Sam 14:2 - Nobonob Baibel

² Yawe Nug hab attan dayaya, danab ah oh neekkadtte. Ao, Nug neekkattatta, laippu laa nug diignu doyak tutukku elete, o iittate anidkkunu neegtte. Ge, Nug laippu laa nug Kayak antta dim lamidkkunu madittatta anidkkunu neegtte.

Sam 14:2 ပူးပေါင်းရင်းမြစ်များ

Genesis 11:5

Danab ag anam heegeg amu, Yawe Nug ahilag aab okkai, amu lag attan ta ukkak ahilag ele anidkkunu neum.

Genesis 18:21

amunu, da noin anidkkul. Da ag hipunin naunab huanak hetteb nai doomi ele amu, nai amuam genabte o iittate. Iitta amu, da dookkul,” awa aum.

Genesis 6:12

Danab ah ag kobol nau uɗig wak ele henan daappig amunu, Kayak Nug neekkakka, Nug danab oh ag akka ahilag dabmak dim lamidnana, kobol nau uɗig wak eleib heegeg anttom.

2 Stori 19:3

Na nau amu heme, amge na ele he, Juda wanppa kayak hambuppuak Aserah dabmekkulagnu biidod ii daatte, na ele meut ohppa Kayak anidna dim lamidkkutnu Nug madittem amunu, Nug nahip ena hak laala amu ele anidtte,” awa aum.

Job 15:14

⌊Na, ‘Da beɗulppa aab iitta,’ attem, amge⌋ danabnu amu, laa nug oppiak ele daakkunu elelete? Ge, laa ah oolkadppanu dotteb ele oolagppan laa nug genab tutukku ele hak daakkunu elelete?

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 69:32

Amu danab ah ag akka ag onilag qeeg ne oitteb ele amu, ag amu anidna, ag oolag gamag ahakku. Ao, ag laa ag Kayak anidna dim lamidkkulagnu Nug maditteb ele, ag amu anidna, ag oolag ɠagattag qedakku.

Sam 82:5

⌊Epeɗiak danab nau dilagnu amu, Kayak Nug atte⌋. “Ag am keeke laa iinab dootteb. Ag keeke laanu diignu doyak tutukku laa iitta. Ag eheɗ hetteb amunu, wanppan ɗo, wanppan uug mawaknu ukku ele ɠagattag dayaknu elele iitta, keeke oh uɗaltte.

Sam 92:6

Am danab ah ag dabmak pehettak ii aon oitteb ele ag imu ii dootteb. Ao, danab ah ag Kayak dab-ii-menan ii dim lamidtteb ele ag dabmak imunu diignu doyak tutukku laa iitta.

Prowerb 2:9

Yawe amu hette amunu, ⌊na nuhigppa doyak dabmak ena aokkut dayeb,⌋ na geha kobol tutukku, nai doya mala hettoɗia epeɗia elele mettak kobol ele dookkut. Na geha aɗi ib am ena, na amu dookkut.

Prowerb 8:5

Ag laa ag doyak ii awak ele amu, ag ⌊dahilppanu⌋ eheɗ bemanu dabmak awa dabmak amu dim lamittak kobol doon aon oiyeg! Ao, ag laa ag dabmak tutukku iittappa keeke hetteb ele, ag diignu doyak tutukku aweg!

Prowerb 9:16

laa amu ag epeɗia ha dabmak ena awak kobol ii dootte ele, nug ag amelagppa ⌊hambuppua,⌋ atte. “Ag laa doyak ii awak ele, ag uɗin, dahil nai doyeg!

Prowerb 9:4

Nug aun laa nug epeɗia ha dabmak ena awaknu kobol ii dootte ele amu, nug nug amegppa atte. “Aun laa nug doyak ii awak ele amu, nug dahilppa uɗiaɗ! Genab, nug ippa uɗia, ee dahil, wain ele bapaidmi imu lanaɗ!

Aisaia 27:11

eppeg qaɗaiedappeg, ah ag uɗin, qiin aon gona, aab ilaglag. Aɗinu ⌊uug amu Israel dilagppa bekku⌋? Israel danab ah ag diignu doyak tutukku am iitta ele. ⌊Ag Yawe uun oitteb.⌋ Anam amunu, laa Nug ag hattom ele, Nug ahilagnu oo ii mattama. Ao, laa Nug ag daaglagnu hattom amu, Nug ahilagnu ena ii doya, keeke ena ii mattama. Iitta.

