Sam 13:1 - Nobonob Baibel

¹ O Yawe, na dahilnu daut atie daattem; am haen gane laa ele ukkeb, na eɗun, dahilnu dabmekkut? Na hanhan dahilnu daut atikkute? Ao, na da ii neekkiɗttem; amu haen gane laa ele ukkeb, na eɗun, da neekkiɗkkut?

Sam 13:1 ပူးပေါင်းရင်းမြစ်များ

Job 13:24

O Kayak, na iɗun dahilppanu lokkumna, dahilnu, ‘Nug dahil kekeɗ,’ doottemnu diig ippuniɗppe, da anidkkulnu oɗ medattem.

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

Sam 35:17

O Naɗi, ag anam hetteb, amu haen gane laa ele ukkeb, na anam neekkadnaib daappe, ag anam hekkulag? Haen gane laa ele ukkeb, na da ehaniɗkkut? Na danab ag da niɗaglagnu hetteb amu, na ag eppelagppan ehaniɗna awiɗkkutnu unuqidttem. Ao, ag am laion bau bia, na da atognoiɗppe ii mauhpanu oɗ medattem!

Sam 44:24

Na laih neegna, ig nahip ehanittak aognignunab daattem ii anigkkut am ena iitta amunu, na anam ii hemananu oɗ medattem. Ao, danab ah ɠagattag ag heeg, ig guittak dootut, eheɗ heigtteb. Na heppe, ag tuɗidna, amu hemananu unuqidttem.

Sam 6:3

Da ool uug okkainab ele daattem. O Yawe, haen gane laa ele ukkeb, na da ehaniɗkkut? Ge, haen gane laa ele ukkeb, na da ehaniɗkkut?

Sam 74:1

O Kayak, na ig haen elabnab iikku ii ehanigme. Na ig ii ehanigmenu appe doognignu oɗ medattem. Ao, na ihinignu oot nauhtte diignu appe doognignu unuqidttem.

Sam 80:4

O Yawe Kayak Nakka Ɠagattag Oh Ele, na nahipad danab ah dilag unuqittaknu oo nauhak doottem; amu haen gane laa ele ukkeb, oo nauhak amu iitta mekku?

Sam 85:5

Na ihinignu hanhan oot nauhkkute? Na heppe, nahip oo nauhak am hanhan bodo-ii-ettamate?

Sam 89:46

O Yawe, na nakka na lokkumidttem; amu haen gane laa ele ukkeb, na amu ii hemana? Na hanhan na nakka, na lokkumidkkutte? Nahip oppoɗi bak am aab diditte bia daatte; amu haen gane laa ele ukkeb, nahip oppoɗi bak am anam ii daama?

Sam 90:14

Ig bau daattem haen imuppa ig haen oh oonig gamag ahebeb, ahi ettagnignu amu, buttua oh na heppe, oo mauhaknab kobol nahip ihinigppa daakkunu oɗ medattem.

Aisaia 59:2

⌊Anam amu Yawe Nug ehanadkkunu elele daatte, amge Nug ii ehanadttenu diig laala am ag Juda,⌋ ag hipunin heegeg, hipunin amu ag heeg, ag Kayak ele ouqak ii daatteb. Ao, ag hipunin heegeg, hipunin amu he, Kayak Nug ag ena ii neekkadtte amunu, Nug ahilag unuqittak ii dootte.

Gayak Nai 5:20

O Yawe, na ihinignu daut atie uɗie, gemu ele anamib amunu, na haen elab anam ihinignu daun atiom daattemnu diig appe dookkulnu ool daatte. Ge, na uuigna piɗe oiyeye uɗie, gemu ele anamib amunu, na haen elab uuigna oittemnu diig appe dookkulnu ool daatte.

Duteronomi 31:17

Ag anam heppeg, da ahilagnu ool nauhkku. Da ag uuatte, dimadappi, ahilkad kekeɗ geha hadappeg nauhkkulag; uug naunab, uug digdig laa ele ahilagppa bekku amunu, ag akkulag, ‘Kayak ihinig, Nug ig ele ii daattem amunu, keeke naunab imu ihinigppa beum,’ akkulag.