Sam 16:2 - Nobonob Baibel

² Da Yawe amegppa inam ami. “Na aakkuib, na dahil Naɗi daattem. Keeke ena oh da eppelppa daatteb amu, na eppenppanu uɗiom.” Da anam amegppa ami.

Sam 16:2 ပူးပေါင်းရင်းမြစ်များ

Sam 27:8

O Yawe, da ool unuqagppanab, na amuppa na dahilnu, “Na da aniɗna dim lamiɗkkutnu, da mattiɗe!” ame amunu, O Yawe, da na anitten dim lamidkkulnu mattidkkul.

Sam 31:14

Amge O Yawe, da nahipnu oolppa genab doottem. Ge, da attem. “Na am dahil Kayak.”

Sam 73:25

Hab attan appa amu, da laa ele daagnihnu ool ii hette; na aakkuib. Wanppa ele, da laa ele daagnihnu ool ii daatte; na aakkuib.

Sam 8:1

O Yawe, na ihinig Naɗi, danab ah wan atu ohppanu ag na am dagom onin ɠagattag ele dootteb. Ao, nahip binag amahlak oppiaawak ele hab eɗittak daatte.

Sam 89:26

Nug dahilnu akku. ‘Na am da Mamel. Na am dahil Kayak. Na am dahil kekeɗ niɗamanu ehanittak daattem. Na am dahil padal mepanu ehanittak daattem.’

Sam 91:2

Da Yawenu miag atiak inam iikku attem. Nug am padal mak eɗitteb ena dayaknu ehanittak dahil daatte. Nug am aab aɗ ɠagattagnab dahil bia ele daatte. Nug am dahil Kayak. Da nuhignu oolppa genab doottem.

Aisaia 26:13

O Yawe, na am ihinig Kayak. Okkai laa ag ig gumigppig, amge ig na oninib binag mettem.

Aisaia 44:5

⌊Amu haen amuppa⌋ laa nug aha, ‘Da Yawenu danab daattem,’ akku. Laa nug aha, nug, ‘Da am Jakop buɗub laa,’ akku. Amu laa nug aha, ‘Da am Yawenu danab,’ eppeg ⌊gomeppa⌋ ya, nug memetalkad anukkanu Israel, nug nug onig amu awa, nug nukka onig oela qedakku,” awa atte.

Sekaraia 13:9

Am Yawe Nug imu ele atte. “Danab nug silwa o gol babaitta epeɗia awak daakkunu uɗat hette, amubia laa bau daaglag amu, da heppi, ag oolag dubuttid iitta daaglag. Ag da onilppa eppeg, da ahilag unuqittak dookkul. Da ahilagnu, imuam dahilad danab ah, appi, ag, Yawe, Nug am ihinig Kayak, akkulag.” Yawe Nug anam awa atte.

Luk 17:10

Amubia ag ele keeke oh Kayak aum amu ag hena malona, ag, ‘Ig am maɗi nid, ig keeke hemut ele amu, ig ihinig uɗat aakkuib hemut amunu, ig binanig aognignu elele ii daattem,’ aon akkulag,” awa aum.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Rom 11:35

Aun laa nug Naɗi keeke mettom amunu, Naɗi Nug eɗua, amunu nob nug medakkunu daatte?”