Aisaia 55:6

Gemu ag Yawe anidna dim lamidkkulagnu mattiglagnu elele daatteb amunu, ag Nug anidna dim lamidkkulagnu Nug mattieg! Ao, gemu, Yawe Nug ag gukkuattak daatte amunu, ag Nug unuqitteg!

Aisaia 63:15

O Yawe, na hab attan daattem. Na daattemppa amu, aben amuam oppiaawak ele, am binag amahlak oppiaawak ele. Amu na neegppe neeb, ⌊uug nau digdig ihinigppa bette⌋ anidkkutnu oɗ medattem. Na anukka nahip ɠagattag okkai eleppa ehanigme amu, gemu na anam ehanigkkutnu yag-nab-bak anukka doome bia iitai doottem? Na anukka ihinignu kobol qinonob hak ele, oo bodoetta le mak kobol eleppa ehanigme, amge gemu na anam bia ii hettem.

Aisaia 64:1

O Yawe, qauko ag na noomppa uɗalkkulagnu, nahip kekeɗ ag na onin dooglagnu, wanppan huu anen anen laih laih daatteb ag na noomppa daan hahaɗkkulagnu, na hab matulna nelom am ena.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Jeremaia 4:22

Amu Yawe Nug atte. “⌊Imu bekkunu diig am,⌋ dahilad danab ah ag da dab-ii-meɗan ii dim lamiɗtteb ele. Ag da ii dooiɗtteb. Ag nid naunau, kaaka hetteb bia hetteb. Ag diignu doyak tutukku laa iitta. Ag eheɗ hekkulagnu doon autna aotteb. Ag ena hekkulagnu ib ii dootteb,” awa atte.

Jeremaia 5:1

Amu Yawe Nug aum. “Ag Jerusalem ooppa ib ohppa oinna, aab amunu qagmak abenppa ele oinna, tutukku neekkeg! Ag anam hena, ag ⌊danab ah aab okkai amuppa wan imunu hakib henan daatteb, ag oolagppanu⌋ danab, o ah laippu laa nug genabib hak kobol hette, nug doyak diig genabib anidkkunu mattiak hette ele, na amu laippu laa anidkkut dayeb amu, da aab okkai amu heppi ii nauhma.

Gayak Nai 3:50

Da amel leb anamib naan dayeb ukkeb, Yawe Nug hab attannu neekkeb neeb, anikka ehanikkeb batak.

Daniel 12:10

Laa kuɗum Kayak Nug uug bekkulagppa heeb, ag oppiaawak, dubuttid iitta, ahilagppa eheɗ nakok laa ii daama, ag anam daaglag. Ag enanag anam daaglag, amge nau hak danab ag tuɗidna, nau hekkulag. Nau hak danab ag ⌊nai amunu meu, Kayaknu hak ele⌋ diignu doyak tutukku ii aomna, amge danab ah doyak dabmak ena ele, ag diignu doyak tutukku aoglag.

Matyu 13:15

Aɗinu? Danab ah imu ag oolag ɠagattag eppom. Ag daulagppa dooglagnu nakokib elele. Ag amelag heeg amuhak daatte. Amu iitta daalo, ag amelagppa keeke anidna, daulagppa nai doonna, ag nai diig oolagppa tutukku doona, ag eɗun dahilppa dokkulagtai. Ag anam hekkulag dayeb amu, da heppi, ag ena daaglag.” Aisaia nug anam yom.

Rom 3:11

Danab laippu laa nug diignu doyak tutukku ele iitta. Amu danab laippu laa Kayak madikkunu ii hette.

Hibru 11:6

Danab laa nug ooppa genab ii dootte ele amu, Kayak Nug nuhignu oo ena dookkunu elele iitta. Aɗinu? Danab ag nuhigppa wakkulagnu oolag hette amu, ag Kayak Nug daatte, amu danab ag oolag unuqagppanu Nug mattin oitteb ele, Nug ag nob ena madatte oolagppa genab dooglagoitte. Ib laa iitta.