Sam 143:11 - Nobonob Baibel

¹¹ O Yawe, danab ah ag na oninnu dabmak anuqak aoglagnu amu, na da mauhpanu ehaniɗkkutnu oɗ medattem. Keeke oh na hettem amu, amuam genab tutukkuib, amu na ehaniɗppe, da uug imuppa ii daapanu unuqidttem.

Sam 143:11 ပူးပေါင်းရင်းမြစ်များ

Sam 119:107

O Yawe, da guittak naunab doottem. Na da ehaniɗppe, bau daakkulnu ame amu, na anam hekkutnu oɗ medattem.

Sam 119:25

Da gappudppa dayeye, oolppa elele iittanab iitta doottem. Na ame bia amu, na ehaniɗna heppe, da eɗue, ena daakkulnu oɗ medattem.

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Sam 119:40

Antte! Da nahip oo yaak nai ɗo bia oh dim lamidkkulnu ool huana hette. Na genab tutukku hak kobol aakkuib dim lamidttem amunu, na ehaniɗna heppe, da eɗue ena daakkulnu oɗ medattem.

Sam 119:88

Na danab ah dilagnu oo mauhaknab doottem amunu, da nahip ɗo dim lamidkkulnu na dahilnu oo mauhaknab doon heppe, da ii mauhpanu oɗ medattem.

Sam 138:7

O Yawe, uug kuɗum dahilppa bette, amge na da atognoiɗe, da ena bau daattem. Laa ag dahilnu oo aeg bak doon, kekeɗ meɗatteb amu, na ag mautadna, nahip ɠagattagppa da ehaniɗe, da padal ii mettem.

Sam 143:1

O Yawe, na da oot meɗan, dahil unuqittak imu dookkutnu oɗ medattem. Ao, da na unuqitte, dahilnu oot gai-iitta doon oot meɗan ehaniɗkkutnu oɗmak imu hettem amu, na oɗmak amu dookkutnu ool daatte. Na oo metta ii uuak kobol, amu genab tutukku hak kobol ele hettem amunu, na da oot meɗan, nai nob meɗakkutnu unuqidttem.

Sam 25:11

Da hipunin kuɗumnab hemi amunu, O Yawe, na oninnu dabmak anuqak awaknu amu, na hipunin dahil uhuqadna meɗakkutnu oɗ medattem.

Sam 25:17

Ao, na keeke oh uug meɗatteb ele heppe iitta meeb, da oolppa maɗoɗ dookkulnu unuqidttem.

Sam 31:1

O Yawe, na am padal mak eɗitta ena dayaknu ehanittak dahil daattem; na heppe, da deɗ laa uɗa nak ii doopanu unuqidttem. Ao, na genab tutukkuib hettem amunu, na da ehaniɗppe, qagaiettakppa ii daapanu oɗ medattem.

Sam 34:19

Uug kuɗum am genab tutukku hak danab dilagppa uɗitteb, amge Yawe Nug uug amu ohppan ehanatte, ag padal ii metteb.

Sam 71:2

Na genab tutukkuib hettem amunu, na da ehaniɗppe, qagaiettakppa ii daapanu oɗ medattem. Ao, na dahil unuqittak imu doon, da padal mepanu ehaniɗkkutnu oɗ medattem.

Sam 85:6

Ig nahipad danab ah, ig nahipnu oonig gamag ahakkunu amu, na baula ɠagattag iqakkutnu oɗ medattem.

Habakuk 3:2

O Yawe, da na onin, binan okkai elenu nai doomi. Ao, O Yawe, nahip haknu amu, da dabmein, da ebehil oh bodoetta le mette. Da na nahip hak okkai baula gemu hekkutnu oɗ medattem. Ao, na ihinig haenppa nahip ɠagattag hak baula ippunigkkutnu oɗ medattem. O Yawe, na ihinignu oppoɗin beum daatte, amge na oppoɗin anam dayeye, na oo gai-iitta doya oo metta ehanittak kobol ele dabmekkutnu oɗ medattem.