Sam 12:6 - Nobonob Baibel

⁶ Yawe Nug aɗi atte amu, amuam danab laa nug silwa babaitta epeɗia awak, silwa enanag, dubuttid nakok laa iitta ele daakkunu nug haen eblaih aɗit ele anam he, enanagnab bette, am anam daatte. Ao, Yawenu nai am dubuttid nakok laa amuppa iinab daatte amu, Yawenu mattiak am ena eleleib, silwa dubuttid iittanab ele anamnab aakku daatte.

Sam 12:6 ပူးပေါင်းရင်းမြစ်များ

2 Samuel 22:31

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

Job 20:19

Aɗinu amu oh am nau hak danab, nuhigppa bekku? Nug daɗek danab eheɗ hadatta, ahilag keeke awe, ag daɗeknab daappig. Ao, nug wagai ma, lag nug ii heum ele hamu awom.

Job 28:1

⌊Amu Job nug anam mattia mala, nug tuɗitta aum.⌋ “Danab ag silwa wan ooppanu buutteb; ag gol aon, gol amu babaitta epeɗia awak daakkunu uɗat hettebnu aben ele daatte.

Sam 119:140

Nahip nai am oppiaawaknab ele. Da, nahip maɗi nid, da nahip nainu ool mauhtte.

Sam 18:30

Kayaknu amu, nuhig hak am, qa oppiaawak ele. Ao, Yawenu nai am enaib; hambuppuak, o kaliak nakok laa nuhig naippa ii daatte. Ge, Nug danab aun aɗi laa ag padal mak eɗitteb ena dayaknu abenppa daaglagnu nuhigppa uɗitteb amu, Nug ahilag guppiɗ daatte.

Sam 19:8

Yawenu oo yaak nai ɗo bia oh am tutukkunab; amuppa danab ah ag oo gamag ahak aotteb. Ao, Yawenu ɗo oh am amahlak ele; amuppa danab ah ag aɗi kobol, aɗi keeke am tutukku amu, ag anidtteb.

Sam 66:10

Am genab, O Kayak, na ma anttak ig mekkame. Ao, danab nug silwa babaitta epeɗia awak daakkunu uɗat hette, amubia ig enanag bekkunignu, na hee, uug ihinigppa beum.

Sam 76:10

Danab ah ag nahip oppoɗi bak eheɗ haknu anidtteb amu, ag na onin humidtteb. Ao, laa ag nahip oppoɗi bak anidna dootteb ele amu, ag nau haknu uutteb.

Sam 9:13

O Yawe, na dahilnu oot gai-iitta doon oot meɗan ehaniɗkkutnu oɗ medattem. Ao, na da laa ag dahilnu nau ninig ele dootteb, na da ag eppelagppa daaiyi, ag eheɗ heiɗtteb anidkkutnu oɗ medattem. Ge, na da mauhakppan eɗun awiɗkkutnu unuqidttem.

Eksodas 3:7

Aria Moses nug anam dayeye amu Yawe Nug Moses amegppa aum. “Danab ah dahilad Isip daatteb amu, Isip danab ag eheɗ hattegeg, da anidmi, gemu ele anidttem. Danab ah dahilad ag Isipnu uɗat gumak danab nau oo doyak iitta ele eppelagppa daaeg, guittak mattaeg gaan, da ehanadkkulnu da onilppa eegeg, da ahilag ewak amu, da doottem. Ag guittak nau, uugnab maoegeg, da dabmettem amunu,

Eksodas 3:8

da dahilad danab ah ehanatten, ag Isip danab eppelagppa qagaiettak daamnanu, da omalatten goppi, wan okkai laappa gona, aon daaglagnu nemi. Wan amuam enanag, wan ittag ele, amuppa ee meu huan otte. Wan amuppa amu, gemu Kanan danab, Hit danab, Amo danab, Peres danab, Hiwi danab, amu Jebus danab ele daatteb.

Eksodas 6:1

Moses nug anam aum, amge Yawe Nug Moses amegppa aum. “Gemu amu, da Paro, nuhigppa keeke hekkul amu, na anidkkut. Da dahil ɠagattagppa ⌊eheɗ hedappi,⌋ diig amunu nug geha ag Israel uuatteb gokkulag. Ao, geha da dahil ɠagattagppa ⌊nug eheɗ naunab hedappi,⌋ diig amunu nug ag wan nuhigppanu lamatteb gokkulag,” awa aum.

Prowerb 22:23

Aɗinu? Yawe Nug daɗek ehanadkku; Nug danab ag daɗek eheɗ hadatteb ele, Nug ag eheɗ hadakku.

Prowerb 30:5

Keeke oh Kayak Nug atte am genabib; Nug laa, ag Nug ahilag padal mak eɗitteb ena dayaknu ehanittak daakkunu nuhigppa dotteb amu, Nug ahilag guppiɗ daatte.

Aisaia 14:22

Yawe Nukka Ɠagattag Oh Ele, Nug inam atte. “Da geha ag eheɗ hadakkulnu ahen, Babilonnu amu, da heppi, nug bekkod nid danab, nug alakkud, nug buɗupud aɗi oh, ahilagppa onig Babilon daatte amu, ag oh iitta mekkulag.

Aisaia 33:10

Yawe Nug atte. “Gemu da ahakkul. Ao, da gemu kobol okkai heppi, danab ah ag da onil okkai meɗaglag. Ge, da uɗat okkai heppi, ag da binal okkai meɗaglag.