Sam 13:5 - Nobonob Baibel

⁵ Amge da nahip oo mauhaknab kobolnu oolppa genab doottem. Ao, da geha na ehaniɗppe padal ii mepanu gamag ahak dookkul.

Sam 13:5 ပူးပေါင်းရင်းမြစ်များ

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Sam 25:2

Da na Kayak, da nahipnu aakkuib tutukku oolppa genab doottem. Na heppe, laa ag da eɗilppeg, uɗal ii nemanu unuqidttem. Ge, na kekeɗ dahil uuadppe, ag da eɗilon, oolag gamag ahamanu oɗ medattem.

Sam 32:10

Uug digdig geha nau hak danab dilagppa bekku, amge Yawe Nug danab ah ag nuhignu oolagppa genab dootteb ele, Nug ahilagnu oo mauhaknab dootte.

Sam 33:18

Anam aakku daatte, amge Yawe Nug danab ag nuhignu ebehilag oh bodoetta le mette ele, Nug ag ehanadtte. Yo, Nug laa ag nuhig oo mauhaknab kobolnu dabmenan oitteb ele amu, ag ehanadtte.

Sam 36:7

O Kayak, danab ah ag nahip oo mauhaknab kobolnu oolag huana hette. Na danab ah oh dilagnu padal mak eɗitteb ena dayaknu ehanittak dayeye, ag matuk nakkud anilag haug waappa ena daatteb bia, danab ah ag nahip-ppa ena daatteb.

Sam 38:17

Da nein qekkulnu miag daattem. Da hanhan guittak ele daattem.

Sam 51:12

Hipunin danab nug oo eɗue, na ehanitte, padal ii ma, maɗoɗppan gamag ahak dootte amu, na heppe, da maɗoɗppan gamag ahak amu doomi, baula dookkulnu unuqidttem. Ao, na da ehaniɗppe, da na oɗen dim lamidkkulnu ool dayeb, da amu hekkulnu ɠagattag meɗakkutnu oɗ medattem.

Sam 52:8

Amge da amu, da olip ad laa, Kayaknu mettid lag, amuppa enanag bette, da amubia daattem. Ao, da Kayaknu oo mauhaknab kobol daatte amu, da amunu oolppa hanhan genab doottem.

Sam 9:14

⌊O Yawe,⌋ da Sionnu aɗ odppa na onin humakkulnu, na da ehaniɗe, da kekeɗ eppelagppa ii daattemnu na binan medakkulnu amu, da diig amunu na anam ehaniɗkkutnu oɗ medattem.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Habakuk 3:18

⌊Uug nau amu oh anam bena daaglagtai,⌋ amge da Yawenu gamag ahak dookkul. Ao, da Kayak, Nug da ehaniɗe, da padal ii mettem amu, da nuhignu ool gamag ahakku.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Luk 2:20

Anam dayeye amu, sipsip gumak danab ag oolag gamag ahehe, eɗun gona, ag kobol oh ag amelagppa anidna, nai daulagppa dooppig ele amu, ag amunu Kayak binag amahlak oppiaawak ele, aria onig okkai ele meppig.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.