Sam 141:3 - Nobonob Baibel

³ O Yawe, na da ehaniɗppe, na oot daatte biaib nai madikkulnu oɗ medattem. Am da bakkum daakkulnu daatte haenppa da nai madipanu ehaniɗppe, da ii madipanu unuqidttem.

Sam 141:3 ပူးပေါင်းရင်းမြစ်များ

Sam 34:13

na aɗi attem amu, na amunu pehettak dabmena, nai eheɗ aib mattime! Ao, nai hambuppuak laa aibnab aib mattime!

Sam 39:1

Am da dakka da dahilnu ami. “Da dahil oiyak dabmetten, oɗelppa da hipunin hepanu da nai mattiak dahil ele atognoin aute aokkul. Da aɗi nai akkul amu, haen nau hak danab ag taliliɗak daappeg, da dabmein aute awewe, nai akkul.”

Sam 39:2

Da anam dakka dahilnu ami amunu, ⌊nau hak danab ag gukkuiɗna daaegeg,⌋ da nai laa iinab mattimi, ⌊amge da ag nai appig daulib doomi.⌋ Da nai ii mattimi, amge amuppa da oolppa uug beum. Da anam heiyi, uug da oolppa dayaya, okkainab meum.

Sam 71:8

Da na binan mettem. Yo, da nahip binag amahlak oppiaawak ele deɗ oh amun tuqan ele, da amunu oɗelppa madittem.

Maika 7:5

Nid danab nug mameg awa awa qedatte. Ah aɗeg nug anig ele dabmak laippu iitta, aɗeg nug anig ele aa oolah laippu iitta daattep. Ahipa bau nug ahipa kaino ele dabmak laippu iitta, ahipa bau nug ahipa kaino ele aa oolah laippu iitta daattep. Danabnu kekeɗ ag nug baekkudppan danab ah daatteb amunu, ag ahilag mudippan laippu laanu aib oolagppa genab doon, “Nug dahilppanu eheɗ laa ii hema,” aib dabmeppig. Ao, laa nug layagnu, “Nug am da layal, nug da ehaniɗkku,” aib dabmeum. Na waat ele nai mattiglah dayeb, o na gamut ele nai mattiglah dayeb amu, na tutukku dabmenana madikkut; hamu hamu dabmak iitta eleppa aib mattime.

Jems 1:26

Am danab laa nug, “Da amu Kayaknu danab ena, da hanhan genab Kayak binag mettem,” awa akkutai, amge nug oɗe ii atognotte dayeb amu, nug nukka oo buppuidtte amunu, Kayak binag mak nuhig am keeke hamu.

Jems 3:2

Am ig oh haen kuɗum taataɗ qettak hettem, amge danab laa nug nai mattiak nuhigppa eheɗ laa ii hette dayeb amu, nug danab elelenab; nug nuhig meu oh ena atognokkunu elele.