Sam 130:2 - Nobonob Baibel

² O Naɗi, na da baal dookkutnu oɗ medattem. Ao, da na dahilnu na oot gai-iitta doon oot meɗan ehaniɗkkutnu unuqidppippi, na unuqittak dahil dookkutnu unuqidttem.

Sam 130:2 ပူးပေါင်းရင်းမြစ်များ

2 Stori 6:40

Amu O Kayak dahil, na unuqittak ig lag imuppa hettem imu dookkutnu amu, na daut humakib daakkunu oɗ medattem.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Nehemaia 1:6

O Yawe da, nahip maɗi nid, da na dahil unuqittak da deɗ oh amun tuqan ele unuqittitti doon, nob ena meɗakkutnu oɗ medattem. Da Israel danab ah, ag nahipad maɗi nid maɗi ah ele amu, da amu dilagnu na unuqidttem. Amu da ii lokkumttem. Iitta. Da ig Israel danab ah, da ele, amu da mamel baekkudppan ele, ig oh nahip-ppa hipunin hemut amu, da miagib na amenppa madittem.

Sam 140:6

O Yawe, da na amenppa attem. “Na am dahil Kayak!” Na dahil unuqittak doon, dahilnu oot gai-iitta doon oot meɗan ehaniɗkkutnu unuqidttem!

Sam 17:1

O Yawe, da keeke laanu oɗmak hettem imu amu, oɗmak amuam genab tutukku elenu, amu na doon ehaniɗkkutnu unuqidttem. Ao, na da ehaniɗkkutnu gaattem imu dookkutnu oɗ medattem. Da hambubuitten, na ii unuqidttem amunu, na dahil unuqittak imu daut human dookkutnu oɗ medattem.

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Sam 5:3

O Yawe, da buttua unuqitti, na doottem. Ao, da buttua anen anen da oolppa aɗi keekenu na oɗ medakkulnu dabmettem ele amu, da na unuqidttem. Ge, da unuqittette, na da ehaniɗkkutnu ool maɗoɗ ele amen mein daattem.

Sam 64:1

O Kayak, uug da toniɗom daatte amunu, na dahil unuqittak dookkutnu oɗ medattem. Kekeɗ dahil ag da iuglagnu atteb. Na ag amu hemananu ahilag ib oo nekkutnu unuqidttem.

Aisaia 37:17

O Yawe, da na Asiria dilag king Senekaripnu nai doon, dabmekkutnu ool daatte. O Yawe, na neegna, Asiria ag aɗi hetteb anidna dabmekkutnu oɗ medattem. Asiria dilag king Senakerip nug na, na Kayak bauklel ele, nug na awa awa nittak naunab nidakkunu nai me uɗiom amu oh, na amu neegna anidna doon, dabmekkutnu oɗ medattem.