Sam 17:10 - Nobonob Baibel

¹⁰ Kekeɗ dahilad ag oo gai-iitta doya oo metta ehanittak kobol iinab hetteb. Ag akka ag oɗelagppa ag beɗuppa tak nau nai madittem.

Sam 17:10 ပူးပေါင်းရင်းမြစ်များ

Job 15:27

Anam amunu, deɗ laala nau hak danab nug beɗu enanag, hime ele daakkutai; ao, nug beɗu oh am enaib daakkutai,

Sam 119:70

Beɗup tak danab ag danab ah laa makkuɗadna, guittak mattaglagnu mauhnoak henan, uug ii dootteb, amge da nahip ɗonu enanagnab doottem.

Sam 123:4

Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Eksodas 15:9

Kekeɗ ag akka ag onilag human, ag ihinignu appig. ‘Geha ig ag baelag mattat gota aɗualadta, geha ig ahilag keeke ena ena amu aot, ig ihinig huuppa panignig. Aria, keeke oh ig aognignu oonig daatte ele amu, geha ig aognig. Geha ig ag ele qep elabppa heta, ihinig ɠagattagppaib ig ag hepput nauhkkulag.’

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Aisaia 6:10

Naɗi Nug anam ana, Nug da amelppa nai tuɗitta aum. “Heppe, danab ah imu ag oolag ɠagattag eppaɗ! Heppe, ag daulag nai dookkunu elele iitta dayaɗ! Heppe, ag amelag amuhak dayaɗ! Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag,” awa aum.

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Aposel 28:27

Aɗinu? Danab ah imu ag am oolag ɠagattag eppom. Ag daulagppa nai meu dooglagnu nakokib elele, amu ele ag heeg, ag amelag amuhak daatte. Amu iitta daalo, ag amelagppa keeke anidna, daulagppa nai doona, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.’ Aisaia nug anam yom.

Duteronomi 32:15

Amge Israel danab ah ag titiɗak huana hena, ag Kayak oɗe tappaeg neum. Yo, ag ee huana lanana, titiɗna daappig. Ag amu hena, ag laa ag hattom ele am uuppig. Ao, ag laa, Nug hanhan ɠagattag daatte, Nug ag ehanatte ag padal ii metteb ele amu, ag Nug guhuɗidppig.

2 Pita 2:18

Danab amu ag akka ag beɗulag human, keeke okkai heppignu hambuppun maditteb. Ag beɗulagppan kobol naunu mattiegeg, danab laa kobol tutukku digmena dim lamidtteb ele amu, ag kobol nau amunu ittag aqebeb dim lamidkkulagnu dabmetteb.

1 Samuel 2:3

Na dada danab dilag nai tuɗidna, aib mattime. Ao, na hib guitta qak nai mattiak uue! Aɗinu? Yawe, Nug Kayak genab, Nug keeke oh dootte. Ao, Nug danab dilag hak epeɗidtte.