Sam 140:13 - Nobonob Baibel

¹³ O Yawe, genab tutukku hak danab ah ag na amenppa, “Ena heme,” akkulag. Ge! Genab tutukku hak danab ah ag na noomppa daaglag.

Sam 140:13 ပူးပေါင်းရင်းမြစ်များ

Job 36:6

Nug he, nau hak danab ag bau ii daatteb; Nug laa ag onilag, enulag ele iitta, Nug ahilagnu nai doya mala hettoɗia epeɗia elele mettak kobol dim lamidtte.

Sam 11:7

Aɗinu? Yawe Nug genab tutukku hak kobolib hette. Ao, Nug genab tutukku hak kobolnu oo mauhtte. Ge, aun aɗi ag kobol tutukku hetteb, ag geha Nug iɗu anidkkulag.

Sam 16:11

Na bau dayaknu ib da ippuniɗme. Ao, na da ele daattep amunu, da maɗoɗppan gamag ahak okkainab doottem, Ge, haen da na eppen naɗiap-ppa dayeye, da enanag doottem, hanhan anam dookkul.

Sam 23:6

O Yawe, da doottem! Nahip ena hak, amu nahip oo mauhaknab kobol ele am dahilppa dayebeb ukkeb, da mauhkkul. Na tuqana ii aomna, amu da na, Yawe, na lautppa hanhan daakkul.

Sam 32:11

Amunu ag genab tutukku hak danab ah, ag Yawe Nug aɗi keeke ena oh heum, ag amunu oolag ena doon, oolag gamag ahaɗ! Ao, ag genab tutukku hak danab ah, ag oo gamag ahak okkainab doon ahi etteg!

Sam 35:10

Yawe, da na binan meul ohppa ele hume akkul, “Yawe, auntai na bia laal iitta. Na danab ag ɠagattag iitta ele ehanatte, ag danab ɠagattag ele amu, ag ag eppelagppa ii daatteb. Ao, na he, laa ag daɗek danab, danab ah keekenu tutu mak ele, ag amu dilag keeke yab aoglagnu hetteb amu, na he, ag amu hekkulagnu elele iitta daatteb. Daɗek amu ag laa eppelagppa ii daatteb.”

Sam 73:24

Na nahip ulum nai, da ib ippuniɗkkunu meɗattem, amu dimppa na omaiɗna gona, aben binag amahlak oppiaawak eleppa meiɗppe daakkul.

Sam 97:12

Aun aɗi ag genab tutukku hak danab ah daatteb, ag Yawenu oolag gamag ahaɗ! Ao, ag Kayak, Nug oppiaawak ele, ag Nug binag meig!

Prowerb 22:23

Aɗinu? Yawe Nug daɗek ehanadkku; Nug danab ag daɗek eheɗ hadatteb ele, Nug ag eheɗ hadakku.

Aisaia 3:10

Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.

Jon 14:3

Da ukken, ahilag aben babaittoya, ag da daakkulppa da ele daagnignu da eɗuen uɗien, omalatte gokkul.

Jon 17:24

Mame, danab na da meɗame amu, haen da binag amahlak oppiaawak ele daakkul, haen amuppa ag da ele aben amuppa daagnignu ool daatte. Ag da binag amahlak oppiaawak ele anukka wan ii dayomppa na dahilnu oot mauhom, gemu ele oot mauhtte amunu, na da meɗame amu, ag amu anidkkulagnu ool daatte.

1 Tesalonaika 4:17

Kayak Nug heeb, ag eɗun hippaidppeg, ig laa oh bau daagnig amu, ig ag ele oh lombigppa teta, appa Naɗi Jesus ele nug uɗa teta tamanit, Nug ele hanhan daagnig.