Sam 13:2 - Nobonob Baibel

² Da dahil dabmakppa uug nau doyeye, da oolppa oo doyak deɗ ohppa ele doottem; amu haen gane laa ele ukkeb, da amu ii doopa? Ao, kekeɗ dahil ag da eɗileg, da nein qein daattem; amu haen gane laa ele ukkeb, ag anam ii hemana?

Sam 13:2 ပူးပေါင်းရင်းမြစ်များ

Nehemaia 2:2

Da anam daaiyi, king nug aniɗa, nug da oɗ meɗom. “Na oɗe iitta amu, aɗinu na iɗun tiguguɗak daatte. Na ootppa uug okkai laa doottem amunu, na iɗun anam daatte doottem,” awa aum. Nug anam a, da eheɗ baɗami.

Esta 7:6

King nug anam oɗ mette, Esta nob ma aum. “Ihinig kekeɗ, laa nug anam hekkunu hette am, danab nuhig kobol uɗig wak ele, am Haman iikku, nug hette,” awa aum. Esta anam a amu, Haman nug king, kuin ele noolahppa baɗak eheɗ nau ele dayom.

Job 10:15

Anam amu, da nau hei, beɗulppa aab daatte dayeb, dahilnu gadonnab gadon. O iitta, da genab tutukku hak danab daakkul dayeb, da danab ah noolagppa ena daakkulnu elele iitta. Aɗinu? Gemu da uɗa nak nau doottem. Ao, uug da toniɗom daatte.

Sam 10:18

Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Sam 31:18

Danab amu ag dada danab daanna, ag genab tutukku hak danab ah dilagnu, “Keeke hamunab” doon, ag diig nau amuppa nai mattin, genab tutukku hak danab ah dilagnu hambuppuak nai maditteb amunu, ag beɗuppa tak danab nai maditteb bia tuɗidna mattimnanu, na ag oɗelag qamutkkutnu oɗ medattem.

Sam 38:17

Da nein qekkulnu miag daattem. Da hanhan guittak ele daattem.

Sam 42:4

Da anukka attemnab dayomnu amelppa doowo, ool huana dootte. Aɗinu? Haen amuppa da danab ah kuɗum oh ele, ig Kayak noobppa dup nota, Nug binag mekkunignu gottamut. Ag gamag ahak ahi ettenna, Kayak amegppa, “Ena heme,” aegeg, da anuqen ugekke, ag omalatti, Kayak laugppa gottamut.

Sam 6:4

O Yawe, na dona ehaniɗna, qagaiettakppanu awiɗkkutnu unuqidttem. Ao, na oo mauhaknab kobol dim lamidttem amunu, diig amunu na da ehaniɗppe, da ii mauhpanu oɗ medattem.

Sam 7:2

Na anam ii hekkut dayeb, kekeɗ ag geha laion laa doɗ laa kattiɗtte, ag amubia da kattiɗilkkulag. Ao, na anam ii hekkut dayeb amu, kekeɗ ag doɗ laa layag emala kattiɗe, huppu huppu nette, amubia ag heppeg da nauhkkul, amu auntai laa da ehaniɗeb qagaiettakppa ii daakkulnu ii daama.

Sam 74:10

O Kayak, gemu ihinkad kekeɗ ag na aon aon nidatteb; amu haen gane laa ele ukkeb, na ag amu hemananu ib oo nekkut? Ao, na ag uuadppe, ag hanhan na oninnu, “Am keeke hamu,” danab ah laa ippunadkkulagte?

Sam 74:18

O Yawe, kekeɗ ag na aon aon nidappig amu, na amu dabmekkutnu oɗ medattem. Ao, na danab ag na, Kayak, ag nahipnu dabmak tutukku iittappa na onin aon aon qedatteb amu, na amu dabmekkutnu unuqidttem.

Sam 8:2

Na he, nid naunau, amu nid yuɗ huhppanu ele ag na binan humaglagnu dootteb. Na amu heme, amunu diig am kekeɗ nahipad ag ib iitta ele daaglag. Ao, na amu heme, amunu diig am danab ag akka ag laa nau heppignu nob mattaglagnu hetteb ele amu, ag nai iitta, hamu daaglag.

Sam 9:6

Na ihinig kekeɗ hattai nauhna iitta meppig. Ao, na hee, ahilkad aab okkai am loppaɗa nakib daatteb. Ge, danab ah ag geha danab ah amu, ag ahilagnu dab-iinab-memana.

Prowerb 15:13

Danab laa nug oo gamag ahak dootte amu, iɗuppa amunu anttak aakku daatte; amge oo uug doyak, amuam he, danab nug ooppa na qak dootte.

Eklisiastis 5:17

Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.

Jeremaia 15:18

Da anam aakku daami amunu, da tuɗid eleib guittak doyeye oittem, da amunu diig amu, da ool ii maidtte. Ao, laa ag da ihil meɗaeg ii qaɗaiedatteb amu, da amunu diig ele, da ool ii maidtte. Le okkai laala ag qaɗaiettaeg, danab ah appa le ii aotteb. Ao, le qeppuɗia bak laala ag qaɗaiettaeg, danab ah ag le appanu ii aotteb. Am amubia na dahilnu hekkutte?” Da anam ami.

Jeremaia 45:3

‘Na ame. “O dahilnu gadonnab gadon. Aɗinu? Yawe Nug he, guittak dahil dayom amu, gemu guittak amu aakkuib ii daatte. Iitta. Gemu da oo doyak okkai ele doottem. Da gayeye, beɗul bahi ye, hik awe ena daakkulnu ib laa iitta,” ’ aon ame,” awa aum.

Jeremaia 8:18

O Ehanittak dahil, da uug doottem. Da ool am gai-iitta meum daatte.

Gayak Nai 1:5

Kekeɗ ag gemu Juda wan aɗaeg, Juda ag eppelagppa daatteb; Juda dilag kekeɗ ag hamunab, uug laa iitta ele daatteb. Juda danab ag hipunin huanak heppig; amunu Yawe Nug uug nau mattom. Kekeɗ ag Juda eɗadna heeg, Juda danab ah ag diia ukka laih me dayak danab ah wan laappa daaglagnu, ag kekeɗ noolagppa maniguittak danab ah daan, baelagppa oinna goppig.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Matyu 26:38

Nug anam doya, Nug ag amelagppa aum. “Da oolppa kahipan toɗe mauhak bianab doottem amunu, ag inam daappeg, da ele dabmettat daatu!” awa aum.

Luk 22:53

Deɗ oh da ag ele Kayaknu mettid lag ooppa daamut, amge ag ii aɗailppig Anam amge haen imuam ahilag haen, amu Satan nug uɗat nuhig ahilagppa hette,” awa aum.

Jon 16:6

Da nai mattimi, diig amunu ag oolagppa oo doyak okkainab aotteb.

Rom 9:2

Nai amuam inam. Israel danab ag Jesus dimedappig amu, da amunu oolppa uug okkai doyeye, haen oh da oolppa guittak nau doottem.

Pilipai 2:27

Amu genab, anukka nug oɗe ma mauhkkunu miagnab dayom, amge Kayak nuhignu oo gai-iitta doya oo metta ehanitta he, nug eɗua bau daatte. Am Kayak Nug nuhignuib oo ii doyom. Iitta. Nug dahilnu ele, uug okkainab da toniɗmanu oo doyom amunu Nug he, Epaproditus eɗua bau daatte.

1 Samuel 18:29

nug Dawitnu tatam baɗak doyom amu, gemu nug baɗak amu eɗittak doyom. Nug Dawitnu kekeɗ dayom amu, nug anamib daye ukke, haen nug mauhom batak.

1 Samuel 24:19

Haen danab laa nug nuhig kekeɗ anidtte amu, nug guittak iite medatte? Ao, nug guittak medatte. Danab laa nug kekeɗ antta, geha nug, nug amegppa, ‘Na appanppa eɗun ukke!’ akkute? Iittanab iitta amunu, da ool inam daatte. Geha Yawe Nug kobol ena oh na dahilnu heme amu antta, Nug nob ena na medakku.