Sam 2:12 - Nobonob Baibel

¹² Yawe Nug ahilagnu oo nauheb, ag nauhmananu amu, ag Yawe bekka waappa daan, Nug oɗe dim lamitteg! Aɗinu? Yawe, nuhig oppoɗi bak kobol nau haknu am paha ahatte. Amge danab ah ag Nug waappa padal mak eɗitteb ena dayaknu ehanittak aon daatteb amu, ag itittak ena aoppig daatteb.

Sam 2:12 ပူးပေါင်းရင်းမြစ်များ

Genesis 41:40

amunu, dahil lag enanagnu gumak uɗat oh amu, da na eppenppa mettem; na gumakkut. Dahilad danab oh ag na oɗen dim lamidkkulag. Daib am na eɗittak daakkul,” awa aum.

1 King 19:18

Ag mauhkkulag, amge da heppi, Israel ooppa danab 7,000, da ag aɗualatti, ag dahilad daatteb. Danab amu ag kayak hambuppuak Bal noobppa dup ii nona binag ii meppig; ag nug onig okkai mettaglagnu nug dottog ele ii ootuqidppig,” awa aum.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Sam 109:20

Danab ag nai nauppa yaaiɗtteb amu, Yawe Nug ag nob anam madakkunu ool daatte. Ao, laa ag dahilnu nai nau maditteb amu, Nug anam hekkunu ool daatte.

Sam 2:5

⌊Yawe Nug ahilag dabmak amunu, am keeke hamu doyaya,⌋ Nug oo nauhehe, ag nau hettebnu daulag batatte. Nug ahilag haknu ele oppoɗi huan beebe, Nug ag amelagppa ag eheɗ hettebnu mattieye, ag huan baɗatteb.

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Sam 31:20

Na amu, na am nahipad danab ah dilagnu lokkumak aben bia daattem; na ag nakka nahip-ppa lokkumatte daatteb. Na anam hena, kobol amuppa na danab nau ag nahipad danab ah eheɗ hattamananu maittak aotteb amu, na ib oo nettem. Yo, danab ah nahipad dilagnu amu, na daattemppa maatte daaegeg, kekeɗ ahilkad hattappeg nauhkkulagnu nai maditteb amu, na nai ahilag amu qee nette.

Sam 34:8

Na danab laa nug ee laa lana, miti ena doya, ena dootte, amubia na Yawe attem attem daatte dookkutnu he! Nug enaib daatte; Nug enaib hette. Danab ah aun aɗi ag nuhignu, “Nug am padal mak eɗitteb ena dayaknu ehanittak dahil daatte,” ag anam dootteb ele amu, ag itittak ena aoppig daatteb.

Sam 34:9

Aun aɗi ag Yawenu ebehilag oh bodoetta le mette ele, ag tutu makppa ii daatteb amunu, ag danab ah ag Yawenu oo metta ii uuak kobol dim lamidtteb ele, ag nuhignu ebehilag oh bodoetta le maɗ!

Sam 40:4

Danab nug Yawenu ooppa genab dootte, nug dada danab dilagppa ehanittak aokkunu dab-ii-mette, nug kayak hambuppuak ele binalag ii maama oitte, danab amu nug itittak ena awom daatte.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Prowerb 16:20

Aun laa nug ⌊Kayak nainu⌋ ippunittak awa dabmedatte, nug ena daakku; amu aun nug Yawenu ooppa genab dootte, nug itittak ena awom daatte.

Aisaia 30:18

Diig amunu amu, ⌊Ag oolag eɗueb,⌋ Yawe Nug oo bodoette enanag maɗoɗ ele hak kobol dim lamittatta, amuppa ag ehanadkkunu oo huan daatte. Ao, Nug ⌊ag oolag eɗueb,⌋ Nug ahilagnu oo bodoetta le mekkunu babaittak daatte. Aɗinu? Yawe Nug am Kayak haen oh nai doya mala hettoɗia epeɗia elele mettak kobol dim lamidtte. Amu aun aɗi ag Yawe ameg metteb ele amu, ag am itittak ena aoppig daatteb.

Jeremaia 17:7

Danab laa nug laa dilagppa ehanittak aokkunu ooppa genab dootte amu, am anam aakku daakku, amge aun nug Yawenu ooppa genab dootte, nug itittak ena aokku.

Hosea 13:2

Gemu amu, ag tuɗidna, hipunin henan henan daatteb; ag kayak hambuppuak dottolkad danab ah ag amu noolagppa dup nona binalag mekkulagnu silwa ahilagppa hetteb. Ag dottolag amu eppelagppa kobol kobol ele hattana autna aotteb. Ao, danab uɗat amu haknu doyak okkai ele, ag dottolkad amu oh hetteb. Am danab ah laala ag Israel danab ah dilag atteb. “Ag nid naunau ahilkad manan, kayak hambuppuak mattanna; ag makau gaiɗ dottolkad eppelagppa hadappig, ag ag ootuqadtteb,” aon atteb.

Sepanaia 2:2

Ag deɗ laa, deɗ amuppa Yawe Nug danab ah bu madakku amu, ag gemu deɗ amu ii nak, ag haen imu qagmena ⌊oolag eɗueg⌋! Deɗ amuam pahanab uɗitte; ulah ee aeg dappunkkeg iwale, pahanab laih gotte bia uɗitte. Deɗ amuppa Yawe Nug danab ah bu madakku amunu, deɗ amu ii nak, haen imuppa ag qagmena, ⌊oolag eɗueg⌋! Ao, ⌊ag oolag ii eɗueb,⌋ Yawe Nug ag bu eheɗ nau madakku amunu, Nug amu hekkunu haen ii nak, haen imuppa amu, ag qagmena, ⌊oolag eɗueg⌋!

Jon 14:6

A amu, Jesus Nug nob ma aum. “Da am ⌊Kayak gumitta ukkaknu⌋ ib. Laa ele amu, da am doyak diig genabibnu diig, amu da bau dayaknu diig ele. Danab nug Kayak gumitta gokkunu amu, daib nug ehanidppi gokkunu elele daattem.

Rom 10:11

Kayak naippa, nai laa kobol amunu daatte am inam. “Danab aun nug nuhignu ooppa genab dookku amu, nug uɗa nak iinab aoma,” awa atte.

Rom 9:33

Kayak naippa, nai amunu inam daatte. “Antteg! Sion appa da men laa eppami daatte. Men amuam men laa danab ippulagppa dayeye, danab ag men amuppa baelag qena, nena qetteb bia daatte. Ao, men amuam, men laa he, danab ag nena qetteb bia daatte. Amge aun laa nug nuhignu ooppa genab dookku, nug geha uɗa nak iinab aoma,” awa atte.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

1 Pita 2:6

Amu Kayak naippa, nai laa Jesusnu am inam daatte. “Da geha Sion appa men epeɗiak, men enanag laa, ukku ɠagattag daakkunu ebakkul. Amu laa nug nuhignu ooppa genab dookku amu, nug uɗa nak iinab aoma. Iitta.”

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.