Sam 123:2 - Nobonob Baibel

² Begbeg maɗi nid ag ahilkad okkai eppelkadppanu, ag ee, keeke laala ele bau daaglagnu aoglagnu dabmetteb. Ao, maɗi nid ahin ag ahilkad ah okkai ag ee keeke madappeg, bau daaglagnu dabmetteb. Amubia ig Yawe, ihinig Kayak, Nug ihinignu oo gai-iitta doya oo mekka ehanigkkunu ameg mettem.

Sam 123:2 ပူးပေါင်းရင်းမြစ်များ

Genesis 32:26

Maɗog apiɗitte, danab amu nug aum. “Wakkaɗom amunu, paɗailppe da gokkul!” awa aum. Nug anam a amu, Jakop nug aum. “Da na ii paɗaidpa! Tatam na itittak ena meɗappe, na paɗaidppi gokkut,” awa aum.

Genesis 49:18

O Yawe, na da ehaniɗkkutnu, da na amen mettem.

1 King 1:20

O King, dahil naɗi, na doye! Israel danab ah oh ag na aun nug nahip abenppa sia kingppa king daakkunu amelagppa appe dooglagnu, ag na amen metteb.

2 Stori 20:12

O Kayak ihinig, daup laihnu uɗippig amu, na ag epeɗiadna, ag eheɗ hetteb anidna, bu iite mattamna? Aɗinu? Danab banenig uɗin ig iqaglagnu hetteb ele, ag daup huanaknab, ig ag eɗadkkunignu elele iitta. Ig attem hekkunig amu, ig ii doottem, amge ig na neekkidttem,” awa unuqittom.

Sam 119:82

Da na haen elab iikku amen mein daattem; na ame bia, na ehaniɗppe padal ii mepanu tuɗid ele amen mein daattem. Da anam beɗul mein dayeye, da beɗul bahi yaatte. Da attem. “Haen gane laa ukkeb, na heppe, da oo mak aokkul?” awe attem.

Sam 25:15

Yawe Nug geha da, dahil kekeɗ ag pelem meppigppa nopanu atognoiɗkku amunu, da hanhan Nugib ehaniɗkkunu neekkitten daakkul.

Luk 18:1

Amu Jesus Nug keeke danab ag dootteb ii dootteb ele ouaqata ippuanatta, ag haen oh unuqidkkulagnu, ag bahilag yaamanu ele amelagppa aum.

Josua 10:6

Ag anam heeg, Josua nug Gilgal appa dayeye, Gibeon ag nai nuhignu laippun meeg ukkom. Nai meeg ukke appig. “Amo dilag king oh ag laih qauko qauko eleppa daatteb ele, ag aɗaeg o, ig banenig uɗin daattebde! Anam amunu, na pahanab uɗin, ig ehanikke! Na ig, nahip maɗi nid maɗi ah ele, na ig aib uuigme. Ig padal mematanu uɗin ehanikke!” aon appig.

Josua 9:23

Anam amunu, ag aakku gemu, haen oh ag eheɗ laa awaknu anak waappa daatteb. Gemu digmak, ag dahil Kayak, ag Nug laugnu aab aonna, ag le ele itaglag,” awa aum.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.