Sam 146:6 - Nobonob Baibel

⁶ Yawe, laa iitta, Yawe Nug keeke oh, amuam hab, wan, yu ele, amu keeke oh amuppa daatteb ele, Nug amu oh hattom. Ao, Yawe, laa iitta, Yawe Nug hanhan oo metta ii uuak kobol dim lamidtte.

Sam 146:6 ပူးပေါင်းရင်းမြစ်များ

Genesis 1:1

Digmak haenppa Kayak Nug hab, wan ele heum,

Sam 100:5

Aɗinu? Yawe Nug enaib dayaya, enaib ele hette. Nuhig oo mauhaknab kobol hanhan alet daatte. Ao, nuhig oo metta ii uuak kobol am haen oh, anamib daatte.

Sam 115:15

Yawe, Nug hab, wan ele heum amu, Nug ag itadkkunu ool daatte.

Sam 117:2

Ag amu hekkulagnu diig am, Nug ihinignu oo mauhaknab okkai dootte. Yawenu oo metta ii uuak kobol ii iitta mette. Ag Yawe binag meig!

Sam 33:6

Yawe Nug a, hab beum daatte. Nug oɗeppa nai mattieye, hoɗopai keeke beppig daatteb.

Sam 89:2

Aɗinu? Nahip oo mauhaknab kobol am ɠagattagnab hanhan daatte. Ao, nahip oo metta ii uuak kobol, amuam hab ɠagattag daatte, ɠagattag anambia daatte.

Sam 89:33

Amge da laa nug tituanmi ele amu, da nuhignu oo mauhaknab dahil tuqen ii aopa. Ge, oo metta ii uuak kobol nuhignu da doottem amu, da ii tuqe aopa.

Sam 95:5

Nug yu heum, am nuhig daatte. Ao, nug eppegppa wan heum.

Sam 98:3

Am Yawe Nug oo mauhaknab kobol nuhig, oo metta ii uuak kobol nuhig ele Israel dilagnu dabmaama dim lamidkkunu nai anan qakkom. Yawe Nug anam hekkunu nai anan qakkom, amu Nug aakku heum. Ihinig Kayak Nug ehanikke, ig padal ii memut, amu wanppan danab ah oh ag amu anidppig.

Eksodas 20:11

Aɗinu? Da Yawe, da deɗ eblaih laippu ele uɗat hei ukke, hab, wan, yu ele, amu keeke oh amuppa daatteb ele hattami, amge da deɗ ebqak eblaih aɗitppa, da hik aomi. Da keeke amu oh deɗ amuppa hein maloya, da deɗ eblaih aɗitppa hik aomi amunu, da deɗ ebqak eblaih aɗit ele, amuam Sabat aakku, da deɗ amu itittak ena mettoya, dahil daakkunu tituanmi.

Jeremaia 32:17

“O Naɗi Yawe, na ɠagattag nahip-ppa, nakka ebehinppa ele hab, wan ele heme. Aɗi keeke uug ele na hekkutnu elele iitta laa ii daatte.

Daniel 9:4

Da Yawe, Nug dahil Kayak, da Nug amegppa ig Israel, ig ihinig hipunin miagib mattien, da Nug inam unuqidmi. “O Naɗi, na Kayak ɠagattag ele. Ig danab ah ig nahipnu ebehinig oh bodoetta le mekkunu daattem. Na danab ah ag nahipnu oolag mauhtte, ag nahip ɗo ele dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Maika 7:20

Na anukkanab ig mamenkad aɗi amelagppa ihinigppa aɗi hekkutnu nahip nai ɠagattag qena mattime amu, na Jakop buɗubppa aɗi hekkutnu ame amu, na anamib hekkut. Ao, na Abraham buɗub dilagnu oot gai-iitta doon oot mattan ehanadkkutnu ame amu, na anamib hekkut.

Jon 1:3

Kayak Nug keeke oh Nai Kayak Ippunigtte eppegppa me, Nug keeke oh haattom. Keeke laa ib laappa ii beum.

Jon 10:34

Aeg amu Jesus aum. “Ahilag ɗoppa Kayak oɗe inam yaak niitte. ‘Da ami, ag am Kayak ganiappud.’

Aposel 14:15

“Ag ippan danab, ag aɗinu anam hetteb? I ele am danab, ag biaib. I Nai Ena ag amelagppa mehuqta, amu i ele ag keeke nau hamu meu iitta amu uuadna, ag Kayak bau daatte amu Nug dim lamidkkulagnu amelagppa mehuqttep. Nug am hab, wan, yu ele, amu keeke oh amuppa daatteb ele, amu oh Nug hattom.

Duteronomi 7:9

Yawe Nug anam aakku heum amunu, ag Yawe, ahilag Kayak, Nug am Kayak, ag anam doon autna aweg! Nug amu Kayak, Nug oo metta ii uuak kobol hette. Nug nuhig nug tituana nai qakkak nai ii okkultte. Nug danab ah ag oolag Nug mettan, nuhignu oolag mauhtte, nuhig ɗo ele dim lamittegeg, Nug he, ag Nug ele nug oo mauhaknab doyaknu nug tituana nai qakkak hetteb amu, Nug nug tituana nai qakkak amu dim lamitta ukkeb ukkeb, Nug ag buɗulkad menuattak huu laippu bia 1,000 dimppa bekkulag amu, Nug haen amu oh nug tituana nai qakkak amu dim lamidtte.

Kolosi 1:16

Ig amuam genab anidkkunignu diig am Kayak Bekka Jesus, Nug wan imuppan keeke, hab attannu keeke, keeke ig anidttem ii anidttem ele amu, amu oh Nug heum. Nug amu heum, amu keeke Nug heum ooppa amu, Nug gumak uɗat digdig ele daakkunu babaittom; laa am gumak uɗat anuqak, laa am gumak uɗat ɠagattag ele, laa am gumak uɗat okkainab, am laa am gumak uɗat okkai. Nug amu oh heum, babaittom ele, am amu oh am Nug binag mekkulagnu daatteb.

Taitus 1:2

Doyak diig genabib amuam he, ag bauklel hanhannu aoppig daatteb dootteb. Kayak, Nug hambuppuak nakok laa iinab maditte amu, Nug ag bauklel hanhannu amu aoglagnu anukkanab, keeke ii heum haenppa nai qakka aum.

Hibru 6:18

Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.

Revelesen 14:7

Nug baag okkaippa aum. “Ag Kayaknu ebehilkad oh bodoetta le meeb, ag Nug binag amahlak oppiaawak ele Nug metteg! Aɗinu? Nuhig hettoɗiakppa danab ah epeɗiadkkunu haen aakku neum. Ag laa Nug hab, wan, yu, le, amu le qeppuɗiattak ele he beppig amu, ag Nug noobppa dup nona binag meig!” awa aum.