Sam 19:9 - Nobonob Baibel

⁹ Amu Yawenu ebehi oh bodoetta le mekkunu kobol amu, kobol amuam ena eleleib; am oppiak ele. Am hanhan daakku. Laa nug tuqa ii aoma. Yawenu ɗo oh am doyak diig genabib, amuppanu betteb. Ag oh am genab tutukkuib daatteb.

Sam 19:9 ပူးပေါင်းရင်းမြစ်များ

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

Genesis 42:18

Amu deɗ ewamppa Josep amelagppa aum. “Da Kayaknu ebehil oh bodoetta le mette amunu, ag inam hena, ag bau, ena daaglag.

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

Nehemaia 5:15

Juda dilag gawana tatam daappig, da ahilag okkai ii bemi haenppa amu, okkai amu ag Juda danab ah uug okkai madappig. Ag deɗ anen anen 500 gram silwa, ee digdig, wain ele mattaglagnu aeg madappig. Okkai amu dilag ehanittak anuqak ele ag eheɗ heegeg, Juda danab ah ag ahilkad maɗi nid bia daappig. Laa da okkai ii daami haenppa okkai daappig amu, ag anam heppig, amge da Kayaknu ebehil oh bodoetta le meum amunu, da anam ii hemi.

Sam 10:5

⌊Haen Kayak ahilag ib oo ii nette amu, haen amuppa⌋ nau hak danab ag keeke oh hetteb, amuppa ag eleleib hetteb. Ag na Kayak, ag nahip bu qak ag amelag meum daatte am ag ii anidtteb. Ag ahilkad kekeɗ eheɗ nau aon aon aqadtteb.

Sam 111:10

Danab nug Yawenu ebehi oh bodoetta le mette ele amu, danab amu nug digma, doyak dabmak ena ele aokkunu hette. Ao, danab ah oh ag Yawenu oo yaak nai ɗo bia dim lamidtteb ele amu, ag diignu doyak tutukku ele. Ag Nug binag hanhan meig!

Sam 115:13

Yawe Nug, Nug laa ag nuhignu ebehilag oh bodoetta le mette, ag ele itadkku. Ao, Nug ag binalag okkai ele, o binalag okkai iitta amu, Nug ag oh itadkku.

Sam 119:1

Aun aɗi ag Yawenu neekkakppa ag oolagppa kaliak laa iitta ele, ag Yawenu kobol oh elele dim lamidtteb ele, danab amunu ag aakku itittak ena aoppig daatteb.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 119:111

Nahip ɗo am dahil en hanhannu daatte. Nahip ɗo am gamag ahak da meɗatte.

Sam 119:142

Na hanhan genab tutukkuib daattem, anamib daakkut; nahip ɗo am genabib.

Sam 119:39

Nahip ɗo am ena amunu, na da ehaniɗppe, uɗa nak nau guittak ele, da amunu dookkulnu uug okkainab doottem amu, uug amu dahilppa ii uɗimanu oɗ medattem.

Sam 119:62

Da nahip ɗo tutukkunu ena heme akkulnu amu, da tuqan tugmag ahattem.

Sam 119:7

Nahip ɗo am genab tutukkuib. Da nahip ɗo amu doyeye, da ool oppiaawak eleppa na binan humakkul.

Sam 119:75

O Yawe, da imu doottem. Na laa bu medakkutnu henana, na genab tutukku hak kobol dim lamidna hettem. Anam bia amu, na oo metta ii uuak kobol dim lamidna, na da bu meɗame.

Sam 12:7

Haen danab ah oh bia ag kobol uɗig wak elenu ena dootteb amu, nau hak danab ag mauhnoak oin, beɗuppa tak kobol hetteb. O Yawe, na ig nau anidmatanu na ehanigppe, ig ena daagnignu oɗ medattem. Ge! O Yawe, na heppe, geha nau hak danab ah amu ag ihinignu aɗitai laa ii hemananu unuqidttem.

Sam 147:19

Yawe Nug nuhig nai Jakop buɗub mattom. Ao, Nug nuhig ɗo iɗu iɗu Israel danab ah mattom.

Sam 36:1

Nau hak danab ah hipunin henan daatteb dilagnu nai meunab ele laa da oolppa daatte. Amu dilag ag Kayaknu ebehilag oh bodoetta le mak ii dootteb ⌊amunu ag aɗi hekkulagnu oolag daatte amu, ag hetteb⌋.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Eksodas 21:1

Yawe Nug anam anana amu, Nug nai tuɗitta aum. “Na ɗo imu Israel danab ah matte!

Prowerb 8:13

Aun laa nug Yawenu ebehi oh bodoetta le mette amu, nug eheɗ haknu kobolnu nau ninig ele dootte. Da, Doyak Dabmak Ena Ele, da dada kobol, beɗuppa tak kobol, eheɗ hak kobol, amu nai eheɗ tutukku iitta mattiak ele, da kobol amu ohnu nau ninig ele doottem.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Aisaia 45:19

Da aben lokkumak ele, da aguppa dayeye, nai ii mattimi. Wan amuppa gatatu daatte amu, da gatatu amu ooppa daye, nai ii mattimi. Da Jakop buɗub ag aben danab ah ii daattebppa da aniɗna dim lamiɗkkulagnu mattiɗkkulagnu ii ami. Da, Yawe, da genab madittem. Da kobol tutukku aakkuib ippunadttem,” Yawe Nug anam atte.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

Rom 2:2

Na nakka na anam epeɗiak pehettak ii hettem, amge ig doottem, Kayak Nug anam ii hette. Nug danab kobol nau anam hetteb ele amu, Nug ag nob nau tutukkuib, doyak diig genabib ippunigtte bia madatte

Duteronomi 4:8

Am wanppan wan laa, wan amuam ɠagattag, ag ɗo genab tutukku iɗu iɗu ele, da ag madattem imu bia elete? Iitta!

Revelesen 15:3

Ag anam daanna, ag Moses, Kayaknu maɗi nid, amu Sipsip Nag, Nug ele edapiɗ amu, ag amu ettanna inam appig. “O Naɗi Kayak Nakka Ɠagattag Oh Ele, nahip hak am onig, ɠagattag ele, danab antta nug enanag doya dabmak kuɗum aotte. Nahip ib am ib tutukku, genab ele. Na wannu king hanhannu.

Revelesen 16:7

Anam a amu, da qaɗab amuppanu baag laa eewo doomi. Nug ewa aum. “Ao genab, Naɗi Kayak Nakka Ɠagattag Oh Ele, nahip epeɗia nob mattak am genab, tutukku ele,” awa aum.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.

1 Samuel 12:24

Amge ag dabmenan, ag ebehilag oh Yawenu bodoetta le meeb, ag oo metta ii uuak kobol dim lamidna meulag ohppa Nug waappa daan, Nug oɗe dim lamitteg! Ag keeke okkai okkai, Nug ahilagnu heum ele amu, ag keeke amu ele dabmenan oiyeg!