Sam 123:4 - Nobonob Baibel

⁴ Dada danab ag huananab aon aon iqatteb. Ao, beɗuppa tak danab ag ihinignu keeke hamunab dootteb. Ge, ig uɗa nak okkai aot daat oittem ⌊amunu, na ihinignu oot gai-iitta doon oot megakkutnu oɗ medattem.⌋

Sam 123:4 ပူးပေါင်းရင်းမြစ်များ

Nehemaia 2:19

Ig anam bappaidmut, amge haen Horon ted Sanbalat, Amon dilag ehanittak anuqak danab Tobia, Arebia ted Gesem ele ag amunu nai doon, ag aon aon iqan, ig amenigppa inam appig. “Ag Juda ag attem hetteb? Ag king waappa daaglagnu uun, nuhig nai tabappeg nekkunu hettebte?” aon appig.

Job 12:5

Danab ag keeke oh elele, ag laa uugppa daatteb dilagnu, ‘Ag am keeke hamunab,’ dootteb; ge, ag laa nena qekkulagnu hetteb dilagnu anamib dootteb.

Job 16:4

Ag da daattem bia daalob, da ag abenlagppa dayeye, da ag maditteb bia ele madikkulnu elele daalom. Ao, da ag amelagppa, ‘Ag eheɗ inam inam hetteb,’ akkulnu, da ag eheɗ heppignu ikkil matuɗen daakkulnu elele daalom.

Sam 119:51

Beɗuppa tak danab ag awa awa qettak nai dahilnu atteb, amge da nahip ɗo dim lamittaknu ii uuttem.

Aisaia 32:11

⌊Uug anam bekku amunu,⌋ ag Juda ah, ag hamu, uug laa iitta, eleleib doon daatteb amu, ag ottaieg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag hahaɗeg! Ag lamen ena uɗadna, ag lamen heɗiag ele takkeg! Ag ee meu oh ena ii bemananu, ag grep muɗi am meu ii omananu, ag wan imuam ena ii daamanu, ag keeke amu ohnu mahieg! Aɗinu? Uud keeke qaun ele ag bena wan imu oh tonan, aab imu, lag laala imuppa daatteb ele, amuppa gamag ahak nau daatte, aab, lag amu ele tonaglag.

Aisaia 32:9

Ag Juda ah, ag hamu uug iitta ele daatteb, ag ahan, nai dahil doyeg! Ao, ag Juda ah, ag oolagppa, “Ig eheɗ laa ii anidmata,” dabmetteb amu, ag daulag human, nai dahil doyeg!

Jeremaia 48:11

Yawe Nug inam atte. “Moap huu ag digmena, wan ahilagppa ena, hamuib daaegeg uɗie, gemu ele ag anam daatteb. Danab wain hette ele nug botolppa ina, balalppa me, uɗalak keeke iitta hamu daatte, amubia Moap huu ag daappig, gemu ele daatteb. Kekeɗ ag uɗin eɗadna diieg, wan laappa diia ukka laih me dayak danab ah ii daappig. Anam amunu, danab nug wain botolppa ina me, hamu uɗalak ele iitta dayaya, lanak baag dayom, anamib daatte amu, amubia Moap ag anam daappig, gemu ele aakku daatteb.

Jeremaia 48:27

Ag Moap ag Israel aon aon iite aqappig? Ag Moap, ag Israel dilagnu, “Yabhok danab lailkad aakku,” dabmena, ag Israel dilagnu aɗi nai maditteb, ag amu mattinna, ag Israel dilagnu, “Keeke hamunab,” doon, ag ikkilag matuɗtteb, amge amuam genabte amunu ag anam hetteb?

Jeremaia 48:29

Moap danab ah, ag am dada danab ah amu, ig amu doomut. Ge, Moap danab ah ag dada hena, ag akka ahilagnu anuqaknab dootteb amu, ig doomut. Ag dada danab ah, beɗuppa tak danab ah ele. Ag dada hena laa eɗittaknu dabmak aotteb.

Amos 6:1

Ag ikki danab aab okkai Sion appa daan, “Ig enaib daat oignig,” doon oiyegeg, amu ag ikki danab Samaria appa daanna, “Ihinigppa uug laa ii bema,” dabmenan oitteb; ag am huu laa Yawe tituanatte, ag Israel danab ah oh dilag danab okkai daaeg, Israel danab ah ag ahilagppa ehanittak aoglagnu uɗitteb ele amu, ag oh, ahilagnu am gadonnab gadon.

Aposel 17:21

Amu Atens danab oh, wan laihnu danab Atens daappig ele oh, ag uɗat laanu amu dab-ii-meppig. Iitta. Ag nai baunu mattin, diig anidna, nai bau amu dooglagnu amuib henan daappig.

Aposel 17:32

Aria, laa ag nai Pol mattiom dooppig ele amu, haen ag danab mauha eɗua hibaittomnu nai amu ag doon, laala ag ahan awa awa qettak nai mattiegeg, laala ag appig. “Dimppa geha ig nahip nai keeke amunu mattime amu baula appe doognig,” aon appig.

Aposel 26:24

Pol nug anam aawo amu Pestus nug Polnu nai otaɗa eum. “Pol na am kaaka nittom. Na sul huanak heme amunu, doyak okkai nahip amu he, kaaka nidatte!” awa eum.

1 Korint 4:13

Ag ihinignu baeg qak nai aeg, ig nai bodoettakppa ag amelagppa attem. Ig am wan ohppanu kinipan daatte, amubia daattem. Ao, ig danab oh dilag kinipan, amubia daattem. Ig anamib daaut uɗie, gemu ele daattem.

1 Samuel 17:42

Dawit waawo, Goliat doowo, nug gukkuidyaya amu, Goliat nug Dawit miagib anttom; nug am nid bau, nug iɗu enanag, amge nug am danab ɠagattag ii meum anttom. Goliat nug Dawit anam anttom amunu, nug nuhignu, “Nug am keeke hamunab”, dabmeum.