Sam 14:3 - Nobonob Baibel

³ Nug neegtte, amge Nug auntai anam laa heehe ii anidtte. Ag oh am Kayak dimedappig. Ag oh diilkad ena iitta. Laippu laa ena ii hette. Iittanab!

Sam 14:3 ပူးပေါင်းရင်းမြစ်များ

Genesis 6:12

Danab ah ag kobol nau uɗig wak ele henan daappig amunu, Kayak Nug neekkakka, Nug danab oh ag akka ahilag dabmak dim lamidnana, kobol nau uɗig wak eleib heegeg anttom.

Job 14:4

Danab laa nug heeb, keeke dubuttid ele eɗua, oppiak ele daakkun elelete? Iitta!

Job 15:16

Nug ig danab, ihinig kobol am uɗig wak ele, ig hipunin hettem amu, Nug ihinignu ig eheɗ laa ii hematanu, ig oppiak ele daagnignu ooppa genab iinab dooma. Ge, ig danab, ig laa le baag diie, le huana latte, ig amubia eheɗ huana hettem.

Sam 119:176

O Yawe, da sipsip laa qettoɗom bia, da yawaiye oimi, amge da nahip ɗonu ii daul atitte amunu, na uɗin, na da, nahip maɗi nid, na da mattiɗna awiɗkkutnu oɗ medattem.

Sam 14:1

Am danab ag Kayak dab-ii-menan ii dim lamidtteb ele ag akka ag oolagppa, “Kayak laa ii daatte,” atteb. Danab amu ag diilkad ena iitta, kobol ag hetteb am kobol uɗig wak ele. Auntai laa ena ii hette!

Sam 143:2

Auntai laa na noomppa hibaitta, “Da genab tutukku hak danab daattem,” akkunu elele? Iitta amunu, na da, nahip maɗi nid, na da nahip hettoɗiakppa ii meiɗmananu oɗ medattem.

Sam 38:5

Da Kayak dab-ii-maama hak kobol dim lamitten, da hipunin hemi amunu, ihilad yu nak, uɗig wak ele da beɗul iuppig daatteb.

Sam 58:3

Nau hak danab ag anilkad menuatteg dona, ag laippun ib apiɗidna, nauhtteb. Yo, ag anilkad oolkadppan donana, ag ib apiɗidna, hambuppuak nai maditteb.

Eksodas 12:30

Aria, tuqan amuppaib Paro, nuhikkud ehanittak anuqak danab, amu Isip laa oh ele ag tuqan ahan, ag ahilkad nid ⌊danab⌋ tatamnu mauhatteg anadna, laih Isip ohppa amu, danab ah ag qanak huanak naɗi heppig. Aɗinu? Lag anen anen ohnu nid ⌊danab⌋ tatamnu mauhadppig.

Eksodas 8:31

Moses unuqitte, Yawe Nug Moses oɗ metta aumbia, anam Nug heum; qid oh Paro laugppanu, nuhikkud ehanittak anuqak danab laulkadppanu, amu danab ah nuhikkud laulkadppanu ele ahan goppig, laippu laa ii dayom.

Eklisiastis 7:20

Wan imuppa genab tutukku hak danab daatteb, amge ag oolagppa laippu laa nug tutukkuib haaha, deɗ laa hipunin iinab hette laal ii daatte.

Eklisiastis 7:29

Imuib da mattie antten malami. Kayak Nug danab he, ag genab tutukku hak danab daappig; amge danab ag dabmak nau kuɗum dim lamidna, gemu ag eheɗ oitteb,” awe attem.

Aisaia 53:6

Ig danab ah oh ig sipsip matatun gona, padal metteb, ig amubia ib apiɗidta, matatut gomut. Ao, ig anen anen oh ig ihinig dabmak dim lamidkkunignu hemut. Ge, ig anam hemut, amu Yawe Nug ig danab ah oh, ihinig hipunin amu, Nug nuhig maɗi nid, nug amu maokkunu nuhigppa meum.

Aisaia 64:6

Ig oh am oonigppa dubuttid ele na noomppa bemut daattem Keeke oh ig hetata, ihinig dabmakppa, ig kobol amunu am genab tutukku hak kobol doottem ele, keeke amu oh am lamen qatti dubuttid naunab ele bia na amenppa anidttem. Ig am ad uɗug mauɗna qaɗaiedatteb bia hettem. Ao, ulah ad uɗug bunaɗak iwale gotte, amubia hipunin ihinig he, ig iitta mettem.

Jeremaia 2:13

Aɗinu? Danab ah dahilad, ag hipunin ib aɗit iikku heppig. Laa ag da, da am le bauklel diig amu, ag da uuiɗna, piɗe wana oitteb. Aria, laa amu, ag akka ag le aoglagnu wan moɗ buuppig. Ag amuppa le aoglagnu simen aɗappig, amge simen am aoɗom, le moɗ amuppa le daakkunu elele iitta.

Esekiel 36:25

Ag wan ahilagppanab daappeg, da le oppiaawak ele awen, ahilagppa tauɗppi ag oppiaawak daaglag. Da heppi, dubuttid, da noolppa daakkun elele iitta ahilagppa laa ii daama; ag baula kayak hambuppuak dottolkad noolagppa dup nona binalag ii memana.

Rom 3:23

Aɗinu? Ig danab oh ig hipunin hemut amunu, ig Kayak Nug ihinignu ig attem daagnignu dabmeum amu, ig amubia laa ii daattem.

1 Korint 6:5

Da nai imu attem amu, ag uɗalag neeb kobol tutukku hekkulagnu attem. Ag oolagppa danab laa, nug danab aɗit dilah nai epeɗikkunu doyak dabmak ena ele laa iittate?

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

Duteronomi 1:35

“Ag aun aɗi ag naittuɗ meppig ele, ag menuattak huu laippu bia, ag nau hetteb ele amu, ag oolagppa laippu laa nug geha wan ena da ag mamelkad aɗi madakkulnunab nai ɠagattag qetten ami ele amu, nug am bau dayaya, ii anidma.