Sam 143:2 - Nobonob Baibel

² Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Sam 143:2 ပူးပေါင်းရင်းမြစ်များ

1 King 8:46

Danab ah oh ag hipunin hekkulagnu elele daatteb amunu, geha ig nahipad danab ah ele nahip-ppa hipunin hepput, na ihinignu oot nauheb, na heppe, kekeɗ ag uɗin ban hena, ig eɗigna aɗaigna, aigna, ahilag wanppa goppeg, wan amuam umatai, o miagtai,

Job 14:3

Danab oh am anam, amu na, Kayak, na danab oolagppan laa amubia genab dabmekkut-te? Ge, na laa amu onigppa genab eppe, na nug hettoɗidkkutnu na noomppa dokkute?

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Job 25:4

Kayak Nug okkainab anam daatte amunu, ig danab ah oh, ig oonigppanu laa nug Kayaknu neekkakppa, nug genab tutukku hak danab daakkunu elelete? Ge, laa ah ooppanu doum ele, nug Kayaknu neekkakppa ooppa oppiak ele daakkunu elelete?

Job 4:17

Nug mattiaya inam aum. ‘Danab nug ah ooppanu doum ele amu, nuhig genab tutukku hak am Kayaknu genab tutukku hak eɗidkkunu elelete? Ge, danab nug ah ooppanu doum amu, oppia dayak nuhig am Kayak, nug heum ele amu, am nuhig oppia dayak eɗittak daakkunu elelete?

Sam 130:3

O Yawe, na ig danab, na ig ihinig hipunin nahip dabmakppa mena, aɗan dabmelom amu, ig oonigppa aun nug elele daalo? Ao, O Naɗi, aun nug na noomppa tutukku daalo? Laa iittanab iitta!

Eksodas 34:7

Da danab ah menuattak huu laippu bia tausen kuɗum bekkulagnu daatteb amu, da amu dilag oo mauhaknab kobol dahil dim lamidppi anidkkulag. Da nau hak, nai tappe nak, hipunin hak ele uhuqttem, amge da danab beɗulagppa aab ele amu, da ag bu madattem. Da ag bu aqatti ukke, ag buɗulkad menuattak huu laippu bia ewam, o waɗele batak amu, bu qak amunu uug ag ele aqadtte,” awa aum.

Eklisiastis 7:20

Wan imuppa genab tutukku hak danab daatteb, amge ag oolagppa laippu laa nug tutukkuib haaha, deɗ laa hipunin iinab hette laal ii daatte.

Rom 3:20

Ɗo nai am danab oh dilag daatte, amge danab ohnab ag pehettak ii dim lamidtteb amunu, ɗo dim lamittak kobolppa danab laippu laa Kayak amegppa genab tutukku hak danab daakkunu elele iittanab. Aɗinu? Ɗo nai am ig hipunin ihinig uhuqa megakkunu keeke iitta. Ɗo nug he, eheɗ hak ihinig miag atitte aakkuib.

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

1 Jon 1:10

Ig hipunin ii hemut akkunig dayeb amu, nai amuppa ig Kayak, Nug am hambuppuak danab akkunig. Ig anam akkunig dayeb amu, nuhig nai ihinigppa nakok laa ii daatte.