Sam 132:13 - Nobonob Baibel

¹³ Aɗinu ⌊Yawe Nug anam aum⌋? Nug Sion tituanom. Nug appa daakkunu oo daatte.

Sam 132:13 ပူးပေါင်းရင်းမြစ်များ

1 King 11:13

Amge da nug king uɗat oh aɗiten nug ii lamidpa, iitta. Da dahil maɗi nid Dawit, da nuhignu dabmak anuqak awen, amu Jerusalem, aab amuam da dakka dahilnu tituanmi amu, da aab amunu ele dabmak anuqak aottem amunu, geha da heppi, na bekkat, nug am king dayaya, Israel dilag huu okkai laippu laa amu gumadkku,” awa aum.

2 Stori 7:16

Da, da onil hanhan aguppa daakkunu, da mettid lag imu dahilnu tituana meɗak daakkunu aakku hemi. Danab nug baekkudppa ele laulagppa daatteb, danab nug lag amu dabmedette, aguppa daakkunu oo huana hette, amubia da lag imunu hanhan dookkul.

Esra 1:3

Nug anam aum amunu, ag Juda buɗub amu, ag oolagppa aun ag Jerusalem gona, amu hekkulagnu dabmetteb ele amu, Yawe, ahilag Kayak, Nug ag ele daanna, ag Juda wanppa, Jerusalem appa gona, ag Yawe, Nug Israel dilag Kayak, nuhig dayak aben am Jerusalem appa daatte amu, ag appa tena, lag nuhig buuglag.

Sam 68:16

Kayak Nug qauko Sion appa daakkunu tituana, appa ana daatte amunu, danab ah Basan qauko hume takppanab daatteb ele, aɗinu ag danab ah Sion qaukoppa daatteb dilagnu amelag qe oolag elele ii daatte? Yawe Nug Sion qaukoppa hanhan daakku.

Sam 87:2

Nug aab okkai Sion, aab amuam aab okkai laa oh Israel ooppa daatteb eɗattak amu, nug aab amunu oo mauhtte.

Aisaia 14:32

Amu haen Pilistia dilag nai awa ukkak danab ag uɗin, amunu ig oɗ megappeg, ig aɗi amelagppa akkunig? Ig geha ahilag oɗmak inam nob mekkunig, “Yawe Nug he, Sion nug eɗua ɠagattag daatte amunu, danab o ah nuhig aun nug uug maokku, nug ukka, Sion ta, nug padal mak eɗitteb ena dayaknu aben amuppa ena daakku.” Ig anam akkunig.

Hibru 12:22

Amge ag gemu daatteb, ag oolagppa genab dootteb ele amu, ag keeke anamppa ii wappig. Iitta! Ag amu Sion qaukoppa teppig. Ag am Jerusalem hab aabppanu, Kayak bauklelnu appagppa teppig. Ag amu engel tausen tausen maɗoɗppan gamag ahak okkai ele qagmena daatteb ele, amuppa teppig.