Sam 18:7 - Nobonob Baibel

⁷ Nug unuqittak dahil doya he, wan uɗalala, hahaɗom. Ao, Nug doya he, qauko ukkulkad uɗalom. Ge, wan, qauko ele aa anam hepiɗnu diig am, Kayak Nug ⌊laa ag da heiɗppeg nauhkkul anatta,⌋ Nug oo nauhom.

Sam 18:7 ပူးပေါင်းရင်းမြစ်များ

Sam 34:16

Yawe Nug laa ag kobol eheɗ hetteb ele, Nug ahilag hak amunu eheɗ doyaya oo ii madatte. Ao, Nug danab ah ag nau hak kobol hetteb ele, Nug he, ag padal meeg, Nug he, danab ah ag bau daatteb amu, ag padal meppig ele daulag atia auta autanab aotte.

Sam 34:18

Yawe Nug laa ag oolagppa guittak okkainab, nau ninig ele dootteb amu, Nug ag gukkuatta daatte. Ao, aun aɗi ag oolagppa, “Da eɗue bau ii daapa,” dootteb ele, Nug ag ehanatte, ag padal ii metteb.

Sam 39:13

Da mauhen, wanppa ii daapa, amge da ii mauhmi, haen gamag imuppa amu, da eɗue, ool gamag ahak ele daakkulnu amu, na da baula bu ii iumnanu oɗ medattem.”

Sam 40:2

Yawe Nug da ehaniɗa, Nug danab laa nug layag moɗ nauppanu behie beum bia ehaniɗe, da ena daattem. Ao, danab laa nug layag moɗ lekkoh naunab nau eleppanu ehanitte uɗitte, amubia Yawe Nug da ehaniɗe, da ena daattem. Genab, Nug danab laa layag ehanitta awa, men attan meum bia he, da ena daattem. Ao, Nug danab laa nug layag ehanitta awa, aben baɗak iitta eleppa mette amu, Yawe Nug dahilppa anam he, da ena daattem.

Sam 46:2

Kayak Nug am padal mak eɗitta ena dayaknu ehanittak ihinig daatte amunu, ig ii baɗamta. Iitta! Mimte neeb, qauko pana yuppa nokkutai, amge ig amunu ii baɗamta.

Jeremaia 4:24

Da neekki ukke, qauko ele anadmi, amu qauko okkai ag uɗalegeg, qauko nakok ag danab ameg uuette, pehettak ii daatte, ag amubia heppig anidmi.

Habakuk 3:10

Ao, na wanppa nee, qauko ag uɗalppig. Le ui eheɗ oum. Yo, yu huana koɗkoɗ qe, oqotti okkai oum.

Habakuk 3:6

Yawe Nug hibaitta daya, Nug he, wan uɗalom; Nug neekke, wanppan wan ohnu danab ah ag hahaɗppig. Nug he, qauko haen elab daappig, ag nena qeppig. Ao, qauko nakok, haen elab daappig amu, ag hiɗan nona daappig. Yawenu hak am hanhannu.

Sekaraia 14:4

Deɗ amuppa nug na, Olipnu Qauko, qauko amu Jerusalemnu kaɗag uɗitteppanu daatte, Nug appa hibaitta dayebeb, qauko amu oppata, laih laih daakku. Qauko oppateb, gamagppa oolnu noak naɗi laa daakku; oolnu noak amuam kaɗag uɗitteppanu digmeeb ukka, qaban uɗitteppanu gokku. Amu bekkunu diig am, qauko laih am ukka, yawalti uɗitteppanu ukkebeb, laih am ukka, yau uɗitteppanu gokku.

Matyu 28:2

Ukkaeheh am mim okkai neum. Aɗinu? Naɗinu engel laa hab aabppanu na, moɗppa ukka, men buɗibɗib mette ukke, ameg kola, men amu qaɗeppa heɗep na dayom.

Aposel 4:31

Ag unuqidna bagqeeg, lag ag daappig ele amu uɗalele, Kayak Ouɗi ag oolagppa ambe, ag ii baɗana, Kayak nai mehuqppig.

1 Korint 13:2

Amu da propet nai madikkulnu, Kayaknu dabmak lokkumak oh amu doyak oh ele dookkulnu elele daattem dayeb, dahil ooppa genab doyak ɠagattag daakku dayeb, amuppa da qauko heppi, laih wakkunu ele hekkulnu elele daattem dayeb, amge da laa dilagnu oo mauhak ii doottem dayeb amu, da keeke hamu bia daattem.

Duteronomi 32:22

Aɗinu? Da oppoɗil bette, amu oppoɗi bak dahil amu aab aɗu bia keeke oh unuqagnu ewa, qaɗeppa tette, amubia bette. Ao, am wan etetuab ewadkku, qauko diig unuqag ukku ele ewadkku.

Ikki Danab 5:4

O Yawe, na Seirnu ahan gome. Ao, na Edomnu ahan, laippuppa tappa ukkak heme. Na anam heehe, wan uɗalom. Ao, wan anam uɗalele, gu huanak ele lombig hab waappa daappigppanu neum.