Sam 18:34 - Nobonob Baibel

³⁴ Nug da ippuniɗe, da eppelppa ban hekkulnu elele. Ao, Nug ɠagattag meɗe, da lat brasppa hak pimalkkulnu elele daattem.

Sam 18:34 ပူးပေါင်းရင်းမြစ်များ

2 Samuel 22:36

O Kayak, na guppiɗ aɗan, kekeɗ eɗadttem ele amu, na guppiɗ amu da meɗae, da ena daattem. Na dahil unuqittak nob me, danab ah ag da ɠagattag daattem aniɗtteb.

Sam 144:1

Yawe Nug am kekeɗ niɗamnanu ehanittak dahil daatte. Da Nug humidttem. Nugib ban haknu doyak awaknu ippuniɗtte. Ao, Nugib ban haknu doyak da meɗatte.

Sam 46:9

Nug anam heehe, danab ah ag nug qak hekkulagnu elele iitta daatteb amunu, wanppa ban ii daatte. Nug ahilag lat tanig, ban ele qiialatta, guppiɗ ele aab aɗuppa manatte eotteb.

Aisaia 28:6

Yawe Nug geha danab ag epeɗiak danab daatteb, Nug ag nai doya mala hettoɗia epeɗia elele mettak kobol elele hekkulagnu doyak ena matteb heppeg, amu Nug daup ag aab okkainu odppa daan, kekeɗ ag ooppa nona, danab ah aqamnanu ib oo netteb ele amu, Nug ag ɠagattag aqadkku.

Aisaia 45:1

Yawe Nug Sairus king daakkunu goɗen gokkaɗakppa tituanom. Nug wan laala eɗatta diiaknu, nug king laala dilag ban haknu keeke aɗatta awaknu, nug aab okkainu aɗ od matulattebeb, appa wanaknu ib keldoak daamanu, Yawe Nug nug eppeg naɗiap aɗom daatte. Amu Yawe Nug Sairus amegppa inam atte.

Jeremaia 49:35

“Yawe Nukka Ɠagattag Oh Ele, Nug inam atte. ‘Antteg! Da heppi, Elam daup latppa ban hetteb, ahilag ɠagattagppa Elam ɠagattag daatte amu, da heppi, ag oh mauhppeg, Elam am gai-iitta daakku.

Hosea 1:5

Da geha heppi, ahilag kekeɗ ag tappaladppeg noppeg, oolnu noak onig Jesril, appa ban danab ahilkad hadappeg nauhkkulag,” awa aum.

Habakuk 3:19

Naɗi Yawe Nug da ɠagattag meɗatte. Ao, Nug ehaniɗe, da dia qaietta gotte bia oittem. Nug he, da qaukoppa elele oikkulnu elele daattem. Unuqittak imuam danab nug danab ah noolagppa daya, ahi edatte ehanidkkunu. Laa ag musik haknu keeke muɗi ele qeegeg, danab ah ag ahi ettaglagnu daatte.