Sam 135:6 - Nobonob Baibel

⁶ Yawe Nug habppa, wanppa, yuppa, amu yu unuqagppa ele aɗi hekkunu dabmette amu, Nug hette.

Sam 135:6 ပူးပေါင်းရင်းမြစ်များ

Job 42:2

“Da doottem, na keeke oh hekkutnu elele. Na keeke laa hekkutnu maittak aome dayeb amu, laa nug heeb, na ii hemananu elele iitta.

Sam 33:11

Amge Yawe Nug aɗi keekenu maittak aotte amu, keeke amuam ɠagattag hanhan daatte. Yo, Nug aɗi keekenu oo unuqagnab, amuppa maittak aotte ele amu, keeke amuam ɠagattag hanhan dayaya bette.

Aisaia 46:10

Da digmak haenppa keeke laanu gogppa tak haenppa bekku amu hei, miag atitte. Da anukkanab aɗi keeke butti aɗi bekku ai dooppig. Da attem. ‘Da aɗi keeke dabmein attem amu, da hei bette. Da aɗi oh hekkulnu hettem amu, da hekkul.’

Daniel 4:32

Laa ag lamidppeg, na danab ah ii daattebppa, appa doɗ dakkuɗ ele daaglag. Daan, na makau gikkiɗah latteb bia gikkiɗah lakkut. Maɗ eblaih aɗit ele na anam daappe ukkeb, na Kayak Attannab Laa Oh Eɗattak Nug wanppanu ɗo maɗoɗ oh gumadtte, Nug aun ahilag okkai daakkunu oo he, king abenabppa mette doon, dabmak amu tutukku doon elele aɗan oikkut, dimppa am na eɗun ena daakkut,” awa aum.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Amos 4:13

Yawe Nug anam attenu diig am, Nugib am laa qauko heum, Nugib am laa Nug he, ulah iwala oitte, Nugib am laa Nug dabmak nuhig danab ah ippunadtte, Nugib am laa Nug he, aam bette haenppa gatatu nette, Nugib am laa Nug qauko attan igippa ele oitte; Nugib am laa Nug keeke amu oh hette. Nug am Yawe Kayak Nukka Ɠagattag Oh Ele. Nug onig am aakku.

Amos 9:6

Naɗi, Nug Yawe Nukka Ɠagattag Oh Ele, Nug lag enanagnab, attan tak nuhig hab attan appa batak babaittom; lag amunu men ukku wanppa daatte. Nug yuppan le ita, wanppa gokkaɗe, le amu wan tonatte. Nug onig am Yawe.

Matyu 14:25

Anam he ukke, buttuanab 3 kilok ukka 6 kilok batak, haen gamag amuppa Jesus le qaɗeppa tappa, nuhikkud ippunittak awak danab gumatta ukkom.

Matyu 28:18

Anam heegeg, Jesus Nug ag gumatta doa, amelagppa aum. “Kayak Nug da keeke oh wanppanu, habppanu ele ikkilag daakkulnu meiɗom