Sam 141:2 - Nobonob Baibel

² Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

Sam 141:2 ပူးပေါင်းရင်းမြစ်များ

1 King 18:36

Amu tueb me, mana mettak haknu haenppa, propet Elaiya nug qaɗab guguitta wana, nug unuqitta, nug inam aum. “O Yawe, na am Abraham, Aisak, amu Israel ele dilag Kayak, na gemu deɗ imuppa na nakkaib Israel ippa Kayak daattem amu, na danab ah imu ippunadkkutnu, da na oɗ medattem. Laa amu, danab ah ag da am nahip maɗi nid, da nahip haknunab nai dim lamitte, keeke imu oh hemi amu, ag amu anidna dooglagnu ele ippunadkkutnu, da oɗ medattem.

Esra 9:4

Da eheɗ nau doyen, dabmak huanak awewe, da heɗep nein daaiyi ukke ukke, tueb hanhan doɗ laa main Kayak medatteb, haen amu uɗie, da eɗue ahe daami. Amge haen da heɗep nein daaiyi, danab ah laa ag Kayaknu ebehilag oh bodoetta le mette ele, ag Israel danab ah Kayak ippunikkomnu oo metta ii uuak kobol ii dim lamidna oittebnu uug doon, ag diig amunu ag uɗin, da taliliɗna daappig.

Sam 134:2

Genab, ag nuhig mettid lagppa ag eppelag humana, Yawe binag meig!

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Sam 63:4

Da bau daattem haen imuppa, na amenppa, “Ena heme,” awe akkul. Da eppel hume, na unuqidkkul.

Eksodas 29:39

Sipsip laa amu, ag buttua main, da meɗona, laa am tuebnab ag main, da meɗaglag.

Eksodas 35:15

Laa amu, kalu muttuɗig enanag ileb baknu qaɗab, amu qaɗab amu mawaknu tuqai aɗit, laittaknu goɗen, amu kalu muttuɗig ena ele, am lamen mettid haknu peh lag odppa aihak daakkunu ele.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Daniel 9:21

haen amuppanab Gabriel, nug pahanab hagagaɗa, gumiɗa uɗiom. Nug da laa anukka tuleglegppa anidmi, nugib aakku. Nug mana mettak danab hanhan tueb meeme, doɗ laa manan, Kayak medatteb, nug tueb haen amuppa dahilppa uɗiom.

Malakai 1:11

Aɗinu? ⌊Da ahilag mana mettak ii aopanu uug laa ii doottem.⌋ Aam bedeppan ukka aam nodeppa da onil am binag ele daakku. Da onil am binag ele daakku amunu, danab ah ag kalu danab ile muttuɗig enanag bette, amu doɗ tutukku ele manan, da meɗaglag,” Yawe Nukka Ɠagattag Oh Ele Nug anam atte.

Namba 16:35

Amu ag wan ooppa noeg, Yawe Nug he, danab 250 ag kalu danab ile muttuɗig enanag bette ele maippig, ag aab ewatte mauhppig.

Aposel 3:1

Haen amu deɗ laa Pita, Jon ele aa tueb, aam ameg ewamppa, unuqittak haenppa Kayaknu mettid lakka unuqidkkulahnu gopiɗ.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

Revelesen 5:8

Nug buk itoɗiak amu awe, hab daup waɗele Kayaknu bauklel aotteb ele, aria ikki danab 24 ele ag Sipsip Nag noobppa dup noppig. Ikki danab oh ag am harp aɗualadnana, ag ele tappiɗ golppa hattak, kalu danab ile muttuɗig enanag bette ele tappiɗppa ambak ele, amu eonna, muttuɗig oegeg aɗualadna daappig. Kalu amuam Kayaknu danab ah oppiaawak ele dilkad unuqittak aakku.