Sam 140:2 - Nobonob Baibel

² Danab ag laa guittak nau mauhnoak madatteb ele, ag oolagppa nau hekkulagnu maittak aotteb. Deɗ ohppa ag uug heeg bette.

Sam 140:2 ပူးပေါင်းရင်းမြစ်များ

Sam 120:7

Da maɗoɗ daagnignu aiyi, ag bannu aakkuib maditteb.

Sam 21:11

Amu nahipad kekeɗ ag ib digdigppa eheɗ nau heidkkulagnu maidkkulag. Ao, ag anam maidkkulag, amge dabmak nau ahilag amu meu ii oma.

Sam 36:4

Tuqan niiak haenppa, ag kobol nau attemnab hekkulagnu dabmak aonna, niiak elele ii niitteb. Ag hak ena laa iinab hetteb. Ag kobol nau aakkuib hetteb.

Sam 38:12

Kekeɗ dahil ag danab laa nug pelem doɗ aɗeb qekkunu mette amubia, ag dahilppa anam bia hekkulagnu hetteb. Ao, danab ag da guittak meɗaglagnu hetteb amu, ag mattiak hena, ag eheɗ nau heiɗkkulagnu maidtteb. Ag deɗ oh amun tuqan ele amu hambuppuak nai maditteb.

Sam 56:6

Ag qagmena, ag dahilppa eheɗ nau hekkulagnu mattiak aotteb. Ag eheɗ heiɗkkulagnu meiɗna daatteb. Da aɗi keeke hettem amu, ag neegna autna aotteb. Ag da iuglagnu hetteb.

Sam 59:3

Aɗinu? O Yawe, antte! Danab ag da niɗaglagnu meiɗna hetteb. Danab ag lailkad aqaglagnu tiilagppa daatte ele amu, da ahilagnu hipunin laa, o eheɗ laa ii hemi, amge ag attem hena, da niɗaglagnu maittak aotteb.

Sam 62:3

Ag dahilad kekeɗ, ag da banel uɗitteb; amu haen gane laa ele ukkeb, ag amu uuglag? Da am danab dakka laippuib, amge ag kekeɗ dahilad ag am kuɗum, ag ohnab ag da iuglagnu hetteb. Da am gilil beɗak bia, o da aɗ oɗaɗittak daatte bia daattem, aakkuib.

Prowerb 12:20

Danab ag eheɗ hekkulagnu maittak aotteb amu, hambuppuak ag oolagppa daatte; amge laa ag maɗoɗ bekkun hetteb ele amu, gamag ahak ag oolagppa daatte.

Hosea 7:6

King laikkud amu, ag king nuhigppa kobol nau, aab ewak naɗi bia oolagppa dabmetteb amunu, ag king doomanu henan, nug gumidna gotteb. Ge, tuqan ag dabmeegeg ukke, buttua laippun hetteb; aab tuqan nakok nakokib ewe ukke, wagɗe aab baula mak dimppa huana eotte, amubia.

Nahum 1:11

O Niniwe danab ah, ahilag okkai laa nug Yaweppa eheɗ hekkunu maittak awom daatte. Ge, nug laa nug ehanidppeppeg, ag nau hekkulagnu atte.