Sam 143:10 - Nobonob Baibel

¹⁰ Na am dahil Kayak amunu, na da nahip dabmak awak dim lamitten hekkulnu ippuniɗkkutnu oɗ medattem. Nahip Ouɗi, Nug am Ouɗi enaib amu, Nug anuqa ugakka, Nug da ib ena, tutukkuppa omaiɗkkunu unuqidttem.

Sam 143:10 ပူးပေါင်းရင်းမြစ်များ

Nehemaia 9:20

Na nahip Ouɗi, Nug Ouɗi enaib, Nug ag ulum madakkunu ag mattame. Ag ee lakkulagnu amu, na maana mattana, ag le baalag diieye, na le ele mattame.

Sam 118:28

O Kayak, na dahil Kayak, da na amenppa, “Ena hen mekkame,” akkul! Yo, na am dahil Kayak, da na binan mekkul.

Sam 119:12

O Yawe, danab ah oh ag na binan mekkulag am tutukkuib. Na nahip ɗo nai ippuniɗkkutnu ool okkai daye, oɗ medattem.

Sam 119:35

Na heppe, nahip ɗo da ib adeppa adeppa gokkulnu ippuniɗtte amu, da amuppaib gokkulnu oɗ medattem. Aɗinu? Da ib amunu enanagnab doottem.

Sam 139:24

Na appa neegna anidna, aɗi keekenu na oot ii hette amu ippuniɗkkutnu oɗ medattem. Ao, na da ib bauklel dayakppa gotte, na ib amuppa anuqna gona, omaiɗkkutnu oɗ medattem.

Sam 140:6

O Yawe, da na amenppa attem. “Na am dahil Kayak!” Na dahil unuqittak doon, dahilnu oot gai-iitta doon oot meɗan ehaniɗkkutnu unuqidttem!

Sam 22:1

O dahil Kayak, O dahil Kayak, na aɗinu da uuiɗmenu diig appe dookkulnu, na dahilppanu uma wana qagaiettakppa daapanu ii ehaniɗttemnu diig appe dookkulnu, amu na dahil gayak ii doottemnu diig ele appe dookkulnu oɗ medattem.

Sam 23:3

Nug he, da ɠagattag bau awe oittem. Nug, Nug onignu dabmak anuqak awawa, Nug omaiɗe, da ib genab tutukkuppa oittem.

Sam 25:12

Am danab ah ag Yawenu ebehilag oh bodoetta le mette ele, Nug geha ag ib attenppa oiglagoitte amu, Nug ib amu ippunadkku.

Sam 27:11

O Yawe, kekeɗ dahilad ag da heiɗppeg nauhkkulnu hetteb amunu, na da ib nahip ena ippuniɗna omaiɗppe, ib tutukkuppa gokkulnu oɗ medattem.

Sam 31:14

Amge O Yawe, da nahipnu oolppa genab doottem. Ge, da attem. “Na am dahil Kayak.”

Sam 63:1

O Kayak, na dahil Kayak, da ool unuqagppanu na anitten dim lamidkkulnu na madittem. Da na ele daagnihnu ool okkai daatte. Da meul ohppa danab nug aben le iitta, atu qaɗaiettakppa oiyaya, lenu oo daatte bia, da na ele daagnihnunab ool okkai daatte.

Aisaia 29:10

Aɗinu? ⌊Ag doonna, Yawe oɗe ii dim lamidtteb amunu,⌋ Yawe Nug he, ag niin gad metteb. Nug he, ag propet danab ag amelag gaɗuom. Ao, Nug he, ag propet danab, ag amelag hautak daatteb.

Aisaia 63:14

Makau ag oolnu noak okkai, uɗem ele, ag amuppa nona, le lawona hik aotteb, amubia Yawenu Ouɗi Nug he, danab ah amu ag hik aon daappig. O Yawe, na danab ah oh ag na anidna, na binan amahlak oppiaawak ele dabmekkulagnu na anam henana, na nahipad danab ah omaladna gome.

Maika 4:2

Danab ah wanppan wan kuɗumppanu ag ahan uɗin, akka akka mattin akkulag. “Yawe Nug nuhig ib ig ippunigkkunu, ig nuhig ib dim lamidkkunignu amu, doppeg, ig Yawenu qaukoppa tetu! Ao, ig Jakopnu Kayaknu mettid lag, ig amuppa gotu!” Ag anam aon akkulag. Aɗinu ag anam akkulag? Yawenu ɗo nai am Sion appanu aha, tuala gokku. Yo, Yawenu nai Jerusalem appanu aha gokku.

Namba 9:22

Haen lombig nug mettid haknu peh lag igippa deɗ aɗit, o iitta kalam laippu, o iitta maɗ laippu keeke daattom amu, Israel ag haen tutu dayaknu aab kalappig, ag aguppaib daadppig, ag ahan laih laa ii godappig. Amge haen lombig nug aha ukkom amu, ag ahan godappig.

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Jon 14:26

Amge ahilag Ehanittak, Kayak Ouɗi, da Mamel Nug da onilppa meeb uɗikku amu, Nug uɗia, keeke oh ippuanatta, da ag amelagppa aɗi ami amu Nug heeb, ag daulagppa dokku.

Rom 15:13

Amu Kayak Ouɗinu ɠagattagppa ag butti aɗi hab aabnu keeke aoglagnu dabmak aɗan daan autna aoglagnu, da ag Kayak, Nug am aɗi keeke oh ena bekkunu dabmak aɗa dayaknu diig, ag nuhignu oolagppa genab doobppeg, Nug heeb, ag oolagppa maɗoɗppan gamag ahak okkai, amu maɗoɗ ele naɗi daaglahnu ool daatte.

Rom 15:30

O lailad, da ag ihinig Naɗi Jesus Kristusnu, amu Kayak Ouɗinu oo mauhak ihinignu dootte, amu ele dabmebeppeg, ag da aɗi aɗi uug maottem ele, ag da ele ig oh ig Kayak dahilnu unuqidkkunignu ahilkad dabmak maɗedattem.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Rom 8:26

Kayak Ouɗi Nug ele ig danab ig ɠagattag iitta ehanigtte. Ig aɗi keekenu unuqidkkunig amu, ig ii doottem, ig oonigppaib gaattem, ig miag matulta ii attem, amge Kayak Ouɗi Nug ig ehanikka, ihinignu Kayak unuqidtte.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

2 Timoti 1:7

Kayak Nug ig Jesusnu oonigppa genab doottem ele, Nug nuhig Ouɗi ig mekkom, amu nuhig Ouɗi Nug danab nug baɗa nukka nuhignuib dabmak aotte, Nug dabmak amu ig ii mekkom. Iitta. Nug ig ɠagattag daagnignu, ig oo mauhak doognignu, amu ig dabmak pehettak awaknu ehah ele aognignu, Nug dabmak amu oh ig mekkom.

1 Jon 2:27

Amge ag Kristus eppegppanu Kayak Ouɗi aoppig, ag oolagppa ele daatte amunu, auntai laa nug ag keeke laa ippunadkkununab ii daatte. Aɗinu? Kayak Ouɗi, Nug keeke ohnu diig tutukku ippunadtte, Nug am genabib ippunadtte, Nug hambuppuak laa ii ippunadtte amunu, Nug ag ippunadtte amu, ag amu dim lamidna, Kristus ele laippu dayeg!