Sam 12:4 - Nobonob Baibel

⁴ Ag atteb. “Ig nai mattiak ihinigppa laa eɗadkkunig. Ao, ig aɗi nai am akkunigib. Auntai laa heeb ig ii uumta,” aon attem.

Sam 12:4 ပူးပေါင်းရင်းမြစ်များ

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

Sam 140:12

Amge imunu amu da doottem. Yawe Nug daɗek danab ah ehanatteb, hettoɗiak abenppa epeɗiak danab ag nai doya mala hettoɗia epeɗia elele mettak kobol dim lamidnana, ahilag nai bappaidkkulag. Ao, Nug laa ag keekenu tutu mak ele, ag hettoɗiakppa daappeg, Nug ag ehanadkku.

Eksodas 5:2

Aa anam apiɗ, amge Paro nug aum. “Yawe am aun? Genab, Nug am aun amunu, da nuhig nai doyen, Israel danab ah uuadppi gokkulag? Yawe amu, da Nug ii doottem amunu, da Israel uuadppi iinab gomana,” awa aum.

Prowerb 10:31

Genab tutukku hak danab ag oɗelagppa doyak dabmak ena ele nai maditteb; amge danab nug nai eheɗ tutukku iitta maditte amu, laa heeb, nug oɗe qamutak daakku.

Jeremaia 18:18

Amu danab laa ag appig. “⌊Jeremaia atte am genab iitta.⌋ Mana mettak danab ag Yawenu ɗo ippunigtteb amu, kobol amu ii iitta mema. Danab doyak dabmak ena ele ag ulum nai ena megatteb amu, amu ele ii iitta mema. Propet danab ag Yawenu nai mehuqeg doottem amu, kobol amu ele anamib daakku, ii iitta mema amunu, ahappeg, ig hepput, Jeremaia hettoɗiakppa dayaya nauhaɗ! Ig amu hepput, nuhig nai ig daunigppa baula ii daama,” aon appig.

Jeremaia 2:31

Amu ag Israel ag gemu daatteb, ag dahil nai imu doon dabmetteg! Atu taɗakppa, danab nug appa ehanittak keeke nakok laa aokkunu elele iitta, da ahilagnu anam daamite? Ao, atu laa, gatatu manak ele, appa keeke kuɗum danab heppeg nauhkkunu daatteb amu, da ahilagppa anam laa daamite? Da amubia laa ii daami amunu, aɗinu ag, ‘Ig Yawe uut, Nug baula ii dim lamidmata,’ atteb?

Daniel 3:15

Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

2 Tesalonaika 2:4

Danab amu nug danab laa oh ag keeke oh dilagnu, “Imuam Kayak,” atteb, keeke amu noolagppa ag gatelag qaun otteb ele amu, nug amu oh tappeb neeb, nug onigib humeb, attan tekku. Nug Kayaknu mettid lag, appa nug aguppa daakkunu ta dayaya, nuhignu, “Da iikkuib am Kayak,” awa akku.