Sam 121:7 - Nobonob Baibel

⁷ Yawe Nug heeb, uug, guittak keeke nahip-ppa ii beeb, Nug heeb, na bau daakkut.

Sam 121:7 ပူးပေါင်းရင်းမြစ်များ

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Sam 145:20

Yawe Nug aun aɗi ag nuhignu oolag mauhehe daatteb ele amu, Nug ag dabmadatte, amge aun aɗi ag nau hak danab daatteb ele amu, Nug ag hatte nauhtteb.

Sam 34:22

Yawe Nug laa ag Nug waappa daanna nuhig maɗi nid daatteb amu, Nug ag qagaiettakppanu eɗua uhuqak dayaknu hette. Nug laa ag nuhignu, Nug am ahilag padal mak eɗitteb ena dayaknu ehanittak daatte doon, nuhigppa uɗitteb ele amu, Nug ag bu ii mattama.

Sam 41:2

Yawe Nug danab amu dabmetta atognobob bau daakku. Ao, Nug geha danab amu, laa ag wan amuppa daatteb ele, amu oolagppanu ititta heeb, nug nuhikkud kekeɗ eppelagppa ii daama.

Sam 97:10

Ag laa ag Yawenu oolag mauhtte ele, ag kobol naunu, ag nau ninig ele doyeg! Aɗinu? Laa ag Yawenu oo metta ii uuak kobol dim lamidtteb ele, Yawe Nug ag dabmatta, atognoattette, ag bau daatteb. Ge, Nug ag nau hak danab eppelagppanu eɗua diitte.

Prowerb 12:21

Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Namba 6:24

‘Yawe Nug itittak ena matta, ehanattebeb, ag enaib daaglagnu,

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Rom 8:28

Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.