihinihppa attem hekkutnu hettem? Guittak haen ihinih ii uɗiom, amge na paha guittak nau metakkutnute uɗime?” eya apiɗ.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jon 1:18

Danab laippu laa nug haen laa Kayak ii anttom. Iittanab. Kayak Bekka laippunab, Nug Kayak ele ouqak daattep amu, Nug aakkuib anitta doya, Kayak ippunikkom.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Aposel 13:33

amu haen Nug he, Jesus eɗua hibaittom, amuppa Nug ig, danab amu bekkalkad, Nug ihinignu aakku he, nai amu meu oum. Amuam nai Sam aɗitppa daatte bia. Nai amuam inam. ‘Na am da Bekkal; gemu amu, da na Mamen bemi daattem.’

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Rom 1:4

Nug doa, ad emaitakppa mauhe, Kayak Ouɗi Nug nuhig ɠagattagppa he, Nug eɗua hibaittom, amu amuppa Kayak Ouɗi Nug he, Jesus Nug am Kayak Bekka miag atia malom; Nug am Jesus Kristus, ihinig Naɗi.

Hibru 3:6

Amge Kristus Nug am Kayak Bekkanab, Nug oo metta ii uuak kobol dim lamitta, Kayaknu danab dilag ikki dayaya ag gumadtte. Amu ig ihinkad oo ɠagattag qettak aɗat, amu ig Kristus, Nug am ena bekkunu dabmak aɗa oiyaknu diig, ig amunu mehuqttem amu, ig Nug ele aɗat amu, ig Kayaknu danab ah daattem.

Hibru 5:5

Amu Kristus Nug ele am anam. Nug nukka binag amu awa, mana mettak ikki danab ii beum. Iitta! Kayak Nug Nug amegppa aum. “Na am da Bekkal. Gemu da na Mamen bemi daattem,” awa aum.

Hibru 5:8

Jesus Nug am Kayak Bekkanab, amge Nug uug mawa, Kayaknu nai dim lamitta mauhom, amuppa Nug oɗe dim lamittaknu ippunittak awom.