Sam 131:1 - Nobonob Baibel

¹ O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 131:1 ပူးပေါင်းရင်းမြစ်များ

2 Samuel 6:22

Da hein, da danab hamu, king iitta bianab aakku daakkul. Da hein, da dakka, da dahil neekkakppa da danab hamu, king iittanab iitta bia dakka aniɗkkul, amge begbeg maɗi ah, na ahilagnu ame amu, ag dahilnu, ‘Nug am danab ena, binag ele,’ akkulag,” awa aum.

Job 42:3

Na oɗ meɗame. ‘Laa nug nai doyak iitta ele mattiaya ha, dahil ulum nai gatatuppa tonom daatte amu, laa amu nug am aun?’ Na anam oɗ meɗame, am gemu da doottem, genab da keeke laalanu, da keeke amunu diignu doyak tutukku iitta amu, da keeke amunu mattimi. Ge, keeke amuam keeke enanag, da keeke amunu diig dookkulnu elele iitta.

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 139:6

Da amu oh am genab doottem, amge da amu diig tutukku dookkulnu elele iitta. Ao, Yawe, nahip hak ena, da amunu diig dookkulnu elele iitta; da eɗiltte.

Prowerb 21:4

Dada ha laa eɗittaknu dabmak awak, dada hak kobol ele; nau hak danab ag amu henana, ag aakku hipunin hetteb.

Jeremaia 17:16

O Yawe, na nahipad danab ah gumattak uɗat imu da meɗame amu, da uuen oole, uɗat laa ii hemi. Na doottem, da deɗ laa na heppe, Juda danab ah imu ag nauhkkulagnu ool ii dayom. Da aɗi nai madittem amu, da na amenppanab madittem; da na doomnanu lokkumen madikkulnu ii hettem.

Jeremaia 45:5

Da anam hekkul amunu, na keeke okkai nakka nahipnu aokkutnu am enate? Na anam aokkutnu aib heme. Aɗinu? Da heppi, danab ah imu ag padal mekkulag, amge da ele heppi, na adeppa adeppa gokkut amu, appa ag na nidappeg ii mauhmana. Iitta. Na bau daakkut.” ’ ” Yawe Nug Jeremaia amegppa anam a, Jeremaia nug Baruk amegppa aum.

Namba 12:3

Aa anam apiɗ, amge Moses nug nukka nug onig qe nettom. Nug, nukka onig nakok laa ii humattom. Danab ah laala ag onilag qeeg neum, amge Moses nug onig qe na auta autanab awom.

Matyu 11:29

Ag gugappan tuqai dahil aon gukkalagppa mewona, ag dahilppa dabmak aweg! Aɗinu? Da am wagai mak danab iitta, amu da am oo doyak ele. Ag anam henana, ag oolagppa uug iitta oiglag.

Aposel 20:19

Ag dootteb, haen kuɗum Juda ag da tappiɗppeg nokkulnu heppig, amuppa amu da uug kuɗum aomi, amge da onil qei, honap noono, da Naɗinu uɗat hemi. Da haen kuɗum amel leb neum.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Rom 12:16

Ag oh laippu daan, oolag maɗoɗ ele dayeg! Ag dada kobol aib dim lamidppig. Iitta. Ag danab binag okkai iitta ele oh oiyeg! Ag akka ahilagib dabmena, “Da dakka iikku doyak ena ele,” aib appig.

Duteronomi 17:20

Laa ele amu, nug laikkud laa dilagnu, “Da ag eɗadttem, da am enanag,” doomnanu, nug ɗo laippu laa ii dim lamidmanu, nug anam hekku. Anam heeb, nug am, nug buɗub ele ag Israel haen elabnab gumadkkulag.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

1 Samuel 16:13

Yawe Nug Samuel anam hekkunu amegppa a, Samuel nug goɗen awa, Dawit awakkud noolagppa Dawit nug king bekkunu goɗen gokkaɗakppa tituanom. Samuel nug Dawit goɗen gokkaɗakppa tituane, Yawenu Ouɗi Nug Dawit, nuhigppa ɠagattag ele uɗiom. Yawenu Ouɗi Nug uɗia daya, Dawit ii uuittom. Iitta! Nug anam dayom. Amu Samuel nug eɗua, Rama ukkom.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 16:22

Am Dawit nug keeke anam heehe amu, Saul nug Jesi toppa nai me ukke aum. “Da Dawitnu oolppa ena doottem amunu, nug da ele ippa daaɗa, da ehaniɗkkunu oɗ medattem,” awa aum.

1 Samuel 18:23

King Saul nug nuhikkud ehanittak laa ag Dawit amegppa anam akkulagnu a, ag gona, Dawit amegppa nai amu aeg, Dawit nug nob ma, amelagppa aum. “Amu laa nug king aɗeg aokku am, keeke hamute? Iitta! Amu keeke okkai. Da elele iitta. Aɗinu? Da am danab men doɗo okkai iitta; da ele am danab onil iitta,” awa aum.