Sam 17:2 - Nobonob Baibel

² Danab ah ag da eheɗ ii hemi anidkkulagnu amu, na heppe, amu miag atiak daakkunu oɗ medattem. Ao, na aɗi hak am tutukku, na amu doon anidttem amunu, na anam hekkutnu unuqidttem.

Sam 17:2 ပူးပေါင်းရင်းမြစ်များ

Sam 37:33

Amge Yawe Nug genab tutukku hak danab ah, ag hipunin danab eppelagppa ii uuatteb daamna. Ao, hettoɗiakppa Nug ag uuatteb, bu ii aomna.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

Esekiel 18:25

Amge ag atteb. ‘Naɗi hette amu, nuhig kobol amuam nai doya mala hettoɗia epeɗia elele mettak kobol iitta,’ aon atteb. Israel danab ah, ag dahil nai doyeg! Dahil hak am tutukkuib. Ahilag hak digdig am tutukku iitta.

Esekiel 18:29

Anam aakku, amge Israel ag atteb, ‘Naɗi hette amu, Nug nai doya mala hettoɗia epeɗia elele mettak kobol ii hette,’ atteb. Israel danab ah, ag dahil nai doyeg! Dahil hak oh amu tutukkuib. Ahilag hak digdig am tutukku iitta,” awa atte.

Esekiel 33:17

Da Yawe, da anam hekkul, amge Esekiel, nahipad huu laippu, ag Israel danab ah amu, ag inam atteb. “Naɗi hette amu, nuhig kobol amuam nai doya mala hettoɗia epeɗia elele mettak kobol iitta,” aon atteb. Ag atteb, amge ag hambubutteb. Dahil kobol am nai doya mala hettoɗia epeɗia elele mettak kobol aakku. Ag akka, ahilag kobol am anam iitta.

Esekiel 33:20

Da Yawe, da anam hettem, amge O Israel buɗub, ag, “Naɗi hette amu, Nug nai doya mala hettoɗia epeɗia elele mettak kobol ii hette,” atteb. Ag anam atteb, amge da ag oh anen anen, ahilag hak antten epeɗiadkkul.’ ” Yawe Nug anam aum.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.