Sam 18:3 - Nobonob Baibel

³ Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb. Nug ig danab ah, ig Nug binag mekkunignu elele daatte.

Sam 18:3 ပူးပေါင်းရင်းမြစ်များ

2 Samuel 22:4

Da Yawe onigppa eiyi, Nug kekeɗ eɗilna aɗaelmananu ehaniɗe, ag ii eɗiltteb; Nug ig danab ah, ig Nug binag mekkunignu elele daatte.

Nehemaia 9:5

Ag anam heeg, Lewi buɗubppan mana mettak danab iitta, ag oolagppan laa onilag Jesua, Katmiel, Bani, Hasapnea, Serebia, Hodia, Sebania, Petahia ele, ag appig. “Ag oh ahan hippaidna daan, ag Yawe, ahilag Kayak, ag Nug binag meig! Nug hanhan daatte. Nug digmak iitta, batak ele iitta,” appig. Ag anam awona, ag tuɗidna, Yawe amegppa appig. “O Yawe, na binan amahlak oppiaawak ele, amu danab ag na onin dabmenan humappeg, attannab, itittak ena oh, binag mak oh eɗittak daakkunu oonig daatte,” aon appig.

Sam 144:1

Yawe Nug am kekeɗ niɗamnanu ehanittak dahil daatte. Da Nug humidttem. Nugib ban haknu doyak awaknu ippuniɗtte. Ao, Nugib ban haknu doyak da meɗatte.

Sam 145:3

Yawe Nug am onig, ɠagattag okkai ele. Nug danab ah ag Nug binag mekkulagnu elelenab daatte. Auntai laa nug Nug onig, ɠagattag okkai ele tutukku dookkunu elele iitta.

Sam 3:4

Da Yawenu huana gaai, Nug nuhig qaukoppanu, qauko amuam nuhignu tituanak daatte amu, appanu Nug da oɗelppa awom. Sila.

Sam 31:4

Doɗ pelemppa ta daatte bia, kekeɗ dahilad ag da iuglagnu hetteb. Anam, amge na am padal mak eɗitteb ena dayaknu ehanittak dahil daattem amunu, na da pelemppanu uhuqiɗkkutnu oɗ medattem.

Sam 48:1

Yawe Nug onig okkai ele; danab ah ag Nug binag mekkulagnu elelenab. Nug onig aab okkai Jerusalem appa meum daatte. Danab ah ag Nug appa binag mekkulagnu daatte. Ge, ag nuhig qaukoppa, Nug binag mekkulagnu daatte. Qauko amuam nuhignu tituanak daatte.

Sam 50:15

Amu Kayak Nug atte. “Haen nau laa uɗieb amu, ag da unuqiɗppeg, da ag ehanadkkul. Ao, da ag ehanadppi, ag da binal mekkulag.” Kayak anam awa atte.

Sam 55:16

Dahilnu amu, da Kayak unuqidppi, Yawe Nug da ehaniɗeb, padal ii mepa.

Sam 62:3

Ag dahilad kekeɗ, ag da banel uɗitteb; amu haen gane laa ele ukkeb, ag amu uuglag? Da am danab dakka laippuib, amge ag kekeɗ dahilad ag am kuɗum, ag ohnab ag da iuglagnu hetteb. Da am gilil beɗak bia, o da aɗ oɗaɗittak daatte bia daattem, aakkuib.

Sam 62:8

O danab ah dahilad, Kayak Nug am padal mak eɗitteb ena dayaknu ehanittak ihinig daatte. Ag hanhan Kayaknu oolagppa genab doyeg! Ge, ag nug oolag unuqagppanu unuqitteg! Sila.

Sam 71:3

Na da kekeɗ niɗamanu ehanittak dahil daappe, da hanhan nahip-ppa gokkulnu daakkutnu oɗ medattem. Ao, na am kekeɗ niɗamanu ehanittak dahil, aab aɗ ɠagattagnab ele dahil bia ele daattem amunu, na da padal mepanu ehaniɗkkutnu unuqidttem.

Sam 76:4

O Kayak, na binan amahlak oppiaawak ele. Ao, na am dagom onin ɠagattag ele. Ge, na wan ɠagattag laa oh eɗattak.

Sam 91:15

Na da onilppa eppe amu, da geha ewak nahip nob mekkul. Na uugppa daappe amu, da geha na ele daagnih. Da geha na ehanidppi, na qagaiettakppa ii daamna, da na binan okkai ele medakkul.

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Sam 96:4

Aɗinu? Yawe Nug onig ɠagattag ele, laa oh eɗattak daatte. Ao, Nug danab ah ag Nug binag mekkulagnu elelenab daatte. Ge, danab ah ag nuhignu ebehilag oh bodoetta le mekkunu elelenab daatteb. Kayak laa anam laa ii daatte.

Jeremaia 16:19

Amu da, Jeremaia, da Yawe amegppa unuqidmi. “O Yawe, na dahil ɠagattag, aab aɗ ɠagattagnab ele dahil bia ele daattem. Ao, uug nau baknu deɗppa na dahil padal mak eɗitteb ena dayaknu ehanittak daattem. Qinob wan atu ohppan danab ah ag na noomppa uɗin, ag akkulag. ‘Ig mamenkad aɗi ag kayak hambuppuak aakkuib dabmeppig. Ao, ag kayak hambuppuak dottolkad ii ehanadppig ele, ag ahilagnuib dabmeppig,’ aon akkulag.

Aposel 2:21

‘Anam amge aun laa nug Naɗi onigppa eeb amu, Naɗi Nug ehanitteb, nug padal ii mema.’ Joel anam yom.

Revelesen 4:11

“O Naɗi, ihinig Kayak, Na keeke ohnab heme. Nahip doyakppaib na keeke oh he beppig. Gemu keeke amu oh nahip doyakppaib ele iikku daatteb amunu, binag amahlak oppiaawak, ɠagattag, binag ele nahip-ppa daakkunu, na elele daattem.” Ag anam aegeg anidmi.