Sam 146:8 - Nobonob Baibel

⁸ Nug danab ag amelag gaɗuak he, ag neegtteb. Nug danab ag uug tonatte daatteb he, ag ahilag uug iitta mette. Yawe Nug danab ah ag genab tutukku hak kobol dim lamidtteb ele, Nug amu dilagnu oo mauhtte.

Sam 146:8 ပူးပေါင်းရင်းမြစ်များ

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Sam 145:14

Yawe Nug danab ah ag nena qeppig ele, Nug ehanatte, ag eɗun hippaidtteb. Yo, Nug danab ah ag uug dootteb ele, Nug ag ehanadtte.

Sam 147:6

Yawe Nug danab ah ag akka ag onilag qeeg nette ele ehanadtte, amge Nug nau hak danab diia he, gappudppa notteb.

Aisaia 35:5

Amu Nug uɗia anam heebeb, danab amelag gaɗuak ele ag neegkkulag. Danab daulag ituak ag geha eɗun nai dooglag.

Aisaia 42:16

Da geha dahilad danab ah, ag amelag gaɗuak bia daatteb amu, da ag omaladppi, ib ag anukka ii dooppig ele amuppa gokkunig. Yo, da ag omaladppi, ib ag anukka ii anidppig ele, ig amuppa gokkunig. Da heppi, gatatu ag tonattom daatte amu, gatatu amu oppiak ele dayeb, ag amahlak aoglag. Da heppi, aben qe ta qe nak ele, am uɗem tutukku daakku. Genab, da anam aakku ehanadkkulnu hekkul; da ag iinab uuadpa.

Aisaia 42:18

Yawe Nug anam mattia mala, Nug nai tuɗitta aum. “Ag daulag ituak ele, ag nai doyeg! Ag amelag gaɗuak ele, ag neegna antteg!

Matyu 11:5

Amelag gaɗuak ag eɗun neegtteb, baelag nau autaut oitteb amu, ag ena oitteb, gaɗalag oɗe nau ele amu oɗe amu iitta mette, daulag ituak amu ag eɗun nai dootteb, danab mauhppig ele, ag eɗun bau daatteb, amu daɗek danab ag Nai Ena dootteb.

Matyu 9:30

Anam a amu, aa amelah oppatom. Oppate, Jesus Nug ɗo nai ɠagattag inam matom. “Dabmeiɗ! Aa keeke amunu danab laa apeɗ aib doyom,” awa aum.

Jon 16:27

Iitta! Mame Nug nukka ahilagnu oo mauhtte. Aɗinu? Ag dahilnu oolag mauhtte, amu ag ele da am Kayak toppanu uɗimi oolagppa genab dootteb.

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

Epesus 1:18

Da Nug heeb, ahilag dabmak amahleb, butti aɗi ag aɗi keekenu Nug ag onilagppa eum ele amu, ag amunu dabmak ɠagattag aona, ag maɗoɗppan gamag doon, itittak enanagnab oh Nug nuhikkud danab ah oppiaawak ele oh aoglagnu nai qakka tituanom ele amu, ag amu oh dooglagnu ele unuqidttem.

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

1 Pita 2:9

Amge ag Kristen danab ah amu, ag gatatuppa daaegeg, Kayak Nug diia amahlak enappa maattom, ag Nug ahilagppa ena heum, ag amu miag atiglagnu Nug ag tituanatte daanna, ag am mana mettak danab, king ele daatteb, ag am danab ah Kayaknu ɗo maɗoɗppa daatteb, ag danab ah nuhikkudnab ele daatteb.