Sam 2:4 - Nobonob Baibel

⁴ Ag anam hetteb amge Naɗi, Nug hab attan daatteppa appa sia kingppa dayaya, Nug ahilag dabmak amu antta, Nug ag imadtte. Ao, Nug ag dabmettebnu huan imatte.

Sam 2:4 ပူးပေါင်းရင်းမြစ်များ

2 King 19:21

Da nai amu doyen, da Yawe, da Senakeripnu nai uug elenu inam mattimi daatte. “Sion danab ah ag nahipnu ena iinab doon, ag aon aon nittaglag. Na oolna gobeppe, Jerusalem danab ah ag imidkkulag.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 123:1

O Yawe, naib sia king nahip-ppa hab attan dayeye, da neekki, attan nahip-ppa tette.

Sam 37:13

Ag anam hetteb, amge Naɗi Nug ag imadtte. Aɗinu? Nug ahilag gog tak anidtte.

Sam 53:5

Kayak Nug heeb, danab ah nau hetteb ele ag baɗan humananab qekkulag. Ag anukka baɗappig, amge haen imuppa ag eheɗnab baɗaglag. Aɗinu? Kayak Nug ⌊nuhikkud danab ah, Nug⌋ ahilag kekeɗ, ag banelag uɗiglag ele amu, Nug ag hatteb nauhna autna aoglag. Yo, ag Israel, ag heppeg, ag uɗalag nekku. Aɗinu? Kayak Nug ag geɗadkku.

Sam 59:8

Amge na, Yawe, na ag imadttem. Ao, na wan imuppan wan anen anennu danab ah kobol nau hetteb ele, na ag aon aon qadattem.

Sam 59:9

O Kayak, na am dahil ɠagattag daattem. Da na amen mettem. Aɗinu? O Kayak, na am aab aɗ ɠagattagnab dahil bia daattem.

Sam 68:33

Ban daup ikki ɠagattag okkai ele laa, nuhig hosppa atu wan oh matta gotte, amubianab Yawe Nug hab anukkanab heum amu, Nug amuppa gotte. Nug lomppa nai maditte, amuam hakkaɗ qette, amubia bette.

Prowerb 1:26

Ag amu heppig amunu, da haen aɗi keeke heeb, ag uug naunab dooglag amu, da haen amuppa imadkkul. Ao, haen padal mak haen laa ahilagppa beeb amu, da ag awe awe aqadkkul.

Aisaia 40:22

Kayak Nug sia kingppa wan imu attan dayaya, wan imu oh gumatte. Danab ah wan imuppa oitteb ele, ag nuhig neekkakppa keeke nagnag, tap bia daatteb. Nug danab lamen okkai naɗi taietta otala mette, Nug amubia hab otala taiettom. Ao, danab nug aguppa daakkunu peh lag nuhig bappaidtte amu, Kayak Nug hab taietta babaittom.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.