Sam 123:1 - Nobonob Baibel

¹ O Yawe, naib sia king nahip-ppa hab attan dayeye, da neekki, attan nahip-ppa tette.

Sam 123:1 ပူးပေါင်းရင်းမြစ်များ

1 King 8:30

O Kayak, nahip dayak aben am hab aab, amu na appa daanna, haen da, nahip maɗi nid, amu Israel ele, ig am nahipad danab ah, haen ig neegta, lag imu anidtata, na unuqidpput doona, na ihinig hipunin uhuqna megakkutnu oɗ medattem.

Sam 11:4

Yawe Nug nuhig mettid lag nuhignu tituanak daatte, Nug amuppa daatte. Ao, Yawe Nug hab attan sia king nuhigppa gumak haaha daatte. Nug keeke oh dabmetta autanab aotte. Nug wanppan danab ah ohnab epeɗiadtte.

Sam 120:1

Da uug nauppa dayeye, Yawe unuqidttem. Da unuqitti, Nug dahil unuqittak nob mette.

Sam 121:1

⌊Yawenu mettid lag am Israel dilag qaukoppa daatte amunu,⌋ da qauko amu attan neegppi gokku. Appanu da ehanittak aottem.

Sam 122:1

Danab ah ag da amelppa, “Ahappe, ig Yawe laugppa tetu!” aeg, da ool gamag ahom.

Sam 124:1

Gemu amu, Israel danab ah ag inam akkulagnu daatte. “Laa ag banenig uɗippig amu, ag ihinignu oo nauhak huananab dooppig. Ag anam doyeg, Yawe Nug ii ehaniglo, ao, danab laa ag banenig uɗippig amu, Yawe Nug ii ehaniglo, ag ig eɗigna, heigppeg nauhlom.”

Sam 125:1

Qauko Sion am uɗalnan loppaɗkkulagnu elele iitta, Qauko amuam hanhan daatte. Anamib, laa ag Yawenu oolagppa genab dootteb, ag anam aakku daatteb.

Sam 126:1

Haen Yawe nug he, diia ukka laih me dayak danab ah ig, ig eɗut Sion gota amu, ig am tul niiak enanag laa anidmut bia daamut!

Sam 127:1

Yawe Nug auntai laa lag hekkunu hette ele, Nug nug ii ehanidkku dayeb, laa amu nug amu hekkunu elele iitta. Amu Yawe Nug aab okkai ii atognokku amu, aɗi uɗitte anittak danab, ag atognobeppeg, ena daakkunu daatteb amu, ag amu hekkulagnu elele iitta.

Sam 128:1

Am danab ag Yawenu ebehilag oh bodoetta le mette, ag Yawenu kobol dim lamidtteb ele amu, ahilagnu am ena. Ag itittak ena aoppig daatteb.

Sam 129:1

Israel danab ah ag gemu inam akkulagnu elele. “Ig Israel danab ah, ig digmeta, huu laippu daamut, haen amuppa ihinkad kekeɗ ag eheɗ hegattappig. Gemu ele anamib hetteb.

Sam 130:1

O Yawe, da uug nau, danab nug yu ooppanab noa dayaya, uug nau dootte, da uug nau amubia doyeye, da na unuqidttem.

Sam 131:1

O Yawe, da oolppa da dada hak danab ag akka ahilagnu attem attem dabmetteb amu, da amubia dahilnu ii dabmettem. Ao, da laa neekkatten, da dada hein laa amu eɗattaknu dabmak ii aottem. Da keeke okkai okkai, da keeke amunu dab-ii-mettem. Ao, keeke dabmak dahil eɗidtte, da keeke amunu dab-ii-mettem.

Sam 132:1

O Yawe, Na Dawit dabmettan, nug uug kuɗum mawomnu ele dabmekkutnu oɗ medattem.

Sam 133:1

Danab ah ag maɗoɗ ele laippu, nug oo awak ena ele daatteb, kobol amuam enanag!

Sam 134:1

Ag danab ah ag Yawenu maɗi nid maɗi ah daatteb, ag tuqan Yawe laugppa nuhig ɗo maɗoɗnu uɗat hetteb ele, ag Nug binag meig!

Sam 141:8

O Naɗi Yawe, na da ehaniɗkkutnu nahip-ppa neegttem. Da na, na am padal mak eɗitta ena dayaknu ehanittak dahil daattem amu, da na gumitten gottem. Na uuiɗppe, da mauhpanu oɗ medattem.

Sam 2:4

Ag anam hetteb amge Naɗi, Nug hab attan daatteppa appa sia kingppa dayaya, Nug ahilag dabmak amu antta, Nug ag imadtte. Ao, Nug ag dabmettebnu huan imatte.

Sam 25:15

Yawe Nug geha da, dahil kekeɗ ag pelem meppigppa nopanu atognoiɗkku amunu, da hanhan Nugib ehaniɗkkunu neekkitten daakkul.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 66:1

Yawe Nug atte. “Hab aab am sia king dahil, wan am da bael maknu balal nakok daatte. Anam daatte amunu, ag lag laa, da aguppa daakkulnu hekkulagnu elelete? Ag aben laa da aguppa hik awe daakkulnu hekkulagnu elelete? Iitta.

Matyu 6:9

Am anam amunu, ag inam unuqitteg! ‘Ig Mamenig, na hab attan daattem. Na heppe, ig danab oh ig na onin am oppiaawak daatte dootu!

Luk 18:13

Nug anam aum, amge takis awak danab nug piɗe dayaya, dup noa, hab attan ii neekkom. Iitta. Nug eheɗnab doyom amunu, nug eppegppa momo qeutata, nug aum. ‘Kayak, da am hipunin danab amunu, na dahilnu oot gai-iitta doon oot meɗan ehaniɗkkutnu oɗ medattem,’ awa aum.”