Sam 132:14 - Nobonob Baibel

¹⁴ Nug aum. “Aab amuam da aguppa hanhan daakkul. Ao, da aben amuppa daakkulnu ool daatte amunu, da appa daakkul.

Sam 132:14 ပူးပေါင်းရင်းမြစ်များ

Sam 132:8

Am ig amut. “O Yawe, na ahan, lag bau nahip imuppa uɗin daakkutnu oɗ medattem; na amu nahip Tituanak Nainu Kunup, kunup amuam nahip ɠagattag okkainab ippunigtte amu, na kunup amu ele aguppa daakkut.

Aisaia 12:6

O danab ah Sion daatteb, Israel dilag Kayak Oppiaawak Ele, Nug nuhig ɠagattag okkaippa ag ehanatta, atognoadtte amu, Nug ag oolagppa daatte amunu, ag baalag okkaippa enan, ag gamag ahakppa ele ahi etteg!

Sam 135:21

Yawe Nug Sion appa daatte. Ag Sion daatteb amu, ag Nug binag meig! Ao, Nug Jerusalem daatte. Ag Nug binag meig! Ag Yawe binag meig!

Sam 87:2

Nug aab okkai Sion, aab amuam aab okkai laa oh Israel ooppa daatteb eɗattak amu, nug aab amunu oo mauhtte.

Sam 76:2

Jerusalem amu, Nug appa daatte. Yo, qauko Sion am Nug appag.

1 King 8:13

Solomon nug danab ah amelagppa anam awowa amu, nug nai tuɗitta, Yawe amegppa inam unuqittom. “O Yawe, gemu amu, da genab mettid lag enanag nahip, na haen oh imuppa daakkutnu iikku hemi,” awa unuqittom.

Sepanaia 3:17

Yawe, ahilag Kayak, Nug ag oolagppa daatte; Nug am ban danab ɠagattag, Nug hanhan nuhikkud ehanatte, ag kekeɗ eɗadtteb. Yawe Nug ahilagnu enanagnab dookku. Nug ahilagnu oo mauhtte, amu amuppa ag maɗoɗ aoglag. Ge, Nug ahilagnu oo gamag ahebeb, ahi edakku,” aon akkulag.

Aisaia 8:18

Aria da, amu nid naunau, Kayak Nug da meɗom ele amu, da ag ele ig iikku daattem. Am Yawe Nukka Ɠagattag Oh Ele, Sion qaukoppa daatte ele, Nug am Yawe, Nug ig otikka, Nug keeke oh Israel danab ah dilagppa hekkunu aum amu, ig amunu at, amunu epponak keeke bia daagnignu meikke daattem,” awa aum.

Sam 68:18

O Yawe Kayak na appa daakkutnu, na Sion qaukoppa teme. Na tenana, na ban danab eɗadna, aɗualadna diin gome ele amu, na ag noolag aon teme. Ao, na te, danab ah ag na keeke kuɗumnab nahip daakkunu hamu mettaeg, na aome, amge agib iitta. Laa ag nahip nai tappe nak heppig, ag ele keeke anam mettaeg, na aome.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Matyu 23:21

Am laa nug mettid lag onigppa nuhig nai ɠagattag qedatte amu, nug mettid lag amu Kayak, Nug aguppa daatte, nug Nug onigppa ele nuhig nai ɠagattag qedatte.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 11:10

Haen amuppa am inam daakku. Jesi buɗub nug geha king daakku. Nug pilak laa, pilak amuam ad elab attan ta ukkak galaeg daatte, nug amubia daakku, amu wanppan huu anen anen ohppan danab ah ag geha nuhigppa uɗin, gumidna dona, nug dooglagnu ba daakku. Nug anam dayebeb, wanppan wan ohppan danab ah ag nug gumidna goppeg, nuhig dayaknu aben am binag amahlak oppiaawak ele daakku.

Revelesen 21:23

Aab okkai amuppa amu aam kalam ele aa aab amu amahlak laa medakkunu ii daattep. Aɗinu? Kayaknu binag amahlak oppiaawak ele am amahlak medatte, amu Sipsip Nag am aab amunu lam daatte.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.

Joel 3:21

Amu danab ah ag dahilad danab ah aqaeg mauhppig ele, da ag eheɗ hak amunu nob elele eɗue madakkul,” awa atte. Yawe Nug Sion daatte.

Sam 68:16

Kayak Nug qauko Sion appa daakkunu tituana, appa ana daatte amunu, danab ah Basan qauko hume takppanab daatteb ele, aɗinu ag danab ah Sion qaukoppa daatteb dilagnu amelag qe oolag elele ii daatte? Yawe Nug Sion qaukoppa hanhan daakku.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

1 King 9:3

Am Yawe Nug Solomon amegppa inam aum. “Da nahip unuqittak, oot ohppa oɗ meɗak ele na da amelppa ame amu, da doomi. Am da na mettid lag imu, na buume amu, da lag amu dahilnu tituana meɗak daakkunu aakku hemi. Haen oh da onil aguppa daakku. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

1 Stori 23:25

Amu Dawit ⌊nug Lewi buɗub ag uɗat anen anen hekkulagnu tituanattomnu⌋ diignu, nug inam aum. “Yawe, Israel dilag Kayak, Nug nuhikkud danab ah ehanatte, ag maɗoɗ daaeg, Nug hanhan Jerusalem ippa daakkunu uɗiom amunu,