Sam 142:3 - Nobonob Baibel

³ O Yawe, da oolppa elele ii doottem haenppa amu, ib da gottem ele, na ib amu doottem. Amu ib da gottem ele, amuppa danab ag da aɗailkkulagnu pelem laa lokkumna meppig daatte, ⌊amge na amunu aben ele doottem⌋.

Sam 142:3 ပူးပေါင်းရင်းမြစ်များ

Job 23:10

Da Nug ii anidttem, amge Nug da ib attenppa oittem amu, Nug dootte amunu, Nug ma anttak elele meɗa maleb, da enanag bein daakkul; da danab nug he, gol enanag ba daatte, da gol amubia enanag bein daakkul.

Sam 1:6

⌊Nau hak danab ag anam aakku daaglag.⌋ Aɗinu? Yawe Nug genab tutukku hak danab ah atognoadtte, amge nau hak danab ag padal mekkulag.

Sam 102:1

O Yawe, na dahil unuqittak dookkutnu oɗ medattem! Da nahipnu ebippi dookkutnu unuqidttem!

Sam 102:4

Dahil uttu taub am oɗe ele, gikkiɗah le iittanu qaɗaiedatte bia daatte amunu, da ee laa lakkulnu enug ii iwe ii lattem.

Sam 140:5

⌊O Yawe, na da ehaniɗkkutnu oɗ medattem.⌋ Dada hak danab ag da aɗailkkulagnu pelem meppig daatte. Ao, ag da uhui laappa nokkulnu meppig daatte. Ag da ippulppa pelem maadppig daatteb. Sila.

Sam 141:9

Nau hak danab ag da uhui laa, da amuppa nokkulnu meppig amu, na heppe, da awaitten daakkulnu oɗ medattem. Ao, laa ag nau hetteb ele, da ahilag pelemppanu awaidkkulnu unuqidttem.

Sam 143:4

Ag anam hetteb amunu, da eɗuen, ena bekkulnu dabmak aɗe oikkulnu ii doottem bia oittem. Ao, da ool uug qak nau doottem.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 22:14

Am danab laa nug le gokkaɗe ukkom bia, da mauhkkulnu male daattem. Da ebehilad oh am autak daatteb. Da oolppa ɠagattag iittanab. Ao, uppuh teɗ gakkaɗakppa le mette bia, da ool ɠagattag iitta daatte.

Sam 31:4

Doɗ pelemppa ta daatte bia, kekeɗ dahilad ag da iuglagnu hetteb. Anam, amge na am padal mak eɗitteb ena dayaknu ehanittak dahil daattem amunu, na da pelemppanu uhuqiɗkkutnu oɗ medattem.

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Sam 61:2

Uug da toniɗtteb amunu, wan batakppa appanu da na ehaniɗkkutnu unuqidttem. Ao, da oolppa elele iitta doyeye, na ehaniɗkkutnu oɗ medattem. Ge, danab nug men hume taknab naɗi attan daatte, kekeɗ ag nug guittak mettaglagnu ib iitta, nug ena daatte, amubia amu, na dahil men naɗi bia daakkutnu ool daatte.

Sam 62:9

Danab onilag iitta, ag am keeke hamu, ulah bia daatteb. Danab ag onilag ele, ag am keeke ii daatte bia daatteb. Laa nug ag oh ag uulag anidkkunu skelppa maatta neekka, nug skelppa aɗitai keeke laa ii daatte anidkku.

Sam 77:3

Da aiqagekke, Kayaknu dabmettem. Ao, da ɠagattag dahil iitta meeme, nuhignu dabmettem. Sila.

Jeremaia 18:22

Danab amu ag da awiɗkkulagnu pelem heppig. Ao, ag da pelem ahilagppa tekkulnu ag uhui aakku meppig. Anam amunu, na heppe, kekeɗ ag eheɗ hattaglagnu laippun uɗippeg, danab da kekeɗ meɗappig ele ag lakka daanna, gaaglagnu oɗ medattem.

Gayak Nai 2:19

Juda danab ah ag tuqan, aɗi uɗitte anttak danab ag ahilag uɗat digmetteb haenppa ag ahan, Kayak huana unuqitteg! Le gokkaɗa gotte, amubia ag Naɗi noobppa Nug unuqitteg! Ag ahilkad nid naunau enugnu aabnu ib ukkak ohppa nena qena, mauhkkulagnu hetteb ele amu; ag ahilagnu ag eppelag human, Nug unuqitteg!

Matyu 22:15

Jesus Nug nai amu mattia male, ɗo gumak danab-Parasia ag ahan, laih gona, ag attem heppeg, Jesus Nug nai eheɗ laa ab, ib anidna heppeg, ɗo danab Nug aɗaglagnu nai madippig.