Sam 148:4 - Nobonob Baibel

⁴ Hab attan ukke ukke, adekku batatte, hab amu ⌊na danab ah Nug binag metteb bia, na⌋ Nug binag mee! Le attan daatte ele amu, ⌊danab ah Nug binag metteb bia, na⌋ ele Nug binag me!

Sam 148:4 ပူးပေါင်းရင်းမြစ်များ

Genesis 1:6

Keeke amu anam ba daye, Kayak Nug, “Le gamagppa oppata, attan honap ele daapeɗ, gamalahppa aben uma ukkak dayaɗ!” awa aum.

Genesis 1:7

Anam amunu, aben uma ukkak le gamagppa beum. Be, le laa honap piɗe daye, le laa attan piɗe ele dayom; le aben laippuppa ii dayom, piɗe piɗe dayom. Kayak Nug a amu, am anam aakku beum.

Genesis 7:11

Haen amuppa Noa nug maɗ 600 dayom. Maɗ 600 dayeye, kalam ebqak aɗit, kalam amunu deɗ 17ppa, gu okkai neene, Kayak Nug he, wan panatte, wan ooppanu le huanak qeppuɗin beegeg, le hiɗ naɗi digma beum.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

2 Stori 2:5

Nuhig mettid lag, da hekkul amu, amuam lag okkai, naɗinab daakku. Aɗinu? Ihinig Kayak Nug kayak laa oh eɗattak daatte.

Nehemaia 9:6

Ag nai amu ana malaeg, ⌊Esra aha, inam Yawe unuqittom.⌋ “Na nakka am Yawe. Na hab, hab waappa, hab attan ukke ukke, adekku batatte ele, na amu oh hattame. Na habppan hoɗopai oh, wan, wanppa aɗi aɗi keeke daatte, yu, yuppan keeke oh ele hattame. Na keeke oh bau daatteb ele bau madattem. Hab aabppan daup, ag kuɗumnab ele, ag oh na noomppa dup nona binan metteb.

Sam 104:3

Nug bud oh eɗattak appag heum daatte. Ao, Nug bud he, nuhig oiyaknu karis daatte. Ge, Nug ulah eɗittak pahanab gotte.

Sam 113:6

Yawe Nug anam daye, danab elabnab nug keeke wanppa daatte anidkkunu gomela, neekke ukke anidtte, Yawe Nug anam bia ha, Nug neekke, hab waappan keeke, wanppan keeke ele anidtte.

Sam 68:33

Ban daup ikki ɠagattag okkai ele laa, nuhig hosppa atu wan oh matta gotte, amubianab Yawe Nug hab anukkanab heum amu, Nug amuppa gotte. Nug lomppa nai maditte, amuam hakkaɗ qette, amubia bette.

Sam 69:35

Aɗinu? Kayak Nug danab ah ag Sion daatteb ele ehanatteb, ag padal ii memana. Ao, Nug heeb, danab ah ag Juda aab okkai baula buualadkkulag. Ge, danab ah nuhikkud ag appa daan, ag heppeg, wan ag eppelagppa eɗua daakku.

2 Korint 12:2

Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.