Sam 12:5 - Nobonob Baibel

⁵ Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Sam 12:5 ပူးပေါင်းရင်းမြစ်များ

Job 5:15

Kayak Nug daɗek ehanatte, laa naippa eheɗ hattaglagnu hetteb ele eppelagppa ii daatteb. Ge, Nug he, daɗek ag danab ɠagattag eppelagppa ii daatteb.

Job 5:21

Kayak Nug ehanitteb, laa nai mattiak ahilagppa guittak ii mettamna; Ao, na hak nau bak haenppa ele Nug na ehanittebeb, na baɗak ii doomnanu elele daakkut.

Sam 10:12

O Yawe, na ahan ⌊neekkadkkutnu oɗ medattem⌋. Ao, O Kayak, na danab nau bu madakkutnu unuqidttem! Ge, na danab ah bodoettak dilagnu daut atimanu ool daatte!

Sam 10:18

Na nid anilkad mamelkad mauhppig, danab ah, laa eheɗ hattak waappa daatteb ele amu, na ahilagppa nai doya mala hettoɗia epeɗia elele mettak kobol dim lamidkkutnu, na anam hettem. Ge, nau hak danab ag baula heppeg, nid anig mameg iitta ele, danab ah, laa eheɗ hattak waappa daatteb ele amu, ag baula eheɗ nau baɗamnanu na anam hettem.

Sam 10:5

⌊Haen Kayak ahilag ib oo ii nette amu, haen amuppa⌋ nau hak danab ag keeke oh hetteb, amuppa ag eleleib hetteb. Ag na Kayak, ag nahip bu qak ag amelag meum daatte am ag ii anidtteb. Ag ahilkad kekeɗ eheɗ nau aon aon aqadtteb.

Sam 31:19

⌊O Yawe⌋ na danab ah ag nahipnu ebehilag oh bodoetta le mette ele, na amu dilagppa keeke ena ena ehanadkkutnu hena, bappaidna aɗattem. Yo, na danab ah ag padal mak eɗidna ena daaglagnu nahip-ppa uɗitteb ele, na amu dilagppa danab ah oh noolagppa kobol ena ena hettem.

Sam 34:6

Da am daɗek danab laa, amge Yawe unuqitti, Nug doya ehaniɗe, uug dahil oh eɗidmi.

Sam 73:8

Ag danab ah laa hippelag qakkanna, ag nai nau maditteb. Ag am beɗuppa tak kobol henana, ag laa, ag ag oɗelag ii dim lamidkkulag dayeb amu, ag eheɗ hadappeg, ag oɗelag dim lamidkkulagnu atteb.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Prowerb 14:31

Danab nug daɗek dilag eheɗ hadatte amu, nug laa Nug nug heum ele, nug nuhignu, “Keeke hamunab,” aakku dootte; amge aun nug daɗek ehanadtte, nug kobol amuppa Kayak binag mette.

Prowerb 18:21

Na aɗi nai madittem, amuppa na meu aottem. Na amuppa bau daakkut, o mauhkkut. O iitta, laa nai amuppa bau daakku, o mauhkku; danab ag nai dabmettanna maditteb, ag amuppa nob ena aoglag.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Aisaia 19:20

Qaɗab amu, men biidod ele aa Isip wanppa anttaknu at daaglah. Daapeɗ, danab ah anatna, ag Yawe Nukka Ɠagattag Oh Ele, ⌊Nug Isip wanppa daatte⌋ dooglag amunu, kekeɗ ag uɗin, eheɗ hadappeppeg, Yawe unuqidkkulag amu, Yawe Nug haen amuppa ehanatteb, padal memananu danab laa meeb uɗia ehanatteb, ag kekeɗ eppelagppa qagaiettak ii daamna.

Aisaia 33:10

Yawe Nug atte. “Gemu da ahakkul. Ao, da gemu kobol okkai heppi, danab ah ag da onil okkai meɗaglag. Ge, da uɗat okkai heppi, ag da binal okkai meɗaglag.

Esekiel 18:18

Danab nau, bekka kobol ena tutukkuib heum ele, bekka nug ii mauhma, amge nug mameg am mauhkku. Mameg nug hipunin heum amunu, nug mauhkku. Mamegnu hak am, nug keeke lokkumakppa awaknu duttuna hak kobol dim lamittom. Nug layagnu keeke yab awom, amu nug laikkud oolagppa kobol eheɗ kuɗum laa ele heum amunu, nug mauhkku.

Hosea 7:16

Da am Kayak Attannab Laa Oh Eɗattak daattem, amge da ag ehanadkkulnu gumiɗna ii uɗitteb. Ag am lat tanig laa lat doɗo pehetta ii ette, ag amubia daatteb. Israel dilag ikki danab ag dahilnu eheɗ doon dahil nai tappaeg ne oippig amunu, kekeɗ ahilkad geha ag qep elabppa aqaglag. Diig amunu Isip danab ah geha ag imadkkulag.” Yawe Nug anam aakku atte.

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Ikki Danab 10:16

Israel danab ah ag anam unuqittona, ag heeg, laa dilag kayak hambuppuak dottolkad ag oolagppa ii daaeg, ag Yawe waappa daan, Nug oɗe dim lamidppig. Ag anam heeg, Nug ag uug nau dooppignu, Nug ooppa guittak doyom